過關見聞．．．香港人請斯文一點．
今朝早係羅湖過關返香港，係過大陸關既時候，見到一位阿叔係ｅ道前唔識點放張回鄉卡係部機上面，後兩個位個男人就大大聲話：”掉番轉，張相向上，掉番轉呀，反轉左呀”，再之後個四十幾五十歲男人（應該係從事地盤工作）大聲話：咁能蠢架，識唔能識用，ｘｙｚ，而排係阿叔後面個師奶忍唔住就幫阿叔擺好張回鄉卡．從頭到尾，依位阿叔一粒聲都無出過，就算俾人吊都無出過聲．
我係隔離睇見，真係覺得依位阿叔都幾可憐，咁都要俾人吊．最諷刺係：係後面爆粗話人個位地盤從業員竟然話人地”蠢",睇佢個款都唔叻得去邊，憑咩話人蠢呢？
香港人越來越被大陸人同化，變得無禮及自私．成身香港人既你，係唔係應該反思下呢？
本人並無睇小地盤從業員既意思，各行各業都有好人同壞人．只係想各位停一停，諗一諗．
