今場有四隻銀行馬出, 兩隻兩隻一齊跑, 好難分正負, 黑鷹和喜樂趣更諗爆我個頭, 我諗單Q玩下都可以, 而森威力同哲學家則較屬意森威力, 泥地唔係主要原因, 而增程反係我覺得今場最大優勢之處, 同樣地哲學家增程亦佳, 這兩對馬都難分正負, 都係排位日咁決定, 除銀行馬投資手法不變外, 另加位置Q和單Q二串三, 睇下我這四隻銀行馬會否一齋前列歸來, 係就肥仔囉! 講番今次推介馬匹, 乃第八場隻閃電, 轉倉後已跑兩場, 今次過聖誕, 大摩應部署幫賭王贏馬交代, 乃最佳聖誕禮物, 今日放假有時間, 就逐隻同大家分析一下, 希望唔好嫌長啦!:011:
第八場: 閃電
閃電轉入大摩後已跑過兩場, 十月初出一役跑千八, 其目的無礙係想熱身一場, 若想搏殺又豈會一出即跑千八? 該役沿途中段較前置競跑, 一直至終點都無明顯增速, 但亦無乏力墮退, 最後只負威利好好兩個幾馬位, 初出即跑千八有此表現已算不俗! 其後上仗跑千六, 沿途守好位, 入直路增速上前, 一直頂住喜得法, 只敗臨門兩步, 輸左個頭跑第二, 喜得法其後即於千八跑第二, 只負於火焰之星個幾馬位, 但本身亦以1.47.70快時間完成, 足見閃電雖負一馬頭, 但已有一定水準, 再橫視今場同場對手, 已無喜得法之輩! 個人認為今場步速應屬中等, 自家飛重戴眼罩, 我諗隻馬應該跑唔番, 戴番個眼罩可能係想放出黎就算, 其餘喜駿寶, 喜利多和自由武士俱有能力迫前或領放, 步速應不會太慢, 眾多有速度既馬中, 先講喜駿寶, 此駒場場幾十倍, 場場都輸得遠, 今次未見有能力突然變身, 我估佢都係擺前跑完就算, 其次喜利多, 用賴維銘未必會死放, 佢可能會跑前二三位競跑, 此駒質素非高, 但勝在跑法主動且每場都唔會斷得哂, 今場對手若追唔上, 佢有能力捱個位置都唔奇, 跟住自由武士, 本身已有一定前速, 今場初戴眼罩, 可能會仲快少少, 上仗跑千八個第四已算跟得唔錯, 但已係毫無威脅, 再著此駒近年跑千六已非正宗, 再加上若有希望韋達應該唔會放手, 我估此駒威脅能力不大, 再講既係出奇, 季初大勇特勇, 但七歲老馬銳氣一過便難再樂觀, 五五波盛年極準, 但現在已難望進步, 上仗一步不蝕都輸四個幾馬位, 今場跑非最佳既千六且用韋達野飛, 可謂熱而不抵, 寧搏佢三甲不入, 至於飛躍龍門上季六捷, 但全都是贏二班以下途程, 再加上評分大幅上升, 上季尾一仗心律不正大敗, 可謂搏過頭, 今場能否跑得番仍屬未知之數, 而且連捷氣勢已過, 一班亦未見著數, 久休半年多都係睇場先隱陣, 而不老傳奇屬失準難靠馬, 近仗最有威脅已要數到去季五月, 近仗有飛無飛都未見威脅, 今場用洗毅力亦不看好, 再睇落去就係五穀豐收, 此駒評分毫無優勢, 但只要沿途能留後而不跟前就能發揮出一段不俗既後勁, 柏寶要騎飛躍龍門而易配萬成, 若能當佢好似順利取勝咁跑, 五穀豐收絕對有能力殺入一席QT, 乃本人首要配腳, 再跟住係搏得威, 此駒今季連仗上名, 前仗更輕取泥地一哩, 上仗車前倒後, 自招敗辱, 可謂敗不足據, 今場初上一班, 但勝在對手不強, 杜利萊要騎同馬房場隻閃電, 分身乏術, 易配霍達亦未嘗不可, 排四檔兼有馬領放下, 可一路守四五位競跑, 入直路以霍達既狠勁, 相信有能力在前列歸來, 升班減磅兼且應有一定倍率, 本人會視之第二配腳選擇, 接著只餘下色種好, 此駒由季初104分減至目前既94分, 我猜應屬在減分期內, 否則以其實力一班輕磅絕對有力一戰, 但今場應會繼續減分格, 等到二班有一擊即中場合才出擊, 故大膽棄之! 綜合以上個人意見, 閃電係今場最佳選擇, 對手非強, 出頭有望, 大熱可大膽單W, 若有四五倍, 則可小心以一W三P投注, 屬穩位望贏對象, 首要一對配腳乃五穀豐收和搏得威, 兩隻都會有一定分頭, 第三選則是輕磅既喜利多! 一拖三QT可以搏下! 在此順祝各位聖誕快樂! 在拆禮物之餘記得拆埋馬會份禮物, 贏多D啦!:014: