1218 師弟手記 之 皇濕炸遲 低消之旅
皇濕炸遲 , 自 2004 年年尾開張 , 小弟就由當時消費到 2005 年底
當時一星期兩次三次等閑事 , 當時實在太少豪華場
2005 年 年底 , " 東慌中全 " 開張之后 , 就開始同 " 皇濕 " 說再見了
中全中式 118 , 同皇濕相比 , 便宜 50 元 , 小數怕長計
中全開之后 , 又到 " 太便羊 " 重新豪裝 , 之后又 " 水嘟 " , " 水立慌 " , " 撈得發 "
要去豪華場 , 根本唔使去 皇濕
闊別了兩年幾 , 適逢此場內部裝修 , 將最低消費調低至 88 元
咁就比我一個好的理由重遊 皇濕
早上 5:00am 入場
由門口行樓梯下去 , 已發現樓梯幾殘 , 太多人上落了
入 Locker 區 , 冇變 , Locker 亦幾殘舊 , Locker 區服務生依舊好好口
舊時的浴區封了 , 改到水池區那邊 , 一早要改啦
浴室 , 共 4 組 , 每組 6 格 , 全部用強化玻璃門分隔 , 私隱好好
好光猛 , 水力好夠
沐浴露 : Lux 力士 , Olay , Safeguard 舒膚佳 ... 全正品
洗髮水 : Rejoice 飄柔 , Pentene ProV , 沙宣 ... 全正品
此場用料 no. 1 , 豪華場一哥地位 , 當之無愧
但有一樣比較敗不 , 是仍然用國產細細支黑妹牙膏 , 我對此牌子有多少反感
如此場能加入大大支黑人 , 高露潔 ....... 就完滿 100 分
一次性底褲亦冇變過 , 用料最好
水池冇改動 , 分暖水池 , 熱水池 , 望望水質通透 , 信得過 , 可浸
浴區大致講完 , 上三樓了
休息區跟兩年前一樣 , 分 A B C 區 , 電影區
今次發現多了商務網吧 , 足夠電腦供上網 ( 不過要付費 , 10 元 / 小時 )
另外由餐廳左手邊 , 多了條樓梯上一層 , 原來是商務休息區 , 好安靜 , 有小食提供 , 每個位有私人電腦上網 ( 每小時 15 元 )
我 .... 都是坐在下面吧
坐低見肚子餓 , 點了 餐蛋出前一丁 食 , 只用 22 元 , 不算好貴
食飽之後就叫了 足按 , 男技師 , 夠力 !! , 足浴貴呀 !! 58 元 + 小費 20 元
按完去睡眠區瞓 , 以前的睡眠太空艙冇了 , 好似裝修
要上 5 樓 , 一路行 , 發現 D VIP 房好鬼靚 , 去到睡眠區 , 才知道非太空艙 , 是將休息椅拉直供人睡 , 入到去 , 鼻寒聲此起比落 , 未必個個接受
此睡眠區似是臨時吧 , 都叫失敗 , 但亦好過無
睡至中午 , 落三樓休息區再 hea , 又到食飯時間了 , 點了碗 水餃湯拉麵 , 要 25 元 .... 好好食 !! 讚 !!
食飽 , 再點多幾份水果 , hea ..... 好彩有帶 " 筆記本 " , 處理電郵 , 不用趕回公司 , 已處理所有緊要事
皇濕的無線 wifi 網速 , 算唔錯
近電影院水吧 , 有台咖啡機可供任添任飲 , 有 Latte , Capuccino , expresso ..... 幾好飲 .... 免費就讚一讚
hea 到 3 點幾至走 , 沖涼 , 浸池 , 焗桑拿 ....... 搞到四點幾才買單離場
全程 136 元 hea 足 11 小時
從未試過在豪華場用130多元可以落樓 , 仲要是鼎鼎大名的 皇濕炸遲 , 感覺好抵 !!
原來放棄入骨房按摩 , 改𤔡飲食加大堂項目 , 反而仲過癮 !!
消費單 已在 uwants 展示
師弟
