６月２７日　"３Ｔ"　推介

收藏 | 訂閱

4 477

chi1231

等待驗證會員

chi1231

1^# 大中小發表於 2007-6-26 只看該作者

６月２７日　"３Ｔ"　推介

聽日係快活谷今季最後一次賽事，３Ｔ多寶有八百幾萬，我本人向來甚少買３Ｔ，但係今次突然想挑戰一下（都係想發達），希望大家支持一下啦：）
第４場１６５０米，３Ｔ頭關，呢場都幾均勢，但係我中意兩隻放頭馬，就係金獎葡萄同特別喇，兩隻馬分別排２，３檔，簡直正到死，一隻放，一隻跟係後面守好位，不過希望唔好鬥放，如果唔係就有可能雙雙死去喇，金獎葡萄同特別近仗跑得唔錯，現處４班應該有利，加埋臨場有Ｄ雨水幫助，一Ｑ放返黎都有機會。另外再介紹多兩匹後上馬比大家，分別係超速無敵，駿冠，超速無敵上季呢個路程可以ＷＩＮ到大贏家，可見此程強頂，加上匆匆再出，唔會想減多Ｄ分掛，緊係心急想贏啦，駿冠大前仗贏同程係黏地，近兩場熱門得個近字，今次韋達再騎，場地應該幫到佢，有賠率博佢。其他馬以強中霸，堅毅較好。

結論：５金獎葡萄，１０特別首選，３超速無敵，４駿冠次選

第５場，３Ｔ次關，呢場我首先提供衝勁寶，近積可以話非常穩定，同巫斯義亦合拍，淋淋地既地更岩，博埋呢場下季再減分。鬚刨王上場終於打開勝利之門，升班對手轉強，但抽到一檔及輕磅，可以再勝多一場，但如臨場下雨，就大打折扣。信賴上仗大熱倒灶，輸三十個馬位，忠心馬突然下滑，賽後驗出氣管有痰，令投注者今次不知下不下注才好，但復課健康又唔見得有咩問題，但只限於入位置。盟友上仗有馬同佢鬥搶才敗，但所負不遠，今次吸取教訓應會騎得好Ｄ，同場只有衝勁寶同佢搶，但我估計衝勁寶都係會留係包廂位置，而盟友上前放頭，盟友只要跑回上水準可捱入位置。其他馬以心寶貝，愛得威較中意。

結論：３衝勁寶最好，１１鬚刨王要睇臨場天氣，５信賴同７盟友位置機會多於贏。

[ 本帖最後由 chi1231 於 2007-6-27 01:20 AM 編輯 ]

chi1231

等待驗證會員

chi1231

2^# 大中小發表於 2007-6-27 只看該作者

第６場，３Ｔ尾關，叫關領今季大勇，今次又排內檔，又可以用放頭絕招，今季趁勇應冇保留，馬膽必選。太陽威力今季表現也不比叫關領差，大勇馬冼文諾再騎有計。上浦福星此程非太出色，但勝在冷門，此馬逢冷必拚，唔用見習生，用列高力也似出擊動態，冷腳在此。添喜悅與前駒差不多，唔用見習生，用冼毅力大師傅不似無的放矢，３Ｔ多冷馬，隨時入圍。這場還有好多邊線馬，以紅皮柚及鋼意睇好一點。

結論：叫關領首選拖太陽威力，上浦福星，添喜悅

water57

等待驗證會員

water57

3^# 大中小發表於 2007-6-27 只看該作者

嘩..同我o既睇法一樣...
齊齊中3t啦~~

第4場o既腳我會揀柏寶...
而家好多人話佢沈晒...
但其實佢早幾日佢騎10場有7場都有頭3名
上名率極高....
話晒3t都係要頭3名姐...唔一定要win...
而另外2場又唔係幾睇好佢...

[ 本帖最後由 water57 於 2007-6-27 01:55 PM 編輯 ]