COPY手記........CP奧斯旋轉餐廳...拍拖聖地!
平時系CP搵地方拍拖食飯,又有一好去處,如果知道既CHING,請勿柴台,我只想分享比未知既CHING而已。
系華潤個頭對開,有間奧斯旋轉餐廳,個棟樓得30層高,內部結構極似去開既旋轉餐廳,跟SZ香格里拉格局差唔多,應該都系一個鐘就轉完,但CP的平房比較多,平房大部份都唔開燈,所以夜景睇上黎,同HK夜景無得比,不過,對D北妹黎講,就覺得新鮮感同好好玩,帶佢地黎見識下系唔錯既。
如果無所事事,黎呢度幫趁幾十蚊,就可以坐翻幾個鐘,咁都不失為一個好節目,講翻收費,下午茶好平下,由12蚊至22蚊不等,已經有幾十種配撘,已經包埋飲品喎,同港式茶餐廳一樣價咁濟,難怪現場好多學生妹黎幫趁啦。
晚餐就有扒類,由40幾蚊起至90幾蚊,豐儉由人啦,好唔好食?我就覺得還可以啦,但我朋友就話樓下伯頓餐廳好食D,但樓下食完就睇街景,唔磨得好耐羅。
仲有見到有紅酒賣,細細支紅酒都系30幾蚊起,其實整翻個扒,開翻支紅酒,整翻個燭光晚餐,都系百零蚊搞掂,真系可以當溝女套餐架。
還有見到佢地有雀房,10蚊一個鐘,5點後收貴少少,15蚊一個鐘,可以打通宵添。
有樣野抵讚,現場仲有免費上網,只要帶埋手提上去,就可以上下網,飲下high tea,真系一樂也!
[ 本帖最後由 COPYBOY 於 2009-7-30 06:49 PM 編輯 ]