姊弟戀,咬老軟
我有個fd係大陸識好多有錢既老女人,想介紹一個俾我,等我可以咬軟(番工咁辛苦,咬軟易好多).個朋友話手頭上都有中年女人話寂寞,佢問我今晚想唔想試,我話好,食完野我地拿拿林出去.去到東門見到個女人,50上下,矮,肥,皮膚仲幾白.本來會搵地方坐下飲杯野,但因為我同朋友o岩o岩食完野,食唔落,所以直接去行街.朋友呢個時侯借o的意走人.我同老女人就去左後邊商場行,以為老女人佢都呢個年紀,會好成熟啦,點知佢拉我入去間賣毛公仔o既鋪頭.入去睇都唔止,仲要俾o的好少女o既動作俾我睇,大佬呀,你咩年紀呀,仲扮少女,玩o左一輪仲想買毛公仔,大佬,我想咬軟架嗎,仲想我出錢? 我話身上o的錢唔夠,下次先.佢唔係幾開心,之後去o左隔離個商場,三樓定唔知四樓成層係影貼紙相o既,x佢老未,佢想同我好o的o的o靚妹o靚仔咁擺o的貼面姿勢去影相,我真係頂唔順,你又唔係o靚模,好在,佢都俾o左個機會我,佢話自己入去影幾張試下機先,我就趁呢個機會走人.咬唔成老軟,又要番工,唉~~~
