卓普咸更勝愛倫同大摩，其實呢句嘢講起上嚟真係一d都吾過份，有好多馬迷其實都吾係太清楚卓普咸嘅真正底細，所以經常低估佢，恥笑佢，話佢廢柴/冇×用/垃圾等等嘅粗俗字句嚟鬧佢，可想而知香港某部份馬迷係幾咁無知:022:唉…，香港馬迷實在太叻，事事只憑直覺，永遠覺得練馬師或者騎師一季只係贏得幾場馬就係冇用，眼光永遠都只係睇一日嘅長短∼並非得罪∼而係卓普咸嚟港開倉嘅時候，根本不利因素實在太多，又要處理英國解散馬房事務，再加上來到香港嘅時間又短兼要處理開倉事務及又冇足夠時間同馬主打好關係，除咗兵源相當有限之外，再加上新年代事件嘅發生，的確嚴重影响咗(肥卓)本身嘅心情同實際表現，種種不利因素嘅出現，導致肥卓意興蘭珊，所以才决定離開香港，實屬可惜:091:我深信，佢嘅離開，的確係香港馬圈嘅一個重大損失，否則以卓普咸本身嘅練馬功力，應該可以有效阻止愛倫同大摩當年喺本港所有大賽壟斷嘅局面，喺我心目中，卓普咸(肥卓)的而且確係一個真正嘅一等一殿堂級練馬師…

卓普咸受香港馬會邀請嚟頂替當時因為用禁葯而停牌嘅賓康

卓普咸喺英國從練時，訓練出一代名駒(特里安盧)，贏過多項一級賽，包括：中央公園錦標/英愛兩地二千堅尼冠軍/英國國際錦標及英國冠軍錦標等等

其後由卓普咸所訓練嘅(迂迴博士)更成為1992年度英國葉森打吡大賽冠軍！

當卓普咸决定放棄香港練馬事業之後，返回英國發展又有新突破…

事隔一段時間，卓普咸更訓練出當時威震歐洲馬壇嘅兩歲馬王(授權)

其後，卓普咸再憑由佢所訓練嘅歐洲頂級3歲馬(授權)再一次勝出2007年英國葉森打吡大賽冠軍(要贏兩屆葉森打吡其實難度極高)！

之後卓普咸再派出佢名下嘅3歲馬(授權)參戰一級賽朱德望國際錦標，結果以5個馬位大勝當時由雄霸英國馬壇嘅殿堂級練馬師岳伯仁所訓練嘅歐洲頂級馬(狄倫)，勇奪冠軍，威盡一時！

跟住落嚟吾使問，卓普咸當然為佢旗下嘅鎮倉之寶(授權)安排下一個目標∼(法國凱旋門大賽)！

英國著名博彩公司威廉希爾更開出(授權)喺凱旋門大賽奪冠賠率為2.3倍一面倒大熱門

從卓普咸所訓練嘅馬匹及所贏嘅賽事水準難度推算，都可以肯定佢嘅練馬功力相比起愛倫同大摩都有過之而無不及:005:

肥卓其他威水史包括：1994及1995年先後憑其下馬匹(烏龜島)及(光普)連續勝出兩屆愛爾蘭二千堅尼(一級賽)

1993年卓普咸憑其下馬匹(白口罩)勝出意大利打吡(一級賽)

卓普咸從練所有馬匹合共勝出24場一級賽殊榮

除此之外，前香港馬王(奔騰)在英國出賽時，亦係由卓普咸所訓練及前香港短途馬王(軍樂聲)在兩歲時，亦都係由卓普咸所訓練:005:

真心希望卓普咸下季香港國際賽可以派遣頂級良駒嚟香港橫掃四項一級大賽，挽回自己面子

[ 本帖最後由 得意肥邦 於 2017-4-14 10:13 PM 編輯 ]