相信今次係我最後一次做樓主。之後,我繼續忙我工作、生活、同專心去錫呢位女主角。
仲記得,Soso出現既時候,剛巧我又係做樓主。佢呀,當時都算矚目既。我跟得唔足,印象中呢個女仔因為識跳Pole Dance牽起過一陣小哄動。
12月某一個晚上,忽然諗起佢。好奇心發作,PM左。搲爆頭都諗唔到開場白。不如簡簡單單,直接問佢Wechat。
「Hi!你有無Wechat?」
「有呀,做咩?」
「有無興趣加多個朋友?我ID……」
「乜你覺得我好多朋友架咩?」
我仲係度諗緊點覆既時候, Wechat訊息響起︰「請確認朋友邀請」
就係咁,我地既故事開始。
無期望無失望,我用朋友既態度同佢傾。咩都講一餐。講下操又講下自己,間中又輕輕寸下對方咁。如是者,慢慢傾出感覺來。那段時間,開始習慣Soso在Wechat陪住我工作,而我也開始期待佢既訊息。另一方面,我也開始收她的福利照。佢話,只係同我分享修身既成果。我都係以呢個心態去欣賞,但對住佢既福利照,我仍然不禁讚嘆。南半球下既馬甲線人魚線,唔係講笑。
「喂喂!你想唔想知道我咩樣呀?」我收到佢呢個訊息即刻醒一醒!佢……係咪對我有好感?我……係咪要主動D?另外,也證明左我唔係外貌協會,傾左咁耐,傾到佢想主動俾樣我睇。我努力抑壓緊張同興奮,淡淡然回左一句「都好丫」。跟住就收到佢張相。之後發生過咩事講過D咩我都係唔太記得,因為開心同緊張己經令我頭昏腦漲。睇來我都開始鍾意呢個人。
第一次約會,我地係去睇戲。其實睇戲之前,大家都已經向對方表達左好感。所以對於第一次約會十分期待。我到佢屋企渣電單車載佢去圓坊。可能佢未坐慣電單車,路上佢在我後面一路攬得好緊,我希望佢可以以後都攬得咁緊。
由停車場行去戲院有段路。我地一路行一路傾計。始終初次見面大家都好守禮,唔知以為我地唔識只係行同一條路。傾到某一個位我見到佢有D眼濕濕。我心諗,死就死啦最多俾人刮一巴同埋浪費左兩張戲飛架啫……於是輕輕截停佢錫落佢雙唇。佢無反抗不特止更將雙唇向我迎過來,於是我地企埋一邊擁吻。又一輪頭昏腦漲。只覺得佢條腰好幼,同埋成身軟綿綿。
睇完戲,食埋宵夜,就送佢返屋企。送到屋企樓下,佢話佢星期五放假,中午一堂Pole Dance,夜晚考試。咁我地就約左星期五再見。
好唔容易先等到星期五。我在跳舞學校接Soso落堂,就去左開房。其實呢一Part我諗左好耐點寫,但始終寫唔出。只能夠話我十分滿足,同埋佢果塊泛紅既面頰同埋呻吟聲令我更落力。
兩個小時既溫馨完結,我同佢食埋晚飯就送佢去考試。
「考試加油!諗住我輕鬆過關。等你好消息。」 (2018-1-5 7:55PM #1312)
「就係諗住你,所以Routine跳錯晒。不過都Pass咗」 (2018-1-5 9:55PM #1325)
「Proud of you
」(2018-1-5 11:34PM #1335)
繼續吹水