皇室假期激氣之旅
小弟星期二 (29/9) 放假， 想過關去relax 下。之前未試過皇室假期，諗住試下。
我係羅湖中午12點過左關後，打13蚊的士去。我好肯定的士錢係自己銀包攞出來的，然後就放番係自己個袋度，而我成個袋連銀包同電話就放係locker度。係e個時候就係惡夢的開始。
個場講真裝修真係幾豪，幾乾淨。個技師係四川人，我按港式推油。手勢算係咁la，因為我本身都唔係好受力的。按左3個鐘，之後推到成身油，就梗係沖涼，沖完涼，成下午4點幾想去locker攞野走。
係e個時候就發現成個銀包唔見左，d 信用咭，提款咭，回鄉證，身份證，八達通全部唔見sai。好彩電話就仲係道。咁我都知邊個做ga la，就係個度搵經理幫手搵下見唔見。個經理梗係例牌唔認。我又第1時間報失sai所有信用咭，提款咭同八達通。本身d錢(人仔300 + HKD 300)又唔見sai，要搵屋企人係香港趕去深圳埋單。
個經理見我冇錢埋單，就話比間vip房你休息，等屋企人來。實質上就係搵2個 保安哥哥帶去一間房坐，看實你。佢地雖然冇打你，但感覺真係勁惡劣。
之後攪到成8點幾，屋企人到左，埋左單。跟手再去派出所報失。之後再去羅湖城對面個間中旅社想攞(臨時通行證)，點知間中旅社6點鐘已經閂左門。我尋晚就要係深圳過一晚夜。
今朝(30/9) 神早9點鐘去中旅社交form 同200蚊後，問個staff幾時有。問左就火都黎埋。佢話好彩的咪今日5點幾過來睇下做起未， 唔係的要等多1日 (1/10) 先有。到最後好彩今日等到傍晚5點幾終於有張(臨時通行證)，搞到7點幾先番到屋企。人番到hk冇事，但補領身份證同回鄉證仲有排搞。
不過自從今次之後，我一定唔會再去皇室假期e間場。金玉其外，敗絮其中。間場點靚都冇用。
