攞自己既缺點同大家分亨
今晚冇馬跑 , 週日 d 馬未有排位 , 又未有騎師配搭 , 不宜講馬 , 不如就攞自己既投注策略其中幾項缺點同大家分亨吓
1) 太自信
自以為信心爆棚既馬 , 真係不可以孤注一擲重插 , 須知道跑馬都有意外 , 意料之外既突發事有太多可能性出現 , 跑出唔係自己所諗既賽事就會奶野 .
2) 冇精神 , 勿賭
每次賽事都有成十場八場 , 咁多隻馬要打醒十二分精神去度 , 不在狀態時去度馬 , 分分鐘會度錯或填錯飛 , 休息吓一兩次好過
3) 落注勿孤寒
當遇上一場內有幾隻心水馬時 , 切勿為左慳果一個幾亳 , 硬要自己從中三選一 , 三選二或二選一 , 千萬勿選 , 一定要互串 , 如果唔係 , 跑出冇落注果隻就後悔莫及 , 輸呢d孤寒錢就真係唔抵喇
4) 切勿追寶尾
如果上場有30倍以上而跑入1至5名近既馬勿追 , 十隻著左九隻冇影 , 重會變成個個追捧既熱門 , 就算跑得出都唔會好分 , 呢d寶尾追唔過
5) 勿與友人夾份投注
各人有各人既心水馬 , 雖然同友人夾心水可互補不足 , 當別人既心水自己未必認同時 , 卻又不得異議 , 錢又要夾落去 , 夾一兩次冇所謂 , 中的話固然好喇 , 唔中既話心中可能會埋怨 , 次數多左 , 積怨越深有可能會傷友誼 , 除非大彩池 , 自己本唔多 , 非夾不可
講住咁多先 , 遲d 有時間先再同大家分亨