iPod按摩椅
氣溫又創新高，咁熱天氣，如果可以躺在海上，吹住海風，一邊有人為你按摩， 一邊嘆住冰果汁你話幾爽呢！呢個唔係發夢，最近市面上出現了一張水上飄iPod按摩椅，就可滿足晒以上要求。

唔好以為按摩椅就一定大大，當由包裝拎出來，「按摩椅」就只係得吸塵機咁上下Size，使用時就可以將佢泵脹。不過各位唔使擔心，唔使慢慢吹，跟包裝會有埋個氣 ，大約泵15分鐘左右就可以成形，不過講真都要花少少氣力，當做熱身運動喇！呢個設計除可以方便拎住張按摩椅周圍走，仲可以落水能游，成張浮床一樣，大人上去都撐得住！

同普通浮床最大分別，當然係佢內置按摩功能，配合床身採用人體工學設計，全部4個震動按摩墊可以為你落力按摩。真是夏天一大享受呀。

廠方AStone就特別替按摩椅設計一個防水儲存箱，可以將手機、銀包等隨身物品放入去，唔怕入水，玩得特別放心。若果覺得悶，仲可以將iPod（MP3機都得）接駁到按摩椅，頭部兩側有立體聲喇叭，咁就可以一邊按摩一邊聽歌。而椅身右邊仲有個按摩架，可以放飲品，夠晒嘆！

■AStone iPod按摩椅$998
■Model身高162mm，仲有好多空位剩。
■15分鐘吹脹，泵脹佢可以當做熱身運動，之後就可以直接落水玩。
■摺埋只有吸塵機咁大，要泵脹佢都幾花力氣，至少用15分鐘。
■ 成張按摩椅只需用上4粒AA電芯就夠力推動。
■ 操作其實好簡單，按圖指示就無問題。
■ 有防漏氣設計，打開蓋都唔怕漏氣。