奇遇!!如果你突然間有40粒偉哥你會點??
奇遇!!如果你突然間有40粒偉哥你會點??
話說今日o係公司,有個速遞哥哥按鐘,
話有件包裹退返俾我地,叫我簽收,
由於一日都收n咁多件速遞,所以我睇都無睇就簽左,然後叫個哥仔走.
我睇一睇寄件人個名,發覺公司都無呢個人,
但費事賴野,巡個例都問一問o的同事啦,但都話無呢個人.
跟住我細心o的睇,發覺個地址似係亂咁撞,求其寫左room no.同埋咩街幾號就算,
收件人o既地址係美國,真定假就唔知喇...
張單有一欄係寫貨物內容,寫住"Medicine"...個心仔即刻噗噗跳!!
同時地我有個同事問,"咩黎架?"
我話寄錯左,唔駛理,不如扔左佢啦...跟住我就o係眾目睽睽之下,
扔左個包裹落垃圾桶....我自己位果個~
到無乜人果陣,我拆開黎睇,發現入面有好大包藥!!!
我都嚇左一嚇,因為未欏出黎睇真,驟眼睇我以為係糖仔,
如果真係糖仔,果個份量粗略估計有過百粒!!!
跟住我欏左出黎,先發覺係偉哥,
頭頂即刻一個大問號出現,反而唔知點咁...
於是我即刻入廁所,數下有幾多啦...一數之下原來都有成40粒
而家,我就無啦啦有包偉哥,
俾著你地會點?
