8月15日約了國內女朋友去東門看"靈靈狗",約了6點正，期間由皇崗過關...好過唔過...發生咗以下事情：
我大約5點45分到皇崗，揾來揾去都揾唔到車去東門，最後揾到架車"9"號巴士，諗住去華強北轉地鐵；
到咗"經濟大廈"站，好塞車好塞車，d人見到有大巴來立即凶湧而上(唔係蜂擁咁簡單)；
未到站la,仲未落得車,我行定會落車門位置，期間俾野kick到腳，並且砰砰(玻璃碎裂聲)几聲，我望咗望，有個二個大陸人怒目而視；
好明顯佢將d野放在走廊度，好難唔kick佢，雙方啤咗几秒就無再啤la，但我係車上一路等落車都冇事發生...........
直至，我落咗車行咗几分鐘，突然有條友好x大聲係背後講：(大陸人A: A；大陸人B: B；小弟:黑天)
A：阿生你整爛我個玻璃光管，無好諗住走咗去!!
B：你有冇禮貌GA，撞倒人都唔講對唔住!!
黑天：你自己放在走廊度，跟住俾人撞爛咗關我X事???
A：你唔好諗住走，我唔會放過你!
黑天：係咪要來，來LA!(我高過佢二個,大隻過佢二個,靚仔過佢二個，以我食過几年夜粥的"拳力"應該可以几秒令佢地短暫休克)
相同對白一路行一路講......重覆好多次，諗返都几搞笑:smile_30: :smile_30: :smile_30: 成條街d人唔知咩事，我從來都未係國內同任何人"殺氣",呢次可以講真係"破處":smile_13:
几時開始有轉機，因為我講咗句
黑天：你自己放在走廊度，真係好唔小心，爛咗就賴人，有冇搞錯，關我鬼事咩，你想我點??
B：講對唔住....:smile_27: (咁都得)
黑天：對唔住得未?你仲想點?
B：打個電話俾我老細，同佢講聲發生咩事，同埋叫佢唔好炒咗我地，我地都係打份工，唔想佢就咁炒咗我地:smile_14: :smile_14: :smile_14: (我當堂呆咗)
黑天：你想咁姐，無問題，你都想解決問題，早講la，我呢樣一定幫你:smile_30: (我真係做得京劇嗰d變臉小生)
可能佢似為我以為佢地想屈錢，覺得"又好氣又好笑"，態度上突然變咗.....令我驚奇ge係佢竟然會叫我幫佢求情...
我用佢俾我個電話number打電話俾佢"老細"，講咗件事，不過講咗几句就收咗線.....因為真係唔知真定假。佢地話要我幫佢地截的士車佢地返蛇口公司匯報情況，因為佢地二個冇電話:smile_14:
ok我幫佢地截，個的士司機坐地起價$80話交更，我同佢講"太貴"。為免夜長夢多，我提出俾$20佢地坐大巴返公司。佢地話一定要坐的士
話驚俾公司炒咗，要立即返去
我全身都係$100蚊紙，於是走去士多唱....
B：俾$80蚊好wo，几十蚊就算la，我又唔係要你d錢
黑天：俾$50你，唔要就算，我已經仁至義盡
B：張$50蚊係咪假GA...:smile_27: :smile_27:
佢收咗之後就同A一齊走咗...
事件我同嗰二位"受害者"都當黑，我大懞冇留意地面情況，佢地可以太緊張份工，做緊咩自己都唔知，d野就咁放在走廊，我正好當黑撞中.......
$50其實好少錢，但我條氣唔順，女朋友話"破財擋災"算:smile_22:
