[求救]真心想戒J
可能男仔真係無乜邊個唔打J，不過真係好想改，想過返正常生活，打J帶俾我既影響已經到左一個不可忽視既地步，由個人身體健康到學業，都已經受到唔小影響。
其實以前我好乖，生活好單調，日日除左讀書無野做，心境平和，自從迷上電腦之後多左渠道接觸色情資訊，加上受到一些朋輩影響，慢慢開始沉淪，最嚴重果排仲幾乎日日都打，個人慢慢變得無晒精力，上堂又集中唔到精神，讀書成績都開始下滑，真係好想返去過去無欲無求，單調而又充實既生活。之前試過改，delete晒部腦d A片，結果唔夠一個月又堅持唔到，可以既話我真係寧願從來都無接觸過電腦呢樣野。依家好煩惱，真係好想戒左佢，甚至直情唔想有性慾呢家野，我想專注係學業上面，唔想拍拖更唔想打J，奈何後生仔血氣方剛，真係好難忍，有時甚至好憎點解造物主要俾人性慾呢家野整古人……唉，總之依家好煩惱，希望有戒J有經驗既前輩俾d實質既建議我，唔該晒……
