我好驚...真係好驚,我懷疑自己是否性無能?
諗番起...我真係覺得好恐怖...
我記得我細果陣曾經有一次比一對膠拖鞋由高處(4m高度,45度角左右)都算幾大力地向住我拋落黎打中我下體,果時我當然十分痛,然後再睇下我JJ時發現龜頭有白色野流出(基本上像流濃)。
果時家人冇睇我去睇醫生,或者呢個就係所有野的起點...
先講下我依家條jj先...
我現年17歲,包皮過緊不能完全露出,我未扯大約3cm,扯左大約只有6-7cm,疑似「無精出」(我無打飛機習慣),就算睇a片等東東大部份只會出「發臭的水」(我查過是jj興奮時的前列線分泌物)
而且每當我睇完a片等東東後(或者說扯旗扯得耐?,我也不知道),近陰囊的位置就會有種壓住壓住的痛!
再講我自己日常時間表
我係中二(現中五)開始有時通宵至1-3點先訓,可以說是經常夜訓,中4開始常常食垃圾食品(包裝食物及公仔面等),小飲水(但會飲湯及汽水),經常坐係度(係學校同屋企都係)。
可能有人問我睇醫生咪得,唔使咁煩.....但我真係好驚...我又唔知邊度睇最好,又怕個醫生笑我,又怕我太多問題唔知點講...
我依家真係好自卑,我都知自己係個冇用既懦夫...但係我真係好驚,有時會產生自殺念頭,會諗一個男性冇左正常既JJ(我認同JJ=男性第2生命)已經冇用...
可能而家有D人恥笑緊我,你要笑就笑都夠,但絕對唔好係我面前笑....因為我所講既全部都係真野,係個收埋係我個心入面成5年既真野黎
[ 本帖最後由 無雙足球員 於 2009-2-5 05:14 AM 編輯 ]
