引用:
原帖由 gotowin111 於 2006-7-8 12:01 AM 發表
好利威 VS 活力寶蹄
係唔係兩隻馬都係跑一哩最好???
現階段黎講...兩隻都嘗試緊跑1600...我就覺得"活力寶蹄"應該去到1600都差不多啦...因為睇佢既跑法都係要擺係前面為主...呢隻馬岩韋達既跑法多d，守係好位跑法主動，入直路以凌厲既末段彈開對手，但係如果佢一開始就擺左係較後位置咁佢就會有機會追唔到...因為睇佢上季尾最後那場俾馬王"牛精福星"彈開左就知佢暫時未夠長力...同埋末段未必係可以去到22秒內那種齋跑一段既極速追勁馬...
反之"好利威"睇最後加1600都可以係最後幾步追過"永利好"，仲有愈贏愈甩既姿勢，得2個原因有可能架姐...1.佢本身係一隻可以再跑長d(1800左右啦)既馬...2. "永利好"本身都係初跑1600...3歲馬有可能長力未養成...去到1500已經開始均速左...但係邊個原因當然要觀察啦...有一樣野係唔否認既...就係佢係可以造出一段極速末段既馬...再加埋其實佢擺係前中後跑都可以贏出既馬...所以佢係陣上受際遇而影響既機會較細囉...
最後，我諗暫時佢地兩隻未必一齊跑住...因為神仙蔡未來一年最有機會爭大賽既莫過於呢2隻馬啦...唔會咁快同場鬥傷左佢掛...:013:
