你哋可唔可以唔好一Q日話要搵證明證明，丟番轉問0你，你點可以證明處女結婚就 唔 會有一個美好的婚姻？
我相信每一個女仔第一次做，(無論外表幾無所謂,幾隨便 — 十成八九都係俾佢身邊所謂嘅姊妹教壞)，都係有一絲嘅純潔同緊張，都會覺得哩個男仔係值得為佢做一D嘢，不論個女仔對哩段愛情係幾咁無知，愚蠢。
再想，假設哩對處女婚姻面臨危險，男方都會考慮到而家訓喺佢隔離嘅老婆係為咗佢肯等到而家，點都會計D分嘅，都有可能因為咁挽救咗段關係。
女仔變得隨便，睇得性太輕係社會嘅責任，係家庭嘅責任，係父母嘅責任。哩個會係一個惡性循環，男仔同女仔係相處中尋找唔到平衡，搞到愈嚟愈多對愛情失去信心嘅男仔出嚟鬼混，又搞到更多女仔被傷害出嚟搞搞震，令到哩個社會更加動盪不安。
好似我之前有一個POST講關於 DADDY ISSUE，
http://www.wisegeek.com/what-are-daddy-issues.htm, 簡單D來講，家庭嘅不負責任已經係成為咗社會嘅責任，Daddy issue係話女仔細個缺乏爸爸嘅愛，或者爸爸嘅形象太差太無安全感太唔值得信任，導致女孩為咗填補內心嘅不安以性或濫交男性去尋找被男性嘅信任和肯定。其實Daddy issue唔指定喺女仔身上先會有影響。
D人成日喺度怨而家香港後生一代唔愛惜自己嘅身體，凡事有因果，缺乏家教我想係其中一個原因。上一輩年輕力壯時朝早到夜晚去工作，淨番我哋哩班靚仔靚妹自己教自己，自己同朋友同同學渡過青春期，好多問題自然就會產生。好似有本書叫Lord of the flies，係叙述有班o 靚仔因意外流落喺一個荒島上，佢哋自己定位自己嘅"法律"，最終搞到互相殘殺。同我哋無異，我哋從無限制嘅互聯網學愛與性，自己定位自己嘅社會準則，自己定義性，罔顧社會責任，覺得人人都做就係正常，哩個未必係全然父母嘅責任，我哋都要為自己做嘅嘢負責任。
我想搞一個正風運動，我有信心一個月可以上報，叫整個社會去根治哩個社會問題，正視哩個惡性循環。
正風運動主要想正三個歪風
1) 香港男性漸趨女性化
2) 離婚普及化
3) 性隨便普及化
Daddy issue 係需要一個極正面嘅男生形象先可以糾正番，遍遍漸漸失去男人應有嘅穩重嘅港男就愈嚟愈多，哩個問題亦好可能係男孩童年時欠缺一個好爸爸嘅關係。但問題出現咗我哋就有責任去解決，我哋要重新灌輸俾下一代男生咩嘢先係一個男仔應該有嘅態度。
離婚率上升係反映咗一D好值得深思嘅問題，帶來嘅問題對下一代係無可估量，所以請認為自己無能力或時間去教下一輩嘅，千祈唔好諗生仔，咁只係好不負責任地將問題交咗俾社會。
亦都想借機帶出家庭嘅重要性，希望儘管香港人生活繁忙緊張，都抽出小小時間去陪下自己嘅仔女—未來社會嘅棟樑，特別係喺青春期前俾下一代學懂愛與被愛。
我喺度講出咗咁多問題當然唔希望就咁喺度就完，我希望可以第一次由網民發起要社會關注哩個問題，要社會政府市民自己去解決哩個問題。記住哩個係一個社會嘅問題，你同我都有份去參與，改變，改革社會嘅風氣。由自己做起，令香港變得一個更道德嘅社會，令愛情變得更負責任更開心(唔係太清楚應該點打)更單純。(PS有時聽林夕嘅歌真係聽到好抑鬱，對愛情好心淡，不過又難怪佢信佛嘅，可能睇透咗D咩嘢。支持林夕寫下D開心D正面D嘅情歌!!)
本人文彩唔夠，但自問有足夠嘅洞悉力去點出社會嘅問題，現只求拋磚引玉。有識之士請發表偉論，路過者可推一推支持小弟。6月28日，為咗香港嘅未來，全城正風!!!!
