第2日，我如常的返學，當我停好車後，附近傳來叫聲。

 

女車手: Hi, Dragon.

我: 哦?Mandy?  ( 點解會寫佢做女車手呢?因為識揸車既女仔唔少，但佢係少數我認識識揸棍波又開跑車既女仔，講真，佢性格好男仔頭，但造型卻非常女仔，呢D錯配造型同性格，其實亦幾受男人歡迎，而且唔知點解，呢種咁受男人歡迎做”兄弟”既女性，往往又未必好多女性朋友架喎。 )

女車手: 一陣果堂，你做好份功課未? ( 我地並排而行。 )

我: 做好啦，妳唔係想問我借黎抄掛，妳成績好過我架喎。

女車手: 唔係，係有條友煩我，佢好想見你，睇你有無時間遮。

我: 見我遮，幾時要勞煩阿Mandy姐出手呀?我好討厭佢架?

女車手: 又唔係喎，小朋友黎既，佢有問題想問你遮。

我: 呢D咁幼稚既行為，係唔係番薯呀?

女車手: 吓?番薯?

我: 即阿Roy啊。 ( 番薯，鐘意Lucy既兵，真名叫Roy。 )

女車手: 哦……HAHA,你可唔可以唔好咁衰。

我: 我都係講笑遮。其實佢想問咩遮，有咩咪直接D囉。

女車手: 原本我都唔想理佢太多，但佢問左個我都好想知既問題，所以我應承幫佢打聽下，再探下你口風，睇下你介唔介意同佢傾遮。 )

我: 妳仲未講咩問題喎。

女車手: 你同阿N係唔係真係完左架喇?

我: Haha……我無估妳問呢樣，算係啦，我地好好咁傾左，算分手的了。

女車手: 已經放低左?咁Lucy呢?

我: 喂喂，Lucy喎，唔係妳都以為我同佢一齊下嘛?

女車手: HAHA，因為有人講好多時都見你放學時車佢走嘛。

我: 哦……… 妳都知我叫佢做表妹嘞，佢係Tony個親表妹黎架，佢今個semester返左香港，我地做friend既，應承左人就幫手睇住Lucy遮，唔係連妳都誤會下嘛。

女車手: HAHA…….我點諗唔重要，咁Sylvia呢?你覺得佢點?

我: 佢幾好人啦，可惜唔係我杯茶?

女車手: 咩意思，你知人對你有意思，但你無就好心推人啦。

我: HAHA…….我點推呀，佢又無做D咩?我無情白事叫佢唔好坐我車咩，佢唔做野，我好難做野架喎。

女車手: 咁又係，估唔到呀下，好忙喎你。 ( 她用蔑視的眼神望著我。 )

我: 咪住先?我一直以為妳為左番薯黎問我野，但點解我而家感覺好似唔係咁既?

女車手: 唓，你咪理啦。 ( 說完，Mandy就快步行左先。咁究竟邊個搵佢問我，又邊個想搵我呢，當時我係唔知道既。 )

 

Sylvia，好靚女說不上，算是一個標緻的女孩，她來了加拿大1年多，聽說已經有了2個男朋友，亦散了。是誰我不清楚，事實上當時她是個怎樣性格的人我也尚未有機會了解。到放學時，我約定了Lucy在library等，她人還未到，我卻遇上了在溫書的Sylvia。

 

我: Hi,溫緊書?

Sylvia: 係，好鬼深………..計到頭都大埋。

我: Math?

Sylvia: 係，呢題你識唔識。 ( 說完我好爽快就坐下，在幫Sylvia寫好算式在草稿紙上。 )

我: 妳睇下明唔明?

Sylvia: 喂，其實你同Lucy係咪拍緊拖呀? ( 她在我耳邊細問，正常既，一個自修既地方，當然不好太大聲。 )

我: 當然唔係，做咩咁問?

Sylvia: 因為你地似囉。

我: 請問點似呢?邊度似呢。 ( 今早被Mandy問完，我忽然在想，是不是Sylvia找她的。 )

Sylvia: 個樣似。

我: 咩個樣似?

Sylvia: 咁你得唔得閑一陣同我食飯呢? ( Sylvia轉得好快，我還在意會當中意思。 )

我: 今晚唔得啦，考試嘛，返去溫書。 ( 實情我係約左Lucy。 )

Sylvia: 咁你溫得開心D啦喎，唔好要人係門口等太耐………

我: 吓? ( 我往門口一看，原來Lucy正站在門口等我，怪不得Sylvia語氣在變。正當我擰轉面想解釋什麼之際。 )

Sylvia: 明。

我: 明?喂喂，妳諗左D咩啊?我個樣又似咩先? ( Sylvia此時望著我。 )

Sylvia: 你以為我明D咩?我指我明條數點計喎………. ( 我像在作賊心虛的接不上口。 )

我: 嗱，唔係妳諗果D架下。 ( Sylvia沒望我，作bye bye狀叫我走，而我，卻在想，我為咩要講大話約左Lucy卻又說溫書呢……. 但此時我也不作多餘解釋，往門口與Lucy一起就回家去。 )

 

返到屋企，Lucy在忙她的功課，溫她的書，我呢?我不習慣一回家就又再對住書本，我會放音樂，我會打一陣機，但考試前就唔會，但我仍會在忙這忙那，與及簡單的煮好今餐晚飯。終於到晚餐時，我就示意Lucy食完之後才再溫。

 

我: D野好唔好食呢?

Lucy: OK啦，都可以既，比我煮既好食。

我: 咁勉強?唔好食可以出聲架喎，KFC好近架喳。

Lucy: 咁2隻雞唔該。

我: 我頂妳，聽日就外賣算。

Lucy: 乜仲有聽日架?好喎，不如Wendy’s 啦，好食架。

我: 我係叫妳自己聽日外賣算呀。

Lucy: 其實D野食又真係幾好味喎。 ( 她沒望我時在說，再偷望我反應，我頭先當然只係講笑。 )

我: 溫成點，OK嗎?有無唔明既地方?

Lucy: 都可以既，唔明既地方又真係有。

我: 例如呢?一陣執好晒D野妳洗完碗幫妳。

Lucy: 而家答都得架，你聽日係唔係有早堂?

我: 係，咁又點?

Lucy: 我聽日都有。

我: 係?咁又點?

Lucy: 咁你聽日返學時咪可以車埋我返學囉。

我: 小姐妳講笑好，妳住邊我住邊啊?一東一西架家陣。

Lucy: 我知，所以我今晚諗住係度瞓。

我: 吓，唔係化，妳咪阻住我溫書添啊，快D食完快D溫多陣有野唔明就問我，問完好走添啊。

Lucy: 咪就係囉，我就係食完飯溫，溫左先知有咩唔明，唔明再問，都已經好晏架啦嘛，如果你仲車我一來一回，好嘥你時間架嘛。

我: 嘩，妳都好為我著想喎。

Lucy: 嗱，你應承左Tony睇住我架。

我: 吓? ( 呢D無賴野，通常只有我用係人身上。 )

Lucy: 唔使吓喇，我即刻洗碗，跟住開工。

我: 吓吓?? ( 我見佢好快手就執好就行左去，我完全俾唔到反應，我只係第一時間諗…..佢會瞓邊。 )

 

當晚，音樂在開，聲浪當然不大，Lucy在書桌上溫書，我也在溫書，卻在地毯上，一個人住既我，基本上傢俬好少，但朋友既傢俬就唔少了，咩意思，因為有朋友搬，但又未搵到新地方，就將自己既床、電腦、電視一併放晒係我度自己放自己假去左玩。所以表面上溫書既我，心底裡係度諗，我一陣自己瞓自己房，而Lucy，就可以瞓客房的床，都叫安全……我指對佢。

 

好快就夜深，我著意Lucy沖涼先，但此時我先想起…….

我: 靚妹，妳點沖涼啊?妳有帶衫咩?

Lucy: 你有呀嘛。

我: 我D男人衫黎架喎，又大件。

Lucy: 有咩問題?我唔介意喎。

我: 吓……哦…… ( 係，師兄們，你地幻想既我當年都想緊，即大大件T恤著住，咪露晒肩，好正遮，正當我執好衫俾佢。 )

Lucy: 喂，褲呢?

我: 吓，乜我未俾妳咩? ( 係，我幻想中既畫面，條女係著左男人件衫，長到落大脾一半，無褲架嘛……我認我想多左。 )

 

Lucy沖完，香氣四溢走出黎，當然之後就輪到我沖啦，佢行出黎，我只係瞄左一眼，唓…..幻想都是美好的，佢著住我件衫，根本就係中童扮大人，大大件之嘛……正當我關門失望之際，GOD~~~~~

我望到我個放待洗衣物既籃有佢既Bra既~~~~咁佢而家咪即係……… 係，我認我沖住黎幻想左陣，我意思係，我沖住涼，又充住血黎幻想…….. Lucy而家咪即係真空既情況，GOD……. 今晚點過…….. 死火，我無套喎，係囉，男人老狗，點會有套先，唔通生日時當汽球吹咩，唔會架嘛，咁今晚…….. 就在此時，我聽到。

 

Lucy: 喂，乜你沖咁耐既，暈左呀?

我: 吓，唔係唔係。 ( 我在清醒。 )

Lucy: 喂，我溫到好悶呀，可唔可以播你既VCD黎睇下啊。

我: 哦，隨便啦。 ( 我邊叫自己冷靜，邊叫自己扮鎮定的答，但我即時就想起，大鑊………. 我既VCD，盒可能係廿二世紀殺人網絡，但其實隻碟係廿二世紀插人兩鑊喎，我老友留既唔止電器傢俬床係我度，佢當日走時，笑笑口講有正野益我，叫我悶悶地得閑睇下佢D珍藏，當中有外表與事實不符的驚喜VCD。一想及此，我即時抹乾身衝出去。 )

又多個Sylvia同Mandy
師兄，你讀書定比女溝呀？

不能沒有我的份

啊,可以講明,Mandy同我係無野既.同佢就堅朋友嘞.

即係Sylvia遲D有嘢啦…

今次日誌重心放係Lucy,應該多1,2回就可以完成.
再寫其他人,好鬼多野又煩.唔好搞我..................:smile_43::smile_43:

已讀

德國有直播

正想瞓,聽完你講,睇陣先,千萬唔好,德國,阿根廷都小組出局啊.................

師妹都咁夜?睇波?