尋晚佢帶埋個仔出黎，一見面就話「叫叔叔啦」我講笑咁講，「幾驚你話叫爸爸呀」佢睥我一睥話係細路面前唔好亂講野。我心神一盪，當年最冧佢呢一睥，睥一睥我就咩都應承佢架啦。咁多年無見，兩個人傾下講下當年，話晒同佢有成十年的愛慾交纏，如果唔係阿媽反對，話唔埋就娶左佢啦。
食完車佢返屋企，佢兩母子坐後座等小朋友訓下覺。就快到果陣我問佢上唔上我屋企飲紅酒。佢話阿仔要訓覺。我話放低佢係你阿媽度咪得囉，佢依依哦哦都無答應。去到樓下，我話我係度等你，你安置好就落黎啦。等左佢一陣，佢真係落黎上車，但唔俾等開車走，淨係想靜靜地傾下計想當年喎。於是佢就挨住我膊頭係度傾計。傾左大半個鐘，佢就話要走啦。呢尐位梗係要黎個深情對望先啦，正所謂對望5秒以上會有事發生。果然，望望下就打左個大車輪。我以為可以車震，點知佢車完就推開我光速落車⋯⋯
開車回家途中，老婆仔又打電話黎check 位置。話同朋友食完飯返緊屋企。佢都無懷疑。心想無下文係好彩定唔好彩呢？
