最無厘頭桑拿
大陸真係一百歲唔死都有新聞，話說早兩日同個識左兩年既飯盒去按正骨，諗住按完順便同條女搞野。因為之前去在水一方又話要按三粒鐘先比系房訓，谷九氣（羅湖好多正場平日都系兩粒鐘可以系房訓），於是諗住試下Ｄ未去過既場，就係咁出事喇。
呢間係水圍叫「水上傻豬」既正骨場，入到去，地方都算ＯＫ，招呼一般，無乜特別要求，最大問題係入房既時候，發覺全部落地玻璃加磨沙，兩邊玻璃亦可以見到隔離房，唉，心諗，今晚無運行啦！算數，最多第日先搞。點知按摩按按下（我地按泰式），聽到對面房有敲門聲，個服務員同個客講：「你地一男一女唔可以訓同一張床，要分開訓。」我聽完真係打左個突，唔係掛，如果人地真係兩公婆，上黎按完摩唔可以訓埋一齊？？？？？
到我地按完（其實佢地按得麻麻地），跟住我條女好自然咁過黎我張床訓，唔夠三分鐘，即刻有服務員入黎干涉，講既說話一樣，我問佢：「我同老婆訓有乜問題？」，佢話：「呢度既規矩係唔可以。」真係唔知咩理由，最後都係谷九氣訓醒走人，走既時候發覺真係好多服務員係走廊巡視，睇下有無人訓埋一齊。
奉勸各位ching，如果同老婆或者條女去按摩，千祈咪能去呢間野，Ｄ規矩真係變態。
