二十五、賭局
由於事前沒有收到Cindy即將回港的消息,所以阿玉和阿瀅對於Cindy的出現都感到很意外。不過阿玉內心明白,老闆沒有責任將自己的日程告訴自己的。Cindy進店後跟阿玉同阿瀅打招呼,打量一下兩人後,就跟Kate處理新貨,再向阿玉查問她離港期間小店的情況。
之後Cindy將車匙交予Kate,著仍穿著空姐制服的Kate在車上等她。店舖內就剩下Cindy、阿玉和阿瀅。Cindy將櫥窗前的牌改為”休息中”,就對阿玉和阿瀅說:”你地兩個搞埋左呀?”
Cindy竟然這麼知道她倆的關係,阿玉只能一臉尷尬,點點頭示意。阿瀅見阿玉已承認,就問:”下?你點知架?”
Cindy:阿瀅你唔係要返工走上來做乜呢?何況你地戴住同一款手鏈,連腳甲油都一樣顏色,就算我唔係唔覺意喺CCTV見到你地𡃶𡃶我都估到啦。
阿瀅這時想起Cindy和阿玉有肉體關係,即握著阿玉的手說:”係呀!我地拍緊拖呀!”阿玉立刻望著隔瀅,一臉茫然。
聰明的Cindy明白為何阿瀅有此舉動,就回應:”你而家向我宣示主權呀?阿玉,你將我同你啲野講左俾阿瀅聽?”
阿玉繼續不發一言,只是點點頭。阿瀅又急著搶白:”我知道架。但以後你唔駛旨意再搞佢。”
Cindy:咁你有冇搞阿南呀?
瀅:冇。
Cindy:即係你唔要男朋友,要佢阿媽呀?
瀅:係呀。
Cindy:阿南應該唔知個呵?
瀅:你諗住咁樣要脅我地呀?
Cindy:我冇咁講過喎。何況你估我會想傷害阿玉同佢個仔嘅關係咩?
瀅:咁你想點?
Cindy:我冇乜特別想點喎。你今日得唔得閒頂更呀?我想阿玉陪我。
瀅:唔得閒呀!
Cindy:咁今日唔好做生意啦。阿玉你來陪我。仲有阿Kate一齊。
瀅:唔得!
阿玉很擔心阿瀅如繼續以此態度跟Cindy說話,會帶來很壞的後果。但她實在不知道可以怎樣做,只能將憂慮隱藏在內心。
Cindy:阿玉,你知道話,今日陪我得唔得。
阿玉正思考如何回應時,阿瀅又捉緊她的手。阿玉只能低著頭說:”我……我唔知呀……”
瀅:你唔好逼佢啦。
Cindy:你搞清楚喎。我從來冇逼過阿玉做任何佢唔願意做嘅野。係咪呀阿玉?
阿玉又點頭。
瀅:就算冇逼佢,唔代表佢真係有權say no!
Cindy:你覺得阿玉同我做,佢唔享受?佢唔舒服?
瀅:佢唔愛你,又點會enjoy?
Cindy:阿玉你自己誠實講,同我做唔舒服?冇高潮咩?
阿玉點不作聲,Cindy就催促她:”話俾阿瀅知啦。”
玉:舒服。
Cindy:有冇高潮呀?
玉:有……
Cindy:咁阿瀅你明啦。唔好阻止我令阿玉開心。
Cindy趨前準備拉起阿玉,阿瀅即伸出手作阻擋狀。
Cindy:你仲想點呀?
瀅:以前還以前。佢而家有左我,唔會再想同你做。
Cindy:阿玉,你係咪唔想?係嘅話直接講我知。
這刻的阿玊思極混亂。她是真的愛上了阿瀅。但她也搞不清楚,自己對Cindy是怎樣的感情。但說到底Cindy也是有恩於她,她也不想Cindy失望。而且Cindy真的有令她失去收入,甚至是使到阿南知道自己這不可告人的秘密。於是阿玉只能說:”我……唔知呀……”
瀅:佢係唔敢同你講架乍。放過佢啦。阿玉淨係鍾意我。唔會再想同你做。
Cindy:你估個世界係好似你諗咁運作嘅咩?
瀅:我唔知你想講乜。總之阿玉同我拍緊拖,唔會再想同你上床。
Cindy:你自己夠唔夠膽試下呀?
瀅:試乜野?同你上床?咪痴線!
Cindy:你試下同我一齊三日兩夜。你唔自願同我搞。咁你贏。我以後唔會再要阿玉同我做,仲可以加你兩個人工。
瀅:好呀!我贏梗嘅。
Cindy:但如果你輸左。你唔可以再阻止阿玉同我做喎。
瀅:冇問題。
就是這樣,Cindy跟阿瀅擬定了一場賭局。