(波馬齊贏)會不定時加入賽馬及足球⚽嘅最新資訊內容，多謝各位收睇，thx:082:
各足球聯賽開鑼日期如下：8月4日(法甲)，8月12日(英超)，8月18日(德甲)
馬季開鑼日：2017年9月3日(星期日)
下季新開倉練馬師，羅富全，麥菲文
嚟緊英超就嚟開鑼，個人比較鍾意曼聯，爆炸頭，連加特，福仔，MK叔，個個都有自己個人突破能力，尤其係爆炸頭終於一反常規，吾會再企喺度等波頂，自己肯主動走前幾步接應，的確難得，不過好大機會離隊，至於福仔簡直充滿足球天份，處理射門相當冷静，前途真係無可限量，MK質素甚高，可惜喺曼聯發展未如理想，經常睇到佢入波，但甚少展現微笑，卡域克只能續約一年，而且年齡都吾輕，相信合約完咗好大機會離隊，連加特表演又係相當出色，射術及速度同樣兼備，真心希望摩佬下季能夠帶領紅魔走到最前
至於賽馬方面，我本人比較睇好方仔多少少，因為佢個倉有好多質素好高自購馬喺度，而且已經接近爆倉，川河尊駒當然係方仔嘅手上其中一張大賽嘅皇牌，至於方仔另一自購馬(飛馬王子)，相信都係屬爭奪各項本地大賽嘅棋子之一，赤兔寶駒雖然係質素高，但可惜呢隻馬嘅脾氣相當臭，及有嚴重內閃毛病，如果吾徹底改善本身脾氣，相信會嚴重影响隻馬本身嘅成就
[
本帖最後由 得意肥邦 於 2017-8-18 02:10 PM 編輯 ]
