第六十四章．收兵
Joan收到Eric打黎嘅手機:「你有冇睇過Lesia個廣告呀?」Joan答:「有呀，拍得佢好靚，健康又性感。」Eric好嬲話:「唔係，佢係自甘墮落，佢已經唔再係我心目中嘅女神。」Joan故意刺激佢:「你唔當佢係女神佢有咩所謂，仍然有大把男人喜歡佢，而且人數可能比以前重多。」
Eric喺Joan手機裡面大喝:「唔得!」Joan畀佢嚇左一跳，仍然安慰佢:「你唔好咁激動先。」Eric跟住道歉:「對唔住呀，嚇親你，我一定要阻止佢錯落去。」Joan氹佢:「我知你係為佢好，佢遲早一定會畀你感動到。」
Eric又問:「噉你知道點可以搵到佢未呀?」Joan答:「已經托人查緊，一有消息我會即刻通知你，你唔使擔心。」其實Joan係有心要拖耐啲，等Eric對Lesia嘅不滿繼續加深，直到失控為止，就更加大機會可以成功對付Lesia。
自從Lesia喺Audree集團成為女神之後，Joan就搵私家偵探查過佢，所以早已經知道佢出自名門，重曾經喺Newton間娛樂公司試過鏡，之後就黎左Audree集團做助理，Joan清楚Newton同Audree嘅密切關係，只要係Newton開聲，Audree一定會答應畀Lesia去佢集團返工，至於Newton安排Lesia入Audree集團嘅目的，實係要對佢自己。
Eric話:「我依家好亂。」Joan心諗:「你啲宅男真係好廢，為左個三唔識七嘅女人攪成咁。」就提議:「不如我地出黎見面，大家傾下偈，睇下會唔會對你好啲。」Eric又話:「噉唔係幾好意思嘅，嘥晒你啲時間。」Joan大方話:「唔緊要，一於噉話啦，一個鐘頭後喺某咖啡店見啦。」
佢地喺咖啡店見面之後，Joan開始主動同Eric傾偈，最後問到Eric:「你有冇試過同女仔上床?」Eric搖搖頭:「我都未拍過拖。」Joan再問:「噉你咪好悶囉?」Eric話:「都唔係嘅，我鐘意睇動漫，玩下遊戲機。」Joan故意提佢:「重有迷戀女神。」Eric耷低頭唔出聲。
Joan再故意挑逗佢:「我明嘅，你冇拖拍，又有需要。」Eric抬起頭:「多謝你。」又問佢:「噉你有冇試過叫雞?」Eric即刻好重語氣話:「我最憎啲雞。」Joan見咖啡店啲客人都轉頭望住Eric:「好多人望住你啦。」Eric改為細細聲話:「對唔住。」
Joan望住佢，忽然起左個念頭:「其實佢都幾靚仔，而且重係處男，成日畀男人玩, 我點解唔玩下男人，跟住收埋佢做兵。」就話:「唔緊要，都係我唔好。」再提議:「不如走囉，去我屋企繼續傾，就唔怕畀人望。」Eric有啲為難:「唔係幾好嘅，我未去過女人屋企。」
Joan扮唔高興:「你唔想同我做朋友，噉我走先。」起身行出咖啡店，Eric匆忙放低錢，跟住起身追出去，拉住Joan:「你唔好嬲啦，我唔係噉意思。」Joan好嬲話:「放手!」Eric放開手，再解釋:「我唔係唔從同你做朋友，只係未同女性單獨相處過，所以一時間唔知點唔知點好啪。」
入到Joan屋企之前，Eric一直都好緊張，但係當佢入到Joan屋企，四圍望下之後讚Joan:「你屋企設計得好正，簡單得黎又細緻。」Joan一笑:「你都好識欣賞靚嘢喎。」Eric聽到Joan噉講之後好開心，成個人變得冇咁緊張:「多謝你，從來都冇女人讚過我。」
Joan問:「你重想唔想飲啲嘢?」Eric搖頭話:「唔使啦。」Joan話:「噉你隨便坐下，又或者參觀下我屋企都得架，我入房換件衫先。」Eric睇住Joan轉身行入房，坐坐下覺得無聊，起身喺客廳周圍睇下，無意中行到Joan間房門前。
佢見房門微微打開，怕Joan唔知發生左咩事，好輕手噉推開道門，竟然見到Joan全身赤裸背對住佢，企喺塊全身鏡前面撫摸自己個身體，佢從鏡中反影睇到晒正面全裸嘅Joan，當堂心跳加速，唔敢發出任何聲音，輕輕閂返道門行出客廳，好靜噉坐返喺梳化上。
過左一陣，Joan著住T-shrit同埋短褲喺房行返出黎，Eric望住佢露出嘅一對雪白嘅美腿，而且重睇得出佢冇帶胸圍，胸前兩點好明顯凸出黎，兩塊臉開始有啲紅，Joan坐落佢身邊，佢即時聞到一陣體香，Joan望住佢:「你做咩呀?唔出聲嘅。」又伸手摸佢大脾...
