平安夜皇崗步行往福田親身經歷
我同埋我個fd兩個人平安夜係皇崗過關..
果陣係夜晚10點左右啦...
之後過左關..諗住去方向村睇下有冇好野...
點知個的士站排隊排到上返去天橋上面...
咁排左一陣,我個fd話去的士站前面睇下...
等左一陣..佢返黎話問左人..有路去到福田...10分鐘左右去到福田...
咁我諗左一陣...話ok...咁咩都試下嘛...
跟住我地...我向住落天橋果邊個方向直行喇...
跟住去到停車場有個亭果個位...
問左人...轉左...過馬路...
跟住見到個大門口...好似政府地方ga門口....(應該係關口範圍)
面向呢個門口..右邊有條上斜ga車路...
跟住我地見到有人係呢個門口同埋條車路中間行出黎
我地就好奇咁去睇睇...結果淨係見到有一條"杭"渠蓋ga路...基本上要"質質"地身咁行
過左之後...我地見到兩個方向可以行...
左邊係地盤...咩都未起好...但係係地盤方向見到水立方
右邊好似係一間小屋咁ga地方...
咁我見到水立方係地盤方向咪諗住經過地盤直行...
先唔講我地係地盤行左幾多路...因為地盤路係通唔到去福田ga...
我地原路出返地盤...見到有人經過...即刻問人...
跟住果個人話要係果間小屋右邊小路行先得...(果個小屋兩層高..好似宿舍咁ga地方)
then我地兩個人跟住呢條友行..係果間屋右邊小路行前...
之後..轉左..之後...行入去有蓋ga路..最後見到個鐵閘...
如果你見到...恭喜你..你已經係福入面喇...
道鐵閘係前面個人開...應該係就咁推就開果種...
過左鐵閘..你應該係入左個屋苑咁ga地方,見到條馬路...
呢個時候...只要沿住條馬路...直行到尾...轉左就見到福田關口喇....
如果依家我再行一次...應該15分鐘之內一定到福田地鐵站...
不過要注意....建議最少四個人先好行...
呢條路好少人行....有站份路比較黑....
建議日頭先好行...夜晚建議...都係坐的士..唔好因小失大...
只要唔好入錯地盤...基本唔會行錯路...
地盤入面ga經歷...如果有人有興趣....我先再post.
如果路線有人唔清楚...可以再問我..我再試下解釋得好d
