休閑老鼠
記得有次到板田找人，夜深了便找個休閒中心揼個靚骨，待翌日早上才離去。間嘢唔係廿四小時營業，佢哋嘅營業時間係早上10時至零晨四時，打烊後只有一個LOCKER仔和一個食Q留守。我揼完個泰式雙鐘便留在那裡過夜。在朦朦朧朧間我隱約看見有人(可能係服務員吧)走進我的房間，我立即開聲問：「乜嘢事？」那個黑影即時離去。大約早上六點來鐘忽然听到有人大喊：「你係边個？你攞咗我兩千蚊，仲坐住我個銀包。服務員快來，要報公安啊，你哋唔報我找你哋老闆報。」條友由頭到尾都係講廣東話。我知佢一定係香港人。我走出走廊，我問佢乜事，佢話有條友仔入佢房偷咗佢2000蚊。佢同我講佢响這裡開廠，經常到這裡。這都是第一次被偷錢。叫得咁大聲，LOCKER仔和食Q都走了出來並扣留了那個小偷。個小偷約廿一2歲，身材瘦削，身穿白裇衫西衭黑皮鞋，從外表看斯斯文文，真係好眉好貎生沙蚤。我問LOCKER仔條友係乜人？LOCKER仔話佢都係客。跟住香港廠家走了，冇幾耐有個軍裝公安到來，休閒中心經理對公安講：「你哋又唔比我哋裝鎖，而家咪搞成咁囉。」後來公安問我落唔落口供，我話唔啦我趕住走。臨行前休閒中心經理比咗佢張卡片我，話佢哋有東莞式服務得閒嚟玩吓。
[ 本帖最後由 misterlone 於 2009-2-24 02:48 PM 編輯 ]
