蔚南海岸成日計錯數
打完風果日,埋單果時,我明明心算到係400幾,但係個咨客係都話係500幾,仲羅架計數機係甘禁,我就點禁都禁唔到佢個銀碼出黎,佢係都話按摩已經送貴既大堂項目,大堂項目既野,你送就送架啦,有分平貴既咩,但係我本住出黎玩唔好太計較既想法,費事拗,叫佢兌番港紙幾多就算,(因為無人仔係身),但係找錢果時佢又比多45蚊我呀!我問點解會多左既,佢又死狗甘話:唔好意思,頭先我重新計過,真係計多左你一個項目,請你相信我啦,唔會有下次架啦!我就笑笑口話唔緊要啦,然後走人,本來計錯數就好少事,但係諗番轉頭,幾個月前我帶朋友去,埋單果時個咨客又係同我朋友拗到面紅耳熱,最終都唔夠我朋友甘好數口,承認收多左40蚊,照我朋友講個數目收,所以我覺得呢間野做生意手法真係有問題,本來呢間場又平又足鐘,雖然五年就舊D,但係皇崗黎講真係抵,我又有相熟技師係裏面做,真係值得長期捧場,但係甘樣做生意法就死啦!呃呃騙騙既,你有出聲就同你死撐羅,無出聲你咪老襯羅!希望大家今後去親蔚南海岸,埋單果時死人都要同佢計清計楚呀,佢賴皮咪就報公安羅,唔使同佢客氣,我講錯左,其實應該係去親桑拿都要計清計楚,一發覺唔對路就要核實,你以為自己係豪客,人地當你係水魚,甘就唔抵啦,講起仲有D慶,大陸D野真係無樣真,樣樣都靠呃既,我今後唔會去架啦,個相熟技師由細場識到而家五年架啦,係蔚南做左一年,搞到我今後都唔可以去找佢按,真係谷鬼氣,希望有關方面正視下啦!
