打印

真人真事, 我與一個桑拿女仔的故事

收藏 | 訂閱

151 18.1k

劉青雲

等待驗證會員

劉青雲

1^# 大中小簡繁發表於 2008-11-27 只看該作者

真人真事, 我與一個桑拿女仔的故事

呢件事都已經發生左大概四五年前, 大概係sars之後. 此時此刻, 雖已有一個兒子四歲, 但係仍然不時唸起當時我與她發生過既一段感情, 至今好似仲係瀝瀝在目.  雖然都幾長, 但係全部都係真人真事, 信唔信對我都已經唔重要, 重要係想寫出嚟比自己回憶下之餘, 都想share一下比大家.

呢一日, 我真係唔記得邊個月日, 只記得係夏季, 當日我老婆要加班, 豬朋狗友又唔得閒, 所以只有我一個人去食晚飯. 隨便去左佐敦一間茶餐廳食個晚餐, 走過一間曾經去過既桑拿, 橫掂都身痕痕. 於是走入去玩下.  我之前都有間唔中去下桑拿揼下骨, 有正亦有邪, 當然十次去有九次都係邪啦.  但係呢一次, 估唔到令我人生之中既一個轉捩點既開始.
沖完涼, 坐左係大廳, 好快就有個經理走過嚟, 我認得佢, 不過佢唔認得我囉.  同左佢講我既要求, 有無身材都唔緊要, 最緊要係靚.  飲埋杯野, 個經理就打眼色叫我上房.  一入到房, 原來囡囡已經係度, 係微弱既光線下, 我都覺得相頭ok, 於是就入左閳.  part 1, 好有力水, 好有心機, 佢同我講係區內一間正場做, 最近過左擋嚟呢度, 原因想搵多小小錢.  part 2, 雙腳比佢升起左浪係佢兩隻大脾度, 跟住r patpat, 好舒服但好痕, 於是我叫佢停喇.  跟住返轉身, 做一啲part 2應該做既野, 此時此刻, 可以正面地望住佢, 雖然佢唔係好靚, 但係真係唔差, 中等長度既頭髮, 有小小似今時今日既無記台既羊2小姐, 由於我係早出一族, 所以好快就派彩.  臨走問左佢個number, 佢叫做 98 號. 一次好平常既桑拿, 無一啲難忘既經歷, 妳賣我買.  我仲要趕住返屋企等老婆返歸.
大概個半月之後, 我放工又一次身痕, 於是又上去呢一間場, 又係同一個我認得佢不過佢唔認得我既經理.  好隨意地問下98 有無係度, 佢話係度.  我好快又上左房, 好快又見到佢, 好快又完事.  成個過程我地都好小交談, 可能我自己係一個比較小出聲既人啦, 人地唔撩我, 我好難去特登搵啲野同人講, 而且我都無咩想同人講.  如是者, 98 號送我出門.  因為我比較早出, 我有時都好怕人地囡囡笑我, 所以我都會經常留意下個囡囡當係我派彩既時候有咩反應.  至於 98 號, 佢一直都比我覺得佢好親切. 有一種我唔怕係佢面前掉面既感覺.

劉青雲

等待驗證會員

劉青雲

2^# 大中小簡繁發表於 2008-11-27 只看該作者

之後又一, 兩個月, 我再一次嚟到呢間桑拿, 好開心個經理終於開始認得我, 問我貴姓, 比左個電話number我, 叫我下次嚟比個電話佢, 留啲好既囡囡比我, 我同佢講 98 號係度麻? 但係今次佢同我講, 98 號啱啱上左鐘, 要成個幾鐘頭先出嚟, 由於我要趕住返歸交人, 所以我叫經理幫我搵個好小小既囡囡比我. 今次嚟左一件唔靚, 但係又不至於醜既囡囡比我, 佢既態度太過熱情, 不時又攪下我個小兄弟, 令我又起又落. 好似好好玩, 但係對於唔鐘意講野既我, 唔係咁enjoy. 係囡囡出左去攞熱毛巾個陣, 我都想去厠所小解一下. 沿途居然比我撞見98 號, 迎面而嚟, 佢望住我跟住報以一個微笑. 我當時唔知點解有一個感覺想收埋自己, 唔想比佢見到, 唔想比佢知道我嚟左無搵佢, 唔想有一啲對唔住佢既感覺? 好快98號已經係我身邊擦身而過. 而我咩表情都無比佢, 只係望住佢個身影離開. 我返入房, 個熱情囡囡已經係度等緊我, part 2 完事之後, 佢懶係好溫柔咁問我點解咁快派彩, 因為佢唔夠喉, 我聽完之後, 心情一down, 心唸我點解要令妳夠喉? 我係客人呀! 離開果陣, 坐小巴途中唸...係咪只有98號唔會笑我, 係咪只有98號會體諒體貼我?
到左冬天, 每個人都著衫多左, 我都唔例外, 已經有兩個月無去到桑拿, 亦唔係好想去, 因為唔想係個度再見到笑我既熱情囡囡, 亦唔想見到98 號, 因為有小小講唔出既感覺, 可能覺得上次無搵到佢係我對佢有愧卦... 我自己都唔知道. 今日, 我有兩個豬朋狗友搵我放工之後食飯, 我地一行三個人去左食羊腩煲. 飲左十零枝啤酒, 個個high high地, 阿朱地(豬朋狗友之一)就問我平時去邊度揼骨, 我講左比佢聽邊間之後, 就即刻埋單要我地一齊去. 我地三個人有小小醉醉地既情況下到達桑拿, 沖左涼, 坐低之後, 個經理又走過嚟問我做咩點解咁耐唔見人, 問我今次要咩囡囡, 我同佢講, 我呢兩個朋友第一次嚟呢間, 你招呼左佢地先啦. 跟住經理蹲低係我兩個朋友之間, 細細聲講野, 我聽唔到, 但係有兩個字特別令我聽到, 而且令我即刻擰轉個頭去望... "98 號". 跟住我就開聲..."唔得, 唔得, 唔好比98 號佢地, 我要mark 98 號". 比我兩個朋友鬧完話我自私, 有好野都唔比兄弟之後, 又到上房時間. 沿路我係度唸, 我係咪一時之氣呢? 定係我唔想98 號比我啲朋友享用呢, 所以即刻搶番佢呢? 到左房間, 98 號已經係裡面, 佢一見到我, 又報以一個笑容. 我又如常咁爬係張床到, 但係心裡面有小小唔好意思既感覺, 點解既. 揼揼下, 98 號同我講, 你係咪飲左好多酒, 成身酒氣, 我話係呀, 啱啱同朋友食完飯, 飲左幾杯之麻. 好溫柔既佢, 同我講番上次係走廊見到我, 佢話我既樣好似比人捉黃腳雞咁, 好攪笑. 我自己突然感到自己塊面好紅, 唔知點應對, 之後我地開始66續續對話, 比起前兩次, 我同佢有更深入既了解. 原來佢真名叫做小從. 今年二十四歲(我大佢六年), 湖南人, 湖南屋企有父無母, 同埋一個十歲左右既細佬. 父親唔知道佢出嚟做, 只知道佢去左深圳打工, 幫人做下腳仔按摩. 所以佢係皇崗附近租左間屋, 每晚佢收工之後(大概十二點, 一點左右), 佢都會係佐敦坐皇崗巴士返去皇崗. 唔知道點解當佢問我結左婚未既時候, 我居然講左大話, 話自己未結婚, 只係有個女朋友. 佢問我點解有女朋友仲要出嚟玩, 我只係笑笑口, 避而不答. part 2 既時候, 我又再次草草了事, 今次另有原因, 因為我既手機不停咁震, 而我係無接過, 亦唔敢去接電話. 臨走時, 小從同我講, 你快啲返去啦, 你女朋友等緊你. 聽完之後, 心裡有小小酸酸既感覺, 只係點點頭, 我就離佢而去. 我無等我兩個豬朋狗友就箭步上的士走左. 返到屋企, 老婆已經係度食緊出前一丁, 老婆話我唔接電話, 抵我死, 無得食佢煮既美味出前一丁. 有咁既老婆, 我仲想點?

劉青雲

等待驗證會員

劉青雲

3^# 大中小簡繁發表於 2008-11-27 只看該作者

雖然我老婆係一個好老婆, 盡哂所有做老婆既責任去對我, 但係有一樣野, 我係一直都唔開心既. 唔係因為我係早出一族, 而係我老婆對於性, 係無興趣.  不至於性冷感, 只係對於呢樣野, 可免則免, 不可免既, 亦只會亦推亦就.  所以我地大概最小兩個月先至會行房一次, 而且仲係無前奏既傳教士式.
如是者, 第四次, 五次, 六次...... 我同小從既話題好似水喉水咁, 一發不可收拾. 我地既界線一次比一次開放, 而我亦講左我同我女朋友(即係我老婆) 既性問題, 而佢亦叫我比多啲心機做前奏, 女仔唔濕, 會好痛.  過兩晚之後, 我同我老婆臨訓前, 做左一大輪前奏, 結果順利進入, 亦比平時長久左, 但係當我派彩既時候, 我腦海中浮現左小從既影子.  係我錯左麻? 心唸...小從係咪而家同緊啲客做緊呀? 心裡面唔係幾好受, 亦開始覺得自己對小從有著唔同既感覺, 佢間唔中都會浮現係我腦海, 無論在工作, 家裡, 咩時候都會有機會唸起佢.  跟住我去搵小從既次數多左, 亦頻密左好多, 試過一個禮拜去左兩次. 呢啲係咪叫做掛住?  今日, 我好似平時咁, 打電話比經理, 約定小從.  我同小從講, 呢兩日我可以好放心, 同埋好得閒喇, 因為我女朋友同佢啲朋友去左沙巴玩, 小從跟本唔知道沙巴係邊度, 佢只係知道沙頭角巴士係邊度搭. 佢同我講, 如果你得閒又方便, 不如送我返去皇崗囉.  我話唔係化, 妳講笑咋... 結果我同佢就比平時即刻靜左好多, 可能我講錯野.  我唸完又唸, 唸完又再唸, 結果我同佢講, 我等埋佢收工, 我陪佢一齊, 送佢返皇崗.
係童軍總會等左半粒鐘, 大概零晨兩點鐘, 見到小從一身便服係遠處快步行緊嚟.  著左一件運動外套, 再加上牛仔褲波鞋, 跟本好難想像小從係桑拿返工, 仲要係比人..... 小從一見到我之後, 又再次報以一個笑容, 但係今次呢個笑容比平時既燦爛十倍.  上左皇崗巴士, 我地又開始無邊際既話題, 我問佢點解無男朋友陪妳? 佢同我講, 佢地做呢一行, 又點會有個男朋友吖, 大陸女仔有幾靚都有, 又點會搵一個出嚟做既女仔做女友.  我話只要心地好, 一定會有人欣賞. 佢檸轉頭望住我, 講左句thank you. 過左大陸關之後, 佢問我想唔想去佢果度坐下, 我話無所謂, 橫掂我都跟左妳上嚟.  原來小從屋企係皇崗村後面既一啲平房, 沿途好黑暗, 而小從就輕輕地撓住我, 怕我仆街卦.  行左幾個街角, 到達一門口, 上左兩層樓梯, 入到一間屋, 個廳大概有成五百幾呎, 有三間房, 原來小從只係住其中一間, 其他兩間就係分租, 個廳就一齊用.  可能其他分租人未返, 所以好靜, 靜到隻耳仔"VV"聲.  小從入左最左面間房, 然後攞左兩個出前一丁國產版出嚟, 話要煮個麵比我食, 多謝我特登由香港送佢返嚟呢度.  無耐, 小從拎左兩碗煮好左既一丁由廚房出嚟, 放係我面前.  呢一刻我心唸, 係我老婆煮既一丁好食, 定係小從呢?  小從叫左我一聲, 我先至醒一醒, 拎起碗麵一啖一啖放入口.  小從係我呢世人第二個女人願意煮一丁比我食.  正當我猶疑邊個既一丁好味果陣, 門口突然有人開門, 我望一望小從, 小從示意不怕, 原來另外兩個分租人返嚟, 兩個都係女仔, 兩個都飲到醉哂, 好簡單既打招呼, 知道一個長頭髮既比較靚啲既叫做mandy, 另外一個平凡小小, 亦有小小baby fat 既叫做阿玲. 佢地分別好快咁入左房, 又只剩底我同小從兩個人.
佢話比我知, 佢阿媽係生佢細佬果陣, 因為無錢疏通當地有關部門(因為唔可以生第二個), 所以去左一間無牌既所謂診所接生, 細佬生左落嚟, 但係阿媽就失血過多而死亡. 當時佢媽媽係高齡產婦, 死時四十四歲, 而當時小從只有十四歲, 咁就要開始放棄所謂學習, 幫助屋企出鋪面賣五金零件.
好彩佢阿爸而家身體都好健康, 可以睇住五金鋪之餘仲可以照顧下細佬, 因為唔知係咪細佬由細到大都比街坊話佢克死左阿媽, 所以細佬一直都唔鐘意出聲… 講到呢度, 我望住小從, 我以為佢會喊出嚟, 但係又無喎, 小從其實都幾堅強.
佢話比我知道, 佢一定要頂住, 賺到錢會比一個好小小既環境屋企, 然後自己係當地疊埋心水求其搵個人嫁左去就算.
之後大家講咩我都唔係太記得, 但係我地傾到天光, 我先至離開小從屋企.
離開之前, mandy由間房出左嚟去厠所, 見到我第一句就問我, 琴晚happy 唔 happy, 我無啋佢, 只係比個微笑佢就離開.

劉青雲

等待驗證會員

劉青雲

4^# 大中小簡繁發表於 2008-11-27 只看該作者

呢兩日, 我同小從經常sms, 我地開始有小小甜言蜜語. 例如我話好掛住妳… 煮既出前一丁, 好想見到妳…佢回覆好似話我口花花, 其實我知道佢應該係笑緊既.
兩日之後, 我老婆係沙巴返左嚟, 唔知道點解我對我老婆既野越嚟越唔上心. 亦開始埋怨一啲平時我唔會埋怨既野. 例如點解換完啲衫週圍擺? (因為小從屋企好整齊) 點解無啦啦係我返工時候成日打電話比我? (其實只係每日一個).
好小好小事我都會發脾氣.
老婆開始覺得我變左, 而且變得好快好快, 好似另一個人咁. 可能因為我同小從已經超越左男女普通朋友既關係.
今日, 我收到小從比我既sms, 問我可唔可以陪佢食宵夜.
我當然話好, 於是我放工返去換左件衫, 出去打一陣機, 到左12 點鐘, 去到桑拿門口等小從. 半小時到, 小從出嚟, 又係報以一個微笑, 但係好似微笑背後有啲講唔出既哀愁.
我同小從去左附近茶餐廳, 我同小從講我好掛住佢, 好想見到佢.
小從聽完之後兩隻眼好紅, 仲眼濕濕.
我話sorry, 係米我講錯咩?
小從無出聲, 垂低左頭… 過左二十秒左右, 佢吸左一大啖氣, 同我講佢頭先遇到個變態客, 個客下面好長好大, 仲用好大力插左佢好耐, 佢下面有流血, 好痛好痛, 叫佢停, 但係佢仲要再大力啲.
佢講呢番話既時候雙眼望左出街外, 雙腳就夾得好實… 我好心痛, 聽見佢呢個遭遇. 唔知道點解我隻手都有小小震, 我同小從講, 不如唔好再做.
佢話而家仲未儲夠錢, 唔可以話唔做就唔做.
越聽越心痛, 個心就越嚟越不知所措.
我究竟可以為小從做啲咩?
之後我地走左去天星碼頭, 望住個海, 不其然我雙手緊抱住小從, 而小從亦攬得我好緊好緊. 我話我唔會比人傷害妳. 我唔想妳做落去, 因為我發覺無意之間我鐘意左妳.
小從聽完, 係佢對眼”郎”左好耐既淚水, 終於流左出嚟.
佢話佢都好鐘意我, 話比時間佢考慮下唔做.
我地自然地咀起上嚟.
我同小從講比小小時間我去攪掂我女朋友既事, 我會同妳一齊.
小從再次流出淚水, 無講野, 只係伏係我胸口點左幾次頭.
我送左小從去坐皇崗巴士, 而我就返屋企準備同我老婆講清楚.

劉青雲

等待驗證會員

劉青雲

5^# 大中小簡繁發表於 2008-11-27 只看該作者

我返到屋企, 老婆已經係廳, 問我食左飯未, 我無答佢, 但係就搵一啲好無謂既野係度鬧鬧鬧. 鬧完之後我同佢講, 既然大家唔夾, 無謂唗大家時間. 不如離婚.
老婆聽完我咁講, 喊左出嚟, 佢問我佢究竟做錯左咩, 點解要咁對佢, 已經結左婚三年, 一直大家都好好地, 點解近排大家會變成咁…. 係米你外面有女人?
我話無, 只係覺得大家越嚟越唔夾, 唔想浪費時間.
佢越喊越勁, 跟住衝左入房, lock住度門.
而喊聲一宜未停過. 今日有兩個女人係我面前喊, 一個比人整喊, 而我去安撫, 另一個比我整喊但係獨個兒療傷.
我坐左係梳化度, 開左幾枝啤酒, 問自己究竟係啱定係錯?
當我係廚房正在開啤酒, 發覺有幾樣餸菜, 仲有湯, 都係我最鐘意食既野, 不過全部都已經凍冰冰.
加上我已經無咩胃口… 時間過左一個鐘, 無再聽見老婆既喊聲, 但係我有小小擔憂, 心亦開始軟化, 係米真係要迫到大家無餘地可留?
我拍左幾下門, 但無反應, 叫左幾聲, 都係無反應, 突然間有一啲唔好既唸法, 於是馬上用後備鎖匙開門, 只係見到老婆大字型灘在係床, 雙眼已經喊到無可再喊, 神情呆滯.
我呢一刻知道自己完完全全傷害左一個女人既心.
我坐係床邊, 扶起左佢, 攬住佢, 同佢講, 對唔住.
我開始鍚佢, 而佢由開始無咩反應, 到後來主動kiss 我, 除低我啲衫, 我地就係咁就做左.
完左後大家都已經好攰, 就咁訓著左到天光.

如是者, 過左一排, 我暫時都無提起離婚呢樣野, 但係就瞞住老婆同小從一齊, 當佢有機會放假, 我地都會係深刻行街, 食飯, 去小從屋企機會多左, 同mandy, 阿玲都開始混熟左, 原來佢地兩個都有各自各既故事, 所以無奈而家係水圍一間k場做緊, mandy 既質素絕對係掛369牌, 應該係model級, 但係阿玲就係258牌.
人地既故事我唔想講, 只係想講番我同兩個女人之間既故事.
同小從相處耐左, 就越嚟越愛佢, 但係就越嚟越辛苦. 因為我唔想小從既身體比人分享.
有時會同佢因為呢樣野而有小小不和, 但係都無損害到大家既感情.
小從無問我同我女朋友之間既問題解決左未, 佢既態度係等我, 而我既態度係拖.
老婆無過問我成日失左蹤去左邊, 亦唔問我點解成日夜媽媽出街. 可能有啲野老婆已經意識到, 但係無開口去問, 可能老婆怕一開口, 又變左一場一發而不可收拾既田地.
呢兩三個月, 小從真係一個好好女仔, 對我真係好細心, 同佢一齊好舒服, 好開心. 有一日, 佢好小可叫我星期六陪佢去深圳, 同我去左位置係水圍入面既一間休閒會所, 呢一間環境都唔差, 會見到一家大細去消閒既地方.
大家係大廳坐低左之後, 一齊按腳.
小從問我呢度ok 唔ok, 我話呢度都唔錯, 地方又大, 品流都可以.
跟住小從同我講, 佢下個禮拜一係呢度返工, 我望住佢, 唔知道講咩好, 佢話我知已經同左香港呢面既桑拿場拆點數, 今日係最後一日, 所以之後會係呢個休閒會所返工, 為左你, 我賺小啲都無所謂啦, 只要你鐘意就得喇.
我聽完之後, 雖然相隔一張凳, 但係我都要拗哂腰攬住佢, 再係佢耳邊講, 我會呢兩日攪掂我果邊啲野, 跟住我地就光明正大, 我要去妳鄉下拜候一下妳父親, 同佢講要娶佢個女.
小從聽完之後係我塊面鍚左一下, 望實我, 點點頭表示支持我.
我同小從拗左手指尾表明我地既決心.

劉青雲

等待驗證會員

劉青雲

6^# 大中小簡繁發表於 2008-11-27 只看該作者

返到香港已經係第二日下午, 呢日係星期日, 老婆唔係屋企, 打電話比佢, 想同佢認認真真心平氣和去傾下大家既將來, 電話中既老婆話佢都有野想同我傾, 叫我等佢返嚟. 一個人坐係梳化, 望望週圍, 好似我好耐都無認真去留意下呢個… 家.
原來窗簾布由紅色換左新既藍色我都唔知道. 原來客廳中多左一個小櫃我都一直無留意到.
究竟我呢排係米真係好行屍走肉?
心唸要搬出去, 我先至有機會繼續同小從一齊, 離婚既野, 不如再慢慢傾.
唸住沖個涼, 再等老婆返嚟.
點知係厠所既垃圾筒度, 比我見到一啲野, 拎上嚟睇, 好肯定呢樣野係驗孕棒既包裝紙. 我個人呆左一下, 應該比咩反應自己都唔知. 不過個心係應該更加唔開心.
但係咩都未確定, 我唔使唸咁多住, 一切都等老婆返嚟先至再講.

過左大半個鐘, 老婆終於返到, 買左一袋二袋既餸菜, 話今晚要同我撐枱腳, 要求我邊度都唔好去.
我話好, 橫掂我都想大家坐低傾下計.
食飯其間, 老婆比平時好多野講, 又講笑, 同之前唔同.
當差唔多食完飯, 我同老婆講, 我有啲野想講好耐, 但係我唸大家都要面對, 如果唔係, 大家都會好辛苦, 老婆呢刻叫我唔好講野住, 跟住拎左個驗身報告出嚟, 笑住口同我講, 佢已經懷左三個月身孕. 呢一刻, 我唸所有人知道自己快要做爸爸都會係好開心, 但係唯獨係我好唔開心. 我真係呆左, 唔識比反應, 老婆同我講, 你會唔會同我一齊行呢條路?
答”會”或者”唔會”都會傷害是但一個女人, 究竟我應該點算?
基於良心, 我同我老婆講…我會.
但係接落嚟, 我就要拋棄我而家既最愛…小從.
其實我好想問我老婆可唔可以落左去呢? 但係真係問唔出.

劉青雲

等待驗證會員

劉青雲

7^# 大中小簡繁發表於 2008-11-27 只看該作者

第二晚, 我約左我其中一個豬朋狗友 – 朱地去飲野, 我將所有我同小從之間既野都一五一十話哂比佢知, 亦話比佢知我好快就要做爸爸. 朱地鬧到我不似人型, 話我係仆街之中既仆街, 竟然為左一個做雞既女人, 想叫自己老婆落左個仔? 真係講極都講唔通.
同老婆結婚耐左, 自然無咩愛情既feel咖啦, 留低既只剩感情, 就好似親人一樣, 但係你同小從都係啱啱開始, 梗係好sweet啦, 但係時間一耐左, 無咩新鮮感之後, 米又係同你而家既老婆一樣, 比朱地鬧完之後, 亦覺得佢講得好啱. 今晚, 收到好多小從既sms, 我一個都無回覆, 因為真係唔知道我點去面對呢個處境.
如是者, 一個禮拜, 兩個禮拜, 三個禮拜, 小從既sms 從來無停過, 但係再唔係一啲甜言蜜語, 而係追問我點解無回覆, 點解失左蹤… 等等.
第四個禮拜, 有一晚, 我係屋企同埋老婆食緊飯, 個手提電話響起, 我去聽, 打嚟既係小從.
我行去廚房聽, 小從佢話好掛住我, 好擔心我去左邊, 我話我而家唔方便, 遲小小搵佢.
佢唔肯收線, 係呢一刻, 我老婆突然係我身邊大聲問.. 老公,你仲唔要唔裝飯, 唔裝飯就快啲飲埋啲湯去啦.
小從係電話中完全聽到哂, 結果小從一句說話都無講就cut 左線. 自此之後, 我無收到小從既sms 同埋電話. 又三個禮拜後, 老婆因為個胎唔係太穩, 結果返左外家住幾日, 好等外母照顧.
就係呢一日, 我忍唔住打電話比小從, 想有個交代比佢. 小從話佢而家做緊野, 唔方便講電話, 如果我方便既話, 叫我去佢屋企等佢.
我帶住忐忑不安既情緒上皇崗巴士, 直到去到小從屋企. 開門既係mandy, 佢仲未夠時間返工, 佢知道我同小從既事, 想勸下我有無可能再同小從一齊. 我鼓起勇氣, 話佢知道, 其實我已經結左婚, 但係而家最大既問題係, 我老婆有左身孕.
所以我好難去離開佢.
Mandy問我究竟有無愛過小從, 我話有, 只係我真係做唔出離開我老婆呢個不付責任既決定.
Mandy 同我講, 小從好耐之前係湖南比一個自己好深愛既男人所呃, 所以去左深圳k場度做, 所以認識到佢同埋阿玲.
後嚟可能小從飲酒飲得多, 身體唔多好, 所以轉左幫人揼骨.
而家又遇到另外一個男人本以為好好, 可以寄託終生, 但係又再一次欺騙佢既感情,
mandy問我, 你話小從有幾傷?
我講我對唔住小從, 只係我唔夠膽放低所有野同佢遠走高飛.
我承認我自私, 愧對小從, 許左一啲無可能達到既承諾.
小從既房門突然打開左, 小從由裡面走出嚟, 兩隻眼好紅亦好腫, 好似已經喊左無數日夜.
小從話知道哂喇, 唔會勉強我, 不過想大家分開前再一次去行街食飯.
呢一日, 係我同小從既最後一日, 我地係一個愉快既心情渡過. 食過最後一次晚飯, 臨離開之前, 大家攬實大家唔想放手.
真係有小小衝動再次作出另一次自私既承諾.
不過, 自己都知道,如果真心對小從好, 就應該放走佢, 等佢可以搵到一個真正比到幸福佢既男人, 我既存在, 只係佢既絆腳石.
要走始終都要走, 我臨走祝佢幸福快樂.
返到屋企, 飲左好多啤酒, 淚水亦無緣無固流出嚟, 喊左好耐好耐… 直到第二日眼腫腫, 先知道自己應該要點做. 決心做一個好爸爸, 因為就係呢個仔, 挽救左我同我老婆既婚姻.
幾個月後, mandy 過左嚟香港玩, 搵左我去食飯, mandy 話我知道, 小從已經返左湖南, 幫佢父親睇住間鋪頭仔, 因為佢父親都開始老, 又要照顧細佬, 所以無時間打理間鋪, 所以小從返左去.
同mandy食完呢個飯之後一個月, 我老婆終於生左個仔…
完.....