引用:
原帖由 粉紅寶寶 於 2018-5-5 12:10 PM 發表
你講左先
真人真事,男人,永遠都想吸引女人的,點解咁講.
話說上星期,我帶女兒去平台公園打籃球,當時有位約7歲小朋友係度踩單車,正所謂我有我打,佢有佢踩,忽然,佢在我身旁講左句:
男孩:嘩,原來你都爆肌架喎.
(7歲人仔,會講既係爆機,定爆肌呢?佢講完呢句,就踩走左,我同女兒們笑笑口就繼續打籃球,當7歲男孩翹一圈後,又回來,我就問)
我:乜野爆機啊?打機?
男孩:唔係啊,原來你都幾大隻,心口好大舊啊,爆肌啊.
(講完呢句,佢又走左,我在笑,女兒都在笑,當時氣氛,都唔知理佢唔理佢好,當然佢走左,我又繼續教,不1分鐘,男孩回來,今次沒有走開,他泊好單車,自說自話)
男孩:其實呢,我都好大隻,好大力架~~~~
我:哦............
(男孩講完,他便舉起單車3下,我和女兒都停晒手在望,當然,我心裡是在問:你......搞乜鬼)
眼見男孩舉完後,抹抹汗,我就點都交D戲俾佢.
我:原來你都幾大力架喎.
男孩:都係架. (講完呢句,佢想踏上單車再踩之際,就整個人跌倒,當時又唔見佢家人在附近,我當然埋去扶起佢.)
我:你無野嘛,攰唔攰啊?要唔要抖抖?
男孩:無事,失手遮,我得架.
(男孩講完,又踩走左了.................. 我仍猜不透小男孩的思想,但就繼續和女兒玩,又過左陣,今次男孩泊得遠遠的,除下頭盔,自說自話起來)
男孩:你睇下,其實我好大隻架. (佢拉起衣袖,豎起老鼠仔,煞是搞笑,但反應點都要俾佢)
我:係喎........... (男孩好像信心十足起來)
男孩:我好大力架,等我睇下抱唔抱得起你先.
(我唔知個你字講緊邊個,但見佢行去我女兒處,我就踏前問)
我:你想抱起我?
男孩:唔係,我想抱起佢. (他指著我細女兒,我心想,我明你一大輪表演搞乜鬼了)
我:嗱,我地男孩子呢,除左有力量,仲要有風度,你掂女仔呢,要問女仔肯唔肯先,何況你全身都係汗,人地可能唔鐘意架喎.
(男孩聽得頭頭是道似的,就問我女兒)
男孩:我抱唔抱得你啊? (我女兒都唔係傻,當然擰頭,呢個時候我就打完場)
我:你好乖,又叻,仲大力添,但既然女仔介意,我地就唔勉強人既,不如下次等你唔流晒大汗再黎問啦,而家你去踩返你個單車先啦.
(男孩被我老點完,就頭岳岳好乖返去戴上頭盔,踩佢5,6,10個圈表演佢強勁既耐力嘞)
可能呢個唔係咩野好笑既笑話,但希望寶師妹睇完,再幻想當時情境,真係既溫馨又可愛兼而搞笑的.
男孩,都想在女孩面前裝英雄,哪怕是小孩也不例外,但方式,確是可愛,希望呢個真人真事,可以令妳輕鬆下啦~~~~