happiness...

想真心搵個夾得黎既女朋友　長遠　所以下面會講詳細少少

今年二十歲
圈子細　唔會去蒲　唔識點樣追女仔　唔煙唔酒　算乖仔
所以到依家都未拍過拖　未試過拖手仔抱抱錫錫（唯獨試過一次網戀　長達三年　未見過　但最後好傷心　想知先再講）
我樣應該唔算差　有人話我靚仔（有人話呀下　唔係我自讚...lol)
都有ｄ女仔鍾意我　但係　我覺得唔夾　所以冇一齊（我想一齊就永遠　所以性格夾得黎好重要）
成日出街見住人地一對　真係好羨慕　
心諗ｄ女仔成日話搵好男仔　我算係呀　
心酸問個天　咁點解我仲係一人…
細子圈　所以試下上網　希望可以搵到你

我份人鍾意簡簡單單　唔鍾意太複雜
我講左我ｄ缺點先　接受唔到請按上一頁

．我冇錢的　屋企都窮　無父母　仲要比番錢出黎照顧嘛嘛
　所以想要我買咩貴野比你既女仔　可以上一頁

．我冇學歷　前路好難行　以後係點未知知數　但我會努力向上爬

．你曾經有過性行為　可以上一頁　我係咁老土的了...
    一諗到最愛既人跟過人咩咩　我接受唔到

跟住講下我ｄ性格

．我唔鍾意好容易就一齊　因為好容易就會分開　根本未了解對方　咁樣既拍拖
　只有一時快樂　無意思　所以性格我會講詳細ｄ　如果你性格　想法　志向　都同我類似　咁我地就可以試下了解對方

．我會似細路仔咁鍾意同你玩　周圍去　我鍾意純真　似小朋友既愛
　但遇到事我又會好冷靜咁去面對　諗事情等
　所以我係有雙重性格的

．上面講左我冇錢　前路係點都唔知　但我份人好知足　冇錢就慳ｄ洗　清荼淡菜　食得飽　住間細細屋　一樣開心
　我雖然會努力向上爬　去搵錢　但以後係點　都係未知知數　所以以後　可以儲錢買到間細細地既屋　裝修下住得舒服
　食既　玩既　唔需要太富貴　足夠就得了　都係果句　知足常樂　簡單是福：）

．我會好痴人　一星期可以見足七日的話　我都想　去邊會想拖住你周圍去
　你累了　我會想幫你按摩　你唔開心　我會想抱住你安慰　你有咩諗唔通　我會同你一齊諗　聽你講心事　講道理比你聽
　有時ｄｉｙ　ｄ驚喜哄你開心等

．爭吵一定會有的　但係我相信　只要兩個人都係深愛對方　都可以開心見誠　咩都講得　唔隱瞞　唔好昆對方
　就算知道對方聽左唔開心　都要講　因為清楚了解　先可以相互體諒　包容　同解決問題

．嗜好音樂方面　最鍾意唱歌　鍾意食野　但唔識食…想同你周圍去食XD..
    我有玩RC　如果想一齊唱歌　可以一齊玩^^

性格大致講左呢ｄ先　如果覺得夾　可以相處時候再慢慢清楚了解我：）
跟住講下我既要求

．一定要諗清楚　先同我一齊　因為我想既愛情　係直到永遠
　不欺負　不背叛　不隱瞞　真心相愛　錫曬對方的

．外貌身材　不是最重要　但至少要順眼（相處左之後　覺得夾　可以交換相睇　或約出黎見）
　身材小肥都得　唔洗話好好　我自己都唔係好
　可以一齊運動減　我都肥肥地HAHA…

講住咁多先拉　如果你覺得同我夾　歡迎ＰＭ我拎ＭＳＮ／ＳＫＹＰＥ
我冇ＷＨＡＴ　ＡＰＰＳ　傾電話…會怕羞　諗唔到野！
期待與你開始幸福的生活

[ 本帖最後由 happiness... 於 2012-8-5 03:31 AM 編輯 ]

happiness...

推一推：）