引用:
原帖由 賭神^^ 於 2024-2-27 20:55 發表
女人心,海底針!想問吓女性點睇40+男人?會唔會接受已婚男或做情婦?其實都係想搵個伴可以互相關心溝通,唔通成世人真係可以一心一意一輩子?真係要好好學習 ...
又黎發表一下偉論
問你一個問題, 你點睇一個比如話係港島東區o既單位? 係咪唔知點答呢?
"港島東區" 只係個樓盤o既其中一個特質, 等如 "40+", 其他information 咩都無叫人點講啫
個人認為, 一心一意即係想一生一世, 想一生一世,
單單靠不斷提醒自己要盡關心, 溝通同照顧o既責任係唔夠囉
don't get me wrong, 我係話唔夠, 唔係冇必要, 盡責依然係必須, 亦必須提醒自己已經有另一半,
要識得抗拒外來o既其他誘惑
除此之外, 呢個一生一世o既人必須要有深度, 有內涵, 容許我可以不斷發現佢一d 新功能
同佢一齊o既唔同時段, 呢個人可以俾到我唔同o既感覺, 唔一定全部都要係好o既感覺o架,
但要有變化, 舉個例, 平時同佢食飯行街佢有好多吃喝玩樂o既主意,
唔一定每次都咁enjoy 但唔會話黎黎去去都係果一兩個地方唔停 loop,
同佢講嚴肅話題, 佢有佢見多識廣o既一面, 通常都可以俾到有用o既意見俾你,
當你想放肆幼稚一下時, 佢玩起上o黎比你本人仲更加小學雞, 搞到你哭笑不得,
做得夫妻呢種親密伴侶自然唔少得有肉體關係, 佢會願意會嘗試配合你, 玩你想同佢玩o既玩意,
中意同唔中意都好亦肯俾最真實o既feedback 俾你
能夠令感情關係歷久常新, 需要o既係一個多面人
呢樣野換句話講就係擇偶技巧, 相應o既工夫o係考慮娶唔娶嫁唔嫁對方o既時候就要做好
想對方亦有歷久常新o既感覺, 自己亦要成為一個多面人
男人又好女人又好, 都要多接觸新事物擴闊自己眼界, 千萬唔好覺得婚都結埋唔需要再下苦工