第七十章．是福是禍?
Joan同Cindy都嚇左一跳，以為佢聽到晒佢地講嘅嘢，點知Thomas笑笑口:「你地幾時變到咁好傾架。」Joan即刻扮輕鬆話:「我同Cindy傾下之前喺董事局定左嘅決議，應該點樣安排會好啲啫。」跟住反問:「你做咩入黎唔敲門先?」Thoams話:「因為我想畀啲驚喜你。」喺背後攞左一枝粉紅香檳。
Joan同Cindy都輕一口氣，Joan接過香檳一睇:「嘩，Dom Pérignon玫瑰香檳，好嘢嚟喎。」Thomas微笑:「識貨，不過香檳我唔係好啱，送畀你飲。」Joan扮開心:「我啱呀，多謝晒你。」Thomas話:「唔使客氣。」轉向Cindy問:「你點呀?同Joan合作得好唔好?」Cindy話:「冇問題呀，你地都係好老細。」Thomas又微笑:「噉就好嘞，唔阻你地傾嘢。」
Joan等Thomas出左去之後，用眼神示意Cindy去門口睇下佢係咪真係走左，Cindy行埋門口，輕輕開門瞄出去，見走廊都冇人，就轉頭對Joan搖搖頭，Joan點點頭，Cindy就閂返道門，行返埋Joan身邊:「噉我要報告...」
Joan忽然掩住佢個口:「唔好咁快住。」指一指枝香檳，Cindy點點頭，Joan喺張紙上面寫:香檳嘅錫箔好似畀人開過，枝香檳可能有偷聽器，Cindy再點點頭:「噉你要快啲決定嘞，要報告返畀董事局知架。」Joan話:「我知嘞，開枝靚香檳飲下先啦。」撕開錫箔，扭開鐵箍，果然見到個木塞微微裂開。
Joan根本就唔信Thomas會咁好，無端端送枝咁名貴嘅香檳畀佢飲，當中一定有問題，所以Thomas一走，佢開始仔細檢查枝香檳，終於發玩塊錫箔有被開過嘅痕跡，懷疑個木塞被暗中裝入左偷聽器。
Joan輕輕拔起木塞，倒左兩杯香檳同Cindy一齊飲，Cindy話:「真係未飲過咁好飲嘅香檳，不過我要出返去整理文件。」Joan話:「好，一陣入返黎飲過。」Cindy出左Joan個辦公室，即刻行入女厠，睇過厠格無人就打手機畀楊督察，跟住傳個訊息畀Joan: 楊sir會親自帶隊去搜舊廠房，叫我留意住Thomas，你留喺辦公室，直到我返黎搵你。
幾個鐘頭後，Cindy打手機畀Joan，叫佢開電視睇突發新聞，順便辭職，Joan一開電視，就睇到新聞報導警方搗破左一個製毒工場，而個工場係屬於某集團名下物業，重拘捕集團主席Thomas，懷疑佢係毒品集團話事人，又喺佢辦公室同屋企搜到一啲文件，冇幾耐警方正式控告佢製造毒品，販賣毒品，身為製毒集團主持人等罪名。
由於Thomas被拘捕又唔可以保釋，Joan召開緊急董事局會議，商討集團主席一職嘅安排，最後經董事局一致同意，選第二大股東嘅Joan成為暫代主席，直到Thomas件案審完為止，Joan當然好開心，終於達成心願坐上主席之位，不過集團股價受呢件事影響而下跌，集團嘅健康飲器重紛紛被迫下架。
佢瞬即召開記者會，澄清Thomas所做嘅一切只係佢個人問題，同集團所有職員完全冇關，遲啲重會考慮向佢因為捐害集團名譽而追討賠償，亦保證集團出產嘅健康食品絕對安全，所有含有毒品嘅健康食品已經被警方消毀，證監會經調查後接受佢嘅解釋，決定唔會要個集團停牌。
Newton喺屋企上網，睇到Joan召開嘅記者會有啲無奈:「佢終於得到佢想要嘅嘢。」Mico同行埋佢身邊:「唔好理佢啦，可能係天意。」Newton攬住Mico:「或者係啦，所以我都對付唔到佢。」Mico好嗲話:「噉你對付我囉。」開始除衫，Newton笑笑口:「我最鐘意對付女人。」
Joan開完記者會，打手機畀Eric，叫佢上自己屋企慶祝，而且諗緊點樣氹佢將啲股份轉晒畀自己，Eric上到Joan屋企，首先好正式噉對佢講:「恭喜你，成為集團主席。」Joan覺得佢有啲唔同左:「多謝你。」Eric微微一笑:「應該係我多謝你先啱。」Joan:「點解咁講?」Eric答:「因為你幫我對付左Thomas。」
Joan聽到佢噉講，已經估到:「你嘅意思係你早知道Thomas係販毒。」Eric點頭:「我爸爸就係因為知道佢係販毒，先至被迫離開集團，重畀佢威脅，如果敢報警，就會對我不利，後來爸爸死左，佢開始迫我賣晒啲股份畀佢，我自知對付唔到佢，又唔甘心賣啲股份畀佢，直到我參加左Lesia群組嘅聚會，期間有人提起你，我先知你好有野心。」
Joan冷淡噉話:「所以你就決定利用我。」Eric話:「其實我都係想試下你先，如果你冇反應，我就決定賣晒啲股份算嘞，點知你主動過黎同我傾偈。」Joan冷笑一下:「之後就故意畀我聽到你被迫要賣股份嘅事，引我入董事局，跟住又特登透露集團有幢舊廠房，等我諗到個製毒工場喺嗰到，睇嚟你呢個宅男一啲都唔宅。」
Eric話:「但你都得到你想要嘅嘢啦，而且拉左個毒犯，算係為社會做返件好事。」Joan忽然醒起:「咪住先，你既然可以搞咁多嘢引我去對付Thomas，冇理由你自己唔可以對付佢。」Eric陰陰嘴一笑:「因為Thomas心狠手辣，有仇必報，你攪到佢坐監，佢可能會搵人買起你。」
Joan即刻大聲鬧佢:「你個賤人，咁樣黎害我。」衝埋Eric身邊要打佢，Eric推佢落地下:「又唔好噉講，每一樣嘢都要付出代價，或者我諗多左，佢根本唔打算追殺你呢，最多噉啦，只要你一日唔死，啲股份我唔收返，你可以繼續做集團主席，成個集團任你玩，噉得嘞啩，總之就祝你好運啦。」Joan睇住佢走之後，成個人坐喺地上呆左，一時間唔知點算好...
-全文完-
後記
自從識左一個女人，令到我以Newton為主角寫左「淫妻愛接客」之後，有幸又再認識左啲唔同個性女人，畀到話題我再寫「變淫記」，「潛規則」，從而完成左Newton嘅三部曲，三個女人三個故事，結局各有不同，畀到我好滿足嘅感覺，當然故事中有真有假(以假嘅居多)，希望日後再識到其他唔同職業嘅女人，可以繼續寫Newton嘅第四部曲，再同各位網友見面。
[
本帖最後由 netsee 於 2019-1-22 02:03 AM 編輯 ]
