打印

睡公主

收藏 | 訂閱

8 3.5k

misterlone

等待驗證會員

misterlone

1^# 大中小簡繁發表於 2009-4-2 只看該作者

睡公主

在黃崗口岸皇室假期售票處購買了他們的优惠券，我問￥88港幣是多少？售票小姐說100元。优惠券可以用來購買中式、泰式或港式按摩雙鐘。坐了他們最後一班車到達皇室假期。

沖完涼由於佢哋當時冇T房，佢哋便說我改中式，我話我可以等，佢哋話已經有幾個人等緊，我問有幾多個，佢哋話7個，咁我話我照排隊啦，然後便到休息大厅稍作休息飲杯嘢和吃水果，我叫了一杯凍奶茶和兩份生果，分別係蕃茄仔和沙甜柚，生果來了沙甜柚又乾又淡，蕃茄仔又唔甜。坐下不久服務員說T房有空了。

進了房間等了一會技師進來，囡囡係江西人、工號tfz都算高大腿長，但睇落好似面有愁容，一點都不開朗，問一句答一句，有時仲要等幾秒先至作答。咁算啦按按吓佢竟然瞓着咗，每隔幾秒先至醒來再按，全程都係咁，到簽小費時，單子上最高100最低30，咁我知點做啦。我按摩咁耐只試過兩間休閑中心技師會在按摩途中瞓着覺的，一間係今次的皇室假期，另一間係近春風路的光華，當時條肥妹竟然瞓到不醒人事，要我叫醒佢，真係離晒譜。

按完摩稍睡片刻，然後沖涼走人，到柜枱埋單，比咗張 Coupon佢還要補30蚊人仔小費，我問比港幣得唔得因為我冇人仔，咨客小姐話得，咁我比咗30蚊佢。跟住有個叫黃彪嘅客戶經理走來問嘢做市場調查，佢問你點知我哋嘅优惠券？我話朋友介紹，佢又問我哋啲嘢得唔得，我即時答佢，首先你哋啲水果唔得，杯凍奶茶有待改善，請參考口岸茶餐厅那杯凍奶茶，佢哋杯嘢先至夠標準。還有你哋個技師全程恰眼瞓，佢問你知唔知幾多號？我話你哋知有啲咁嘢就算啦，我唔想講幾多號。黃經理又問我通常幫襯邊間多？我話冇定架，佢即係問：「係咪太平洋？」嘩！唔通太平洋係佢哋嘅假想敵？

有師兄話皇室假期啲技師靚，我唔好彩幫襯過兩次都係唔靚嘅。皇室假期佢哋肯主動做市場調查，証明佢哋想進步，這種行為幾好，相信以後我會再幫襯。如果你問我最鐘意皇室假期啲乜嘢，我會答我最欣賞佢哋用嘅毛巾，看上去潔白乾淨用得偷快放心。