人在身邊擦過, 愛在心中蹉跎!
前文:
我 : 怎麼會是你, 你怎知我在此? (好在冇第二個女人係我酒店房)
T : ............ (無比反應我, 自己行左入我房, 望左幾眼)
我 : 無需看了, 就只有我一個, 沒其他人, 特別是女生
T : 你不是生病嗎? 看來很精神
我 : 現在好點啦, 沒事
T : 那好吧, 你沒事就好, 不打擾你.........(佢講完轉身就想走)
我唔知點解會有勇氣定係色心起, 我見佢轉身走時, 竟然一手攬住佢條腰, 佢無想到我會咁做, 腳步停左落來之後轉身.......................
T好冷靜, 無比我這個舉動嚇親, 相反佢好平和地用自己雙手幫自己解圍, 輕輕咁推開我. 我無再進一步動作, 因為我知道自己係出於一時衝動.............
T : 請你尊重我 (佢眼神好堅定)
我 : 抱歉, 一時情不自禁 (我好差勁地想用嬉皮笑臉掩飾)
T : 我同你之間只是朋友關係
我 : 是的, 我知道 (我心諗現在的確係朋友關係, 遲下就........)
T : 你不尊重我, 就是不尊重自己 (我開始覺得佢似我中學個MISS)
我 : 真的抱歉, 是我想多了 (我收起一副咀臉, 強裝正經)
T : (佢沉默地望住我)
T : 再見.................(沉默一會後, 她輕輕拋下了一句, 轉身就走)
今次我無再有任何舉動, 只可在她背後說了聲再見, 就目送她離開. 我倒抽一口涼氣, 大字型躺在床上, 腦海一直回憶剛才經過, 我好後悔自己所作舉動....................的確, 我係好唔合適情況下, 唔應該攬佢, TIMING 唔岩, 白白浪費左個機會 (唉............獸性又來啦!)
就係咁, 我無再打比T, 因為我覺得自己行錯左一步, 呢個時候打比佢, 絕對唔會有好結果, 還是專心工作, 等時間合適下, 我先再搵佢, 一下子過了個多星期, 工作時我仍舊對著討厭的電腦發霉, 冷不防掛著的QQ彈出一個信息. 看那閃動著的頭像.............是T! 我滿心歡喜的打開信息, 當中沒文字, 沒內容, 什麼都冇, 我心入面諗, 即係點呀? 玩呀! 我本想回覆佢, 是否找我, 但一下子我動作停頓, 因為我覺得, 呢個時候應該打比佢.
我花左大約一分鐘時間諗好唔好打比佢, 再用一分鐘時間諗同佢講咩好. 遠處的電話接通............ :-
T : 喂......... (好細聲, 真係好細聲)
我 : 你怎麼樣, 還好嗎? (我無打算同佢講SORRY, 上次好抱歉呢D廢話.........)
T : 我剛從醫院回來............你在那? (從聲音中我聽得出佢唔開心)
我 : 我在酒店啊, 在工作, 你怎麼了?
T : 今晚一起吃飯好嗎?
我 : 好呀, 幾點? 去那裡吃?
T : 6點30我到酒店下面接你吧, 我到了再打給你, 再見
佢掛線後, 我心入面好自然在想, 今天的T有點奇怪, 但也再沒有細想下去, 還是趕緊完成手上工作, 之後洗個澡換衣服, 好好的跟她享受一個豐富的晚餐吧. 時間很快就到了6點半, 我亦換好衣服在等T的到來, 時間一分一秒過去, 已快7點了, 仍未有接到她的電話, 我心中有點忐忑, 終於電話響起 :-
我 : 小姐, 你別告訴塞車塞得很利害呀.
T : 很抱歉, 我今晚不能跟你吃飯了............
我 : 嗯...........沒關係(我心入面有點失落)
我 : 待你有空再吃吧 (我無打算問佢發生什麼問題)
T : ............ 我........真的抱歉, 遲點再找你吧 (講完佢就掛左線)
放下電話, 我盤算了一會, 有點擔心T, 但唔知佢發生什麼問題, 根本唔知點幫佢, 究竟我應該點做呢?................待續
[ 本帖最後由 Alden72123 於 2015-10-24 11:56 AM 編輯 ]
