引用:
原帖由 我不是灰姑娘 於 2018-6-7 07:09 AM 發表
唔知大家多唔多同愛人講“我愛你”呢?
我就好怕人地對我講,因為我唔想公式化地答返句“我愛你”,好似有人問:食咗飯未呀?,你答:食咗喇,你呢? 咁...
我要好有feel嗰刻先講得出
但我嗰個呢就偏偏好鍾意講喎,我通常都係微笑一下就算,係咪好唔浪漫呢?
所以我同佢解釋過之後,佢而家講少咗喇....
佢而家想講時就會喺我掌心用手指寫 “I ❤ U",我一合埋隻手就收到晒啦😊
外面好大雨 ...
我愛妳,I love you,我自問勁少講.但唔會唔講,又或以其他方式表達.............
家用篇
話說有時我都會玩下花神...........記得有次俾張cheque佢,寫左 I love you,有我親筆簽名.
佢就講: 車,我仲以為家用添,俾呢D都唔值錢既.
我: 嘩,又唔好咁講,正所謂鑽石與黃金,都唔夠我對妳痴心一片咁真心.
她: 不如你都係慳D,我要鑽石與黃金罷啦. ( 跟手我一張cheque底下,其實仲有一張,果張就係有銀碼既 )
我: 咁而家俾妳騙財騙色喇.............
她: 嘩,銀碼咁細,下次可唔可以添D呀,仲有,邊個騙邊個都未知.
我覺得,用口講,係最簡單直接又唔錯既,但一世人流流長,真係可以玩下唔同方式.