pt.3開始...
同第一個囡囡既往事, 都無乜好講, 應該劃得上句號!
而家講下第二個囡囡, 真係失敗, 到而家都記唔起佢個名, 只記得好男性化(佢講過真名比我知)!
同佢既開始到結束, 好似不夠一個月, 分手原因, 應該係我唔識體諒佢既工作! 同埋衰自己大男人...:smile_39:
其實三個囡囡中, 最溫柔最好脾氣, 首推應該係佢!
形容下佢既背景同外表, 佢話佢來自山東, 當時比左$5萬人仔, 唔駛乜野理由, 咁就黎左香港!
佢有高挑既身形, 重係腰短腳長, 唔著高踭鞋, 估計都高過我一個額頭位, 佢皮膚真係白到...好似一片雪地咁!
好彩無山東人果種虎背, 相反背部好薄(極品), 大家如果見過羊撕旗著三點式, 就唔駛我咁多形容, 只係可能...佢重高過呀撕旗姐!
佢個樣有些少似華嫂, 即字母加II敷面代言名模其其, 連聲線都有八九成相近!
佢擁有一把及腰既長髮, 但佢好鍾意將自己d頭髮紥到成條德國香腸, 有咁長得咁長!
望埋去, 都幾搞笑, 十足個煎Pan!
如果佢搭MTR兩頭擰, 分分鐘一竹竿扮一船人!
講返點樣識佢? 其實都係經理介紹, 未遇上Mini之前, 次次都係經理既推介, 可能佢信我比佢既"賽後報告"夠中肯掛? :smile_13:
另一個原因, 經理會同新轉場囡囡down聲, 我係熟客, 記住要好好招呼! 如此這般, 作為客既我, 唔會比囡囡呃或拖鐘之餘;
又可以幫經理多d了解新囡囡有乜特質, 方便同其他客點sell 囡囡有咩野points! 咁其實唔錯, 因為係雙贏局面嘛!
可惜經理所托非人, 我都係打工仔, 深知搵食艱難! 如果囡囡唔係太過份偷工減料, 我都會唱好!
講返山東囡囡, 之前形容過佢既外表, 已經係我杯茶!
佢手骨一般, 但不時係我耳邊陰聲細氣, 邊度力水夠唔夠?
淨係呢份細心, 就算身經百戰既我, 都比佢咁有誠意既按摩所打動!
或者係大家說話投機(其實因為當時既佢, 好吸引我! 所以盡量迎合佢話題) 漸漸我地好快就好熟落!
咁岩佢又係返通宵更, 有一次膽粗粗, 約佢收工後一齊食早餐, 點知佢一口就應承! (唔係馬, 真係咁鬼易?) :smile_14:
好不容易等到天光, 我地約定係樓下, 佢主動帶我四圍搵酒樓想飲早茶! 其實我對中茶麻麻地,
(我鍾意奶茶咖啡多d)! 但係要投其所好, 所以由佢話事!
哈! 好衰唔衰, 搵左3-4間都爆晒, 唔夠d公公婆婆早! 我唯有好"無奈"叫佢, 不如去茶餐廳食啦!
去到茶餐廳叫左早餐, 但佢重左睇右睇, 最後淨係要杯熱鮮奶, 原來佢真係唔多好飲西茶! :smile_13:
到我杯奶茶黎到, 佢即刻好快問我要幾多羮糖? 可能第d人覺得呢d野好小事! 但我睇住佢幫我落糖果陣... 我個心忽然好唔安樂, 好似有些虧欠佢! :smile_13:
食完早餐, 我帶佢返我屋企, 入左房大家自然親熱起黎, 點知...該用既地方, 無乜戰意... :smile_39:
可能尋晚係個場做左pt.2, 自己又想訓, 搞左一輪, 都係無乜起色, 佢無埋怨我, 重氹我入睡!
後尾佢話訓慣自己床要走, 我就算萬個不願, 都要放人, 真無奈!
之後, 到左我生日, 我叫佢搵晚請佢食飯, 果晚佢話同公司請假, 我專登搵間酒樓, 想彌補果日搵唔到地方飲早茶, 事前我重揀過件新淨d既西裝, 以示自己好重視呢餐飯!
係食飯期間, 佢電話不斷咁响, 搞到佢又行開又坐返底! 餐飯勉強食左個半鐘, 加埋佢行出行入, 可知佢食得幾多?
跟住重話要返工...吓? 乜你唔係請左假咩? 你可唔可以陪下我? 佢話唔得, 要即走!
我果陣真係無名火起, 拗佢唔過, 最後大聲一句: 你鍾意點就點!
跟住一眼都冇睇佢, 就轉身背住佢返屋企!
到差唔多中午, 我開著手機, 睇到佢比左個sms, 大意講: 佢收工後, 去到我屋企附近, 周圍搵大廈對講機, 希望撞返我,
但搵左好耐都撞唔到,(佢只係去過我屋企一次) 收尾好攰返左屋企!
之後, 我一直無同佢電聯, 又少左去個場! 思前想後, 終於重組返成件事, 佢請左假, 公司因為客多, 可以反口... 果晚佢好有可能同公司講唔掂數, 結果屈服, 唔返工唔得!
一段感情, 就係我唔識諒解佢, 咁就散左! 好後悔, 自己EQ咁差...無理佢感受, 果晚佢兩邊受壓, 重要迫住短時間內, 作出抉擇!
想補充返些少: 初初跟山東囡囡相處, 佢好多次表示賺夠$5百萬, 就係上岸之時!
我話佢聽: 你如果賺到$5百萬, 咁你公司咪要賺到$1千至千5萬? 你對香港既認識真係... :smile_39: 及後同Mini講起, 佢都嗤之以鼻: 沒可能! 此乃後話...
煙花之地有個不成文既規舉, 每近農曆新年, 囡囡, 經理, 主任都要按唔同職級既同事派下利是, 表示大家新既一年, 繼續通力"合作", 打好"關係" !
我細佬(親生), 以前做過卡拉ok場主任, 有一次就睇住佢, 係咁封左幾十封利是, 當中有唔同價目!
睇見佢咁, 都替佢肉赤!
人工得果皮零野(約10年前), 封成幾千蚊, 好彩唔駛交稅姐! 佢話呢d錢係唔慳得! :smile_39:
有時跟佢既囡囡, 如果同公司借左糧, 跟手唔返工, 重玩埋失蹤, 咁呢筆數就由老豆(即我細佬)孭晒上身!
今時今日, 唔講道義既18-22囡囡何其多! 問你孭得幾多個? 打份咁既工, 付出多過收入, 又要簽單送啤酒, 隨時簽爆晒公司比既quota, 又要同客猜下枚搞好氣氛, 飲酒都飲到胃穿窿啦! :smile_27:
而且日夜顛倒, 我返工, 細佬放工! 我放工, 又到佢返工!
再唔趁仲係後生轉返做正行, 容乜易提早埋單?
所以有次同山東囡囡食飯, 見佢又一樣猛咁封利是, 我都無大驚小怪, 問長問短! :smile_44:
大家相處雖然日子係短, 但山東囡囡從未要求我送任何貴價名牌野比佢, 所以更加痛心同佢分手! :smile_39:
[
本帖最後由 phphit1800 於 2008-8-3 01:52 PM 編輯 ]