又到年尾,上去要注意安全!本人兩年前比人打劫過
各位師兄 平時要注意安全不特止
一到年尾 仲要打醒十二分精神!!
兩年前 岩岩識左我老婆唔係好耐 本人亦都估計唔到d人咁狼死
由於o個晚我收工太夜 上到去大概1:30-2:00左右
由於肚餓 所以叫我老婆同我去樂園路食飯,本來我老婆唔肯,話太夜,
話叫外賣喎,但係次次都叫外賣,又唔好食又食到我真係厭,所以我堅持去樂園路食!
之後食完野,大概3點鐘左右,於是由樂園路(寶發)行返屋企(繽紛時代)
路程大概10-15分鐘左右咖咋,但當行到去天橋和巴士站之間,
身後突然有2個男人衝上前想用手臂"cool"住我地條頸,仲叫我地唔好出聲,(兩個都有拿刀的)
我就咁比佢cool住左喇,但係好在我老婆生得唔算高,個一刻佢又反應好快咁向下坐,
然後起身跑 再大叫救命,當時我眼見我老婆好似會被協持,我都打定輸數,打算比晒d財物出黎咖喇,
但後來我見我老婆走左去叫救命,另一個男人走埋黎想用刀斬斷我個斜"咩"袋,可惜斬左2下都唔斷,
就係呢一刻 佢疑惑左一刻,其實我講左好似好耐,但係發生起上黎真係好快,我完全唔知點應付,
講番o個一刻,正當條友疑惑左一下,我就決定左用盡全力將個身向前跳,另到cool我頸條友都係跌係地上,
然後我極速起身........跑....再大叫救命!!再衝去搵我老婆!
最後.好搞笑地.我係7-11搵番我老婆...原來佢衝左去7-11 交低佢個袋比個服務員
然後 拿"架生"諗住黎救我.....而佢手中o既"架生"竟然係..............小食拑
我老婆好激動 係都話要拿枝野去插o個兩個賊....我同佢講 依家我地都冇事
唔好再返去 好危險....之後佢先停低 兩個人緊緊地抱在一起!!!
各位師兄唔好以為件事就咁完 以為我真係咁好彩咩事都冇
因為當我陪我老婆返去7-11拿返個袋o既時候
我發覺腰背位置濕左 感覺怪怪地 我伸手去摸啦
竟然係血黎......然後我叫我老婆幫我睇下傷口深唔深啦
佢話唔深....我可能仲驚緊 所以又唔覺痛
所以打算返屋企止血算啦 行到一半 諗諗下都係去醫院
可能失血多 係醫院頭暈暈 o個一刻我真係驚會見唔返我老婆 先知原來我咁愛佢
係醫院我老婆亦都喊左出黎 仲擔心左好耐
最後 照左類似x光 冇傷到內臟 "連"左好似3定4針 又打左幾日點滴 住左兩日院(堅持唔住院,回家休息,否則唔止兩日)
請左一個星期假 差唔多成個月先真正好番!!
呢一次真係有得有失 但我覺我得到o既比失去o既多同重要!
但身後o既疤痕至今依然存在!
其實好多detail o既細節和內心感受都冇詳細講,因為冇諗過講咁多!
點都好啦,年尾到 各位師兄 唔係叫你唔好出夜街 最好小心d 真係要注意個條街有冇人流
再唔係叫多幾個fd就隱陣!
[ 本帖最後由 sing1600 於 2008-10-10 03:09 AM 編輯 ]
