CA 奧斯卡 ....無言
尋晚同2個 friend 去左長安奧斯卡, 7:20左右到, 入左房 (min chg 5百幾), 跟住有個部長黎, order 左1打 beer (買1打送1打) 同d野食, DJ 之後都黎左, 叫個部長叫d囡囡黎, 佢話等等. 之後, d beer 同野食黎左, 未見有mami 帶d 囡囡黎, 就叫 DJ 幫手, 跟住等左成20分鐘左右, DJ 話依家冇囡(已確實), 我叫佢叫經理黎, 經理到左之後同佢講依家我地走, 食左d野(50蚊左右)同飲左d酒(5罐)照計錢, 佢同我講公司規定都要收 min chg, 我條氣唔順, 如果佢地一開始話冇囡囡, 我地就唔入房, 叫哂野先講. 跟住叫佢上級黎, 等左十幾分鐘, 之前個部長仲經過話d囡囡仲未到咩? 之前第2個經理黎左, 話個部長新黎唔知, 但我問 DJ 佢話前日星期三已開始冇囡囡, 之後同個經理理論後, 佢仲要收我正價酒,水果,其他加埋13%成498, 最後我同佢講最多3百,佢又出去一輪, 入黎話公司規定唔得, 最少收4百, 叫佢老闆黎佢又話老闆唔o係到,如果我們真俾少d佢要自己貼, 跟住我們死死氣俾左4百佢即走, DJ 俾一百,佢仲唔滿意,離開時間大約8:40分左右.
大家覺得點睇?
