要飲梗有辦法嘅
不過唔係我諗架，D叔叔教架😆

係啦，睇到人地好葡萄:smile_40:

何止有問題，係好有問題
一係hehe, 一係唔得.....

叔叔教細路女飲酒:smile_47:

俄羅斯可能首名出線添:smile_40:

HAHA.......一個人住既人,除非轉左方便食女mode,如果唔係,邊會隨便帶女返屋企.

我記得反而有次有個女性友人係我屋企作客,我上次提食甜品果個女仔咁啱搵我,問我方唔方便,想上我屋企睇下,咁我當然推左,自始,甜品女無再搵我....................:smile_13::smile_13:

唔會掛..........

HAHA.....最後果場,係拉烏龜嗎?
如果係,又未必,我覺得俄羅斯今次勁左抽籤叻,對強隊就好難講,但呢D波買就一流,因為假象夠豐富.

對烏拉圭，和波都應該首名:smile_40:

對Lucy，我係比對其他女生的態度算稍為走近了一點點的，原因她初來報到時咩都唔識，再來，算和她投緣，和Tony玩，他好多時都放心不下Lucy，會帶埋佢出黎一齊玩或食飯，Tony是緊張Lucy的，但活像老爸的語氣訓話，是令人吃不消，所以我好多時都充當和事佬作調停，可能再加上我不像其他兵會遷就Lucy，Lucy反而對我態度是收歛和斯文得多的，可惜她實在多兵，所以有時，我更會被誤會了是男友，而那不是當時既我想要的。

 

又到放學的一天，正準備車Lucy走之際，她在我車裡放東西。

 

我: 咩黎架?

Lucy: 香座啊，你架車，成陣味你唔覺架?

我: 哦?係咩? ( 我無阻止，因為我在若有所思，以前阿N係度時，她會定時同我換香座，換的，都是她喜歡的氣味，到她走後，香座因沒添加，就再沒有香味，一直丟空，直到今天……… )

Lucy: Yeah，而家靚晒。 ( 車換上了新香座，是有點新氣息。Lucy看了看我。 )

Lucy: 你唔鐘意?

我: 哈哈，點會呢，多謝。

Lucy: 如果你唔介意，我想送多樣野俾你放係車度，放心，唔係貴野黎架。

我: 哦……..哈哈，OK. ( 我沒有反對，其實只是沒有多大感覺，因為好像終得接受阿N真正的離開似的。 )

 

遇上吸引的男人，想知他有了女朋友未，可以看他的車有了女主人未，看車的格局就會知，那是Melody教我的，一位我的好好女性朋友，那天，她和她男友Calvin坐我車一同出去食lunch。在車上………….

 

Melody: 你同Lucy一齊左?

我: 哦?唔係喎，點解咁講。 ( 此時坐在後座的Melody提起了Hello Kitty紙巾盒。 )

Melody: 我記得阿N係度時，你架車係XO紙巾盒的。

我: 哦?係啊，Lucy講個盒有D舊，就買了個新的送俾我，當多謝成日車佢返屋企啊。

Calvin: 咁睇黎呢個精美香座，都係Lucy買架喎。 ( 坐前座的Calvin笑著說。 )

我: HAHA…….你地兩個真係…..咪俾Tony返黎時聽到添啊，殺死我都似。

Melody: 嘿嘿……..希望我地係諗多左啦下。

我: Lucy好似都好多人追喎，佢要車有車，要人有人啦。 ( 講左句我都覺牽強的說話，我開始留意Lucy的舉動。 )

 

在加拿大生活，有段時間我是一個人住的，所以如果無約人打波又或者出去玩，我係會自己煮飯食的。當然，去超市買一人份量的野食，係好悶的，因為外國大大份的量先至抵買，而我一個人，往往食好幾餐都食唔完，所以當有人提出一齊食，我又唔會好抗拒。而這天，正是我打算接Lucy回家後，自己開車去Super Store買接下來一星期的野食。

 

Lucy: 你今日唔約人既，之後會去邊?

我: 唔約喇，下星期好多科要考嘛，又有幾份notes未做好，送完妳返屋企，我就去買”食送”，今晚出去食完之後返歸趕工喇，黎緊幾日都屋企食算。

Lucy: 你識煮野食架咩?

我: 唔識架，食唔死自己架喳。喂喂，妳都玩少D喇，下星期考架啦，雖然係第一期考，應該唔難，都唔好衰呀。

Lucy: 知道啦，我貪玩遮，唔會令成績差既。但係你一提，下星期考Maths，我係麻麻地，聽日可唔可以黎你度溫書啊。

我: 可以，妳打算幾點黎我度先?

Lucy: 放學後，你煮野食時我溫書，唔明既再問你。

我: 嘩，妳個Plan都幾得架喎，OK,黎都得，唔准掛住玩。 ( 當年我係有Play Station架，佢仲可以play VCD添。 )

Lucy: 得啦，咁而家快D去買野食添啦，你識整咩架? ……….

 

就係咁，當晚就去左買多一個人份量既野，為佢第2日黎時作準備。我當然唔會天真地說，無考慮Lucy係咪想行前多一步又或會有乘機親近的念頭，但既然佢講明食飯溫書，難道我反而去多想而拒絕嗎?我又覺得未去到呢個地步………