第七場我與版友一樣，看好禪勝輝煌及中華盛景。禪勝輝煌近兩場進步多，上仗二千回復跟前而跟得急亦壓倒喜蓮勇感，今次更受讓十一磅，今日大熱贏馬合理。喜蓮勇感計死數確難以反先，千八贏過而前仗實在欠藉口；暫時欠銳氣，在賠率低水及走勢改善前不宜沾手。中華盛景近戰千六甚有威脅，可惜不夠衝只得第四，似乎千六慢步速才夠惡。桃花雲上場確實不夠位，外移必須望清楚，最後亦從未打開，勉強外移一定阻及旁邊馬匹，當時未能入Q屬不夠運，不過縮回千六則路短，贏二班要等千八及較快步速。


尾場賽前亦難計，原本也先看好星際快車及得道猴王，但考慮駿奕快車輸快步速仍先於星際快車及得道猴王過終點，臨場姚廄更有巨額過關飛，不敢小覷。光年八十三班平穩而賺形勢贏馬加七分，正路屬位置難保格，偏偏上仗就是贏駿奕快車，這個三角關係搞不清。結果駿奕快車贏，星際快車輸遇慢步速而遲打開，得道猴王上仗整體走勢比星際快車好但今日失望，守好位亦及時望空但毫無加速力，下次是否可跟也有疑問。

證明黎昭昇係水嘢 呢隻得道猴王應該要拉走 駿奕快車係睇小左佢 至於雪茄鄭尋日幾無運 木火兄弟抖夠想搏殺就三疊望空輸少少 年年友福好遲先撻著 月尾場泥地千八再出要跟
星期三講尾場先 合夥奔馳同程連下三城氣勢好勁 但比上場孭多十磅點都有風險 搏唔入Q 同樣喺同程兩連勝嘅多利神駒受讓13磅又好檔足以一戰 另一選紫雲冰季內只跑四場賺體力 搵徒弟減磅喺季尾時份好有用
第三場三班千八本來大千氣象應該係正路之選但值搏分頭低 近兩場無論後追定守好位都係得個近字 跑法太被動搏唔入Q 上場贏佢嘅港林福將繼續有好檔 形勢仍然有利 不明係非惟僥倖 初出入位嘅水準無理由三班無得贏 但跑落未如預期 今次變數在轉馬王輝初出用另一套手法搏新鮮感 雖然布文試後唔騎但MR.BEAN都唔差 有一檔睇能否變身
第八場四班千二第二組 唔少馬欠近績 砂漿金剛轉告仔初出做哂嘢但抽11檔幾難搞 扒冷敲人和家盛 其實上季腎虧潘兩度殺入Q嗰兩場都係守中間唔駛留到包尾 呢場終於抽到二檔算好跑 以季內入Q嗰兩場輸俾晉神同皇帝英明嚟睇退化不大 首選 Q方面季內初出幾乎殺哂嘅東方寶寶再出交唔返之前水準但當晚場地有變 算叫有籍口 場地變返正常嘅話未敢睇小

[ 本帖最後由 KIRIN688 於 2024-5-14 20:28 編輯 ]

26/5 遮打杯報名名單

東：錶之五知 當年情
方：直線力山 多巴先生
沈：智取神駒
韋：將王
羅：難以置信
葉：大至尊

連埋高多芬派嚟嘅桀驁之戀 總共九隻報名
桀驁之戀將會喺嚟緊星期六到港

今晚睇好R 3 ,R 7 都係2號😁兩隻😅威武xx！

剛才第四場勝利同盟極速滿貫單Q，前者竟然負於上仗稍起的眾馬蹄下敗將最佳拍檔

我另外講兩場，第六場差不多全快馬，囍眼光試閘甚快但欠後勁，布文兩試不騎，應只是負責搗亂之馬；布文騎胡椒軍曹，雙重加分兼檔位轉差，亦放棄。揀心想事成及運來勇士，快馬鬥搶末段鬥級數，雖檔劣但有千二長力，一千亦有證明。保險腳極光彗星，上仗搶跟前位就沿途三疊，今仗內側馬更快，有望變一疊，已夠反先大部份上仗對手。

第七場另續。

星期日又尾場先 忠誠寶寶增程上千六失敗死死氣返嚟千四又好檔 C加3欄普遍利前置主動跑法 Q方面手機錶霸本來幾準但已經搏咁多場 反而腎虧潘摸住嘅競駿飛翔適應水土幾快 一檔可跟守好位 當然不利因素就係黎昭昇 但呢條Q預計有啲錢分

第三場一班千四 天文台話預嗰日有雨咁就要返兩戰變化地都贏嘅旺旺神駒 有一檔更好跑 Q方面揀腎虧潘攞返嚟騎嘅增有 呢場有健康愉快同神虎龍駒頂高個磅 增有只孭122磅非常有利 而且威哥兩隻都係前置加埋健康愉快估計步速未必慢

第七場三班千六 繼續追遨遊武士 雖然執最外檔但磅位仍然有利 型佬全手法似足師父神仙 一起就係咁嚟 Q方面揀晴王 爆缸後休息變相賺體力 布文接手孭少啲死磅而馬房仲未上岸必拼

第八場四班千四第一組 雪茄鄭星期日屯重兵 呢場擺機緣醉夢 落返千四本來係好但執最外檔機會大減 估可能輸多一兩場先 首選新勝同程嘅新力好 599場次係賺步速但都彈甩馬群 四班根本超到暈 雖然加12磅但對手同上場相差無幾 加上同系新力高升今季成績未如預期 呢隻上緊就砌 Q方面揀返嗰場輸俾新力好嘅勁好運 嗰場入直路攞位唔順結果跑第五但輸俾二三馬不過一個馬位實在唔差 涼瓜要騎機緣醉夢所以換何堯仲好 型佬全個陣都幾強要跟

[ 本帖最後由 KIRIN688 於 2024-5-18 13:11 編輯 ]