"今次見到你有用心寫",唔通米兄覺得我上一篇無用心機??:') :') :') [/quote]嗱，即係咁，小弟呢，一見到「雞巴」呢兩個字，就 automatic 咁 out 嗰篇文既。。咁你明啦 ( 所以去到「雞巴」出現就停睇離場 ) :smile_27::smile_27:
而家聽到你咁講，就迫自己睇多啲，但仍係投入唔到。。論「心機」，嗰篇仲多「心機」，但要分清楚用「心機」，跟用「心」係有分别啊~
另外，你上一篇投入重點，係點「玩」A姐，即使能帶讀者到投入，亦只是一齊玩A姐，而「玩」法更非人人能 buy，所以市場好窄。今次，你投入社工，帶出扭曲家庭狀况，讀者感受到。。呢份「感受」，就係「heart」囉，明白分别未？

Tai 師兄你文筆底子其實很好，心術找啱方向，可以寫出好文，留意呢一點吖，一定會吸引更多讀者，加油

[ 本帖最後由 米高達 於 2017-11-26 09:01 PM 編輯 ]

明的,以小弟理解如果客觀來講,兄台所講"用心"既題材,應該就係貼地....
因為貼地就係貼近生活,咁讀者先容易有感受....不過,我大學同學講過我份人
真係好宅,好唔貼地,可以話幾活係自己理想世界之中,所以寫貼地題材既文,
我反而未必寫到咁多
:smile_35::smile_35::smile_35:

說到<A姐>個POST,我係果便都有講過,其實佢係為左我個人趣味而寫
所以某程度講,點擊差一點都係預左....

記得以前都有人同劉兄討論過,作者應該先考慮自己想寫既題材,
定係觀眾想睇既....如果無記錯,劉兄係話如果為左自己,咁就同打飛機無異
不過我自己既睇法係,如果個題材係個作者自己都唔想寫,咁點會寫得好??

睇上去我好似放棄治療咁,但其實唔係架....小弟係入學之前,
100%係寫強姦虐待文;06年入大學之後,可能受環境勳陶,叫開始關心人文社會;
09年開始題材真係貼地左好多....好似家政婦(鐘點),包租婆,個仔既奶媽
公園流鶯,保險女經紀等等,社區妓女族群都寫左幾篇

其實我係有去令自己"貼地"D,有去了解場主流題材,有咩吸引之處....
事實上咁多年下來,我係明顯睇到自己改變(雖然係慢左少少),但我既重點係,
我要先了解同欣賞佢地既好處,而唔係純市場導向咁,
將自己既寫作變成工業式生產!!

SORRY,可能寫多左少少....不過因為前後實後太多人,提議過我轉變寫作方向
所以想講清楚自己既唸法同堅持

Tai兄，網上貼文，對我來說，其實只係一處為興趣去作練習的地方，所以我和你一樣，只會寫自己想寫的，而我係喜歡將自己想法，以一個故事形式去表達，有起承轉合、高潮起伏，當然要有埋人物刻劃等等，真係太多太多技巧要練習，如果連自己有興趣嘅都寫不好，試問又邊有閒情去摸索讀者喜好？
個人覺得，又唔係出書，冇商業因素考慮，最緊要係，每一篇用心寫好就得，Tai兄，繼續吧！

「感受」確係重點和較果，不過「用心」既意思，唔係「題材貼地」，Tai 師兄誤解了，嘻，不過「空杯效應」下，師兄的「心底」話，又流露咗出嚟，等自己了解多啲自己，未嘗唔係好事

我所想講「用心」的意思，是寫手用心去投入角色，完全咁「 融」入角色，( 又或者以角色完全咁「帶」出筆者感受 )，以角色去完全表達出自己感受，我稱此「境界」為用「心」。當然做到呢點，除筆功外，仲有人生經歷，靈感，同體會他人啦

用另一方法去解釋，就如一個「歌手」，唱功，聲音，都係後天跟先天的努力同天份。。但若歌手有過經歷，將經歷的感受投入歌中 ( 我所講既用「心」)，咁聽者，就會被呢股「心」打動，甚至牵動出自己心中感受，所以有好多人唱到喊，讀到喊，就係呢股投入的心「心」嘞。

我又指出另一例子吧，早前文迪師兄寫咗少有既一集過短篇：「念」，就有此用「心」既較應嘞。若果你只去睇個故事，其實亦好簡單，兩個本來勾心鬥角的人，因某次，因情况，觸摸到內心深處，從新由另一角度去將本來惺惺相惜的，由負面成為正面，再來一個「公整」的完美結局，很多人都喜歡了這故事 ( 即使未必每個讀者都共鳴到有絕症既朋友 )，然而。。為何篇故事取名為「念」呢？因為好似跟故事本身扯不上大關係。但因為文迪師兄該篇作品，用上了「心」去寫，而嗰股「心意」，係一股「念」意，而我可以由文筆及故事中感受到，其他讀者亦或能感受到那股「感覺」(即使未像我如此的「分析」和尋根。。呢類「分析」係我個人特别既喜好 )，所以係超越平常的好文。

而你呢一篇，每一個角色所講出既對白，都有嗰個角色既「特性」帶出( 亦即代表咗你寫時將自己投入該角色中，入咗戲 )，除咗最尾兩句我已經提過，另外一點你講出一個嬰兒在這種環境下長大，將會變成點，其實亦由其阿哥阿姐身上作答咗，我都好喜歡呢個映射，及故事重點。。仆街阿媽係「因」，fuck up 仔女係「果」。。成為故事主幹。所以今次我咁睇好你呢篇，而家明啦

這類用「心」文，聽落好似「離地」/「高深」，其實唔係既，仍然係嗰句，「手寫我心」，純啲真啲誠啲，文由心發，同 channel 者，自然能感受到。

至於寫文為乜，以我哋呢啲無錢收既興趣寫手，當然係為興趣啦。。興趣係乜咪寫乜囉。而師兄早年100% 強姦或虐待文。。嘻。。師兄能脫離呢100%，是好事。而我，則喜歡寫啲「共同回憶」性幻想，因容自己 enjoy 之餘，易帶讀者投入。。例如我相信每個男人，都有個「朋友的家姐」，或鄰居係想 do，同J 靶既。

唔好意思，我啲覆都好長，但你呢檔嘢横掂無續習，就當係色文硏究討論啦 :smile_o13:

真係估唔到小弟少少心情自述,肯尼兄會咁有認同....真係好鬼開心!!

不過話說回來,我其實唔係100%覺得劉兄講既野係錯....
就好似我上面都有講,我早年係100%寫強姦虐待文,如果我果時就"堅持自我",
咁又會點??

我同意人係需要進步,亦需要有呢種自覺,但係等唔等一味媚俗(市場導向)??

所以有時見到有D新人,話作品太少人睇,係咪要改變題材路向,
我真想講你係新手,係文筆,鋪排,情感等等各方面,其實仲好有進步空間....
就好似你學左跆拳道半年,訓練又唔算太勤力,參加自由搏擊,
輸左比個三年柔道,就話跆拳道癈,要改練柔道一樣....如果唔關注功底,
而只想取巧,我覺得反而先係走歪既開始

上面果段好似己經UP過幾次勒,可能因為本人本身老土拉,不過都係小弟真心話

另外,小弟會係2018年1月1日出一篇文,但係E+爭扎緊附唔附圖好....
不如肯尼兄比下議建丫

Tai兄，附唔附圖，就隨心啦！
對我來說，創作唔應該有束縛，如果呢篇想有圖，咪貼喎，人家睇完鍾唔鍾意，貼前係唔會知，最緊要認真做就得勒。
Tai兄嘅比喻，我好認同，而米兄所講嘅，我更是從心裡贊同。
寫作好玩之處，我覺得其中之一，就係可以代入自己所設定嘅角色，幻想在一個情況下，佢會點面對？佢會講乜？又會做乜？當自己深入咗之後，就有種感覺，原本應該係自己掌控整個故事，但又好似變成被自己創作嘅角色帶領住，呢種感覺，可以令我一整天，都成為故事裡嘅人。
文迪兄那篇“念”，我之前都有睇，好有觸動，我記得篇文應該唔長，Tai兄可以找找看看，唔睇係損失㗎

肯兄講得出呢番話，筆者投入角色，角色帶動筆者，就知你完全體會到寫文之樂啦。我未寫之前，都唔知原來可以咁正，覺得能讀到一本好書，已好過瘾，但原來若自己能「控制」到，其過瘾之處，更是深一層。仲末講及其他「滿足感」，如酒逢知己般的共嗚，又或想do邊個，點do法都可以嗰種「精神滿足」，哈哈 :smile_o01:
而當寫到「投入感」到某一地步時，自己只能帶動大方向，細節則由靈感主導，往往連自己都驚喜咗，寫完後回望，自己都唔相信自己出到某段文，因為唔係由「腦」去作出，而係由「心」去舒寫出，正！

所以其他新手們，唔好因其他人講法，去剋制自己既「創意」，筆功技巧需要練和睇，但創意則由筆者的本心而來，希望呢類分享，能吸引和帶出更多想試寫文既人，分享呢股樂趣，同更多好文交流

[ 本帖最後由 米高達 於 2017-11-30 06:14 AM 編輯 ]

唔....如果米兄所講既"心",重點是在"投入"二字,咁其實呢篇,
又唔係小弟寫得最投入既文喎....我最投入既,可能反而係D露出調教文(不過唔係A姐)
當然,如果係指令讀者投入,咁又唔同一回事
:smile_47: :smile_47: :smile_47: :smile_47: :smile_47:

講返呢篇文,首先多謝米兄既讚賞先....不過,我唸個故事大綱果陣,其實無唸得咁複雜
我只係想將一個人渣家庭既荒旦,盡量平實唔跨張咁寫出來....
咁當然要有家庭既各個成員拉;而一個人渣家庭,自己未必唔會覺得自己有問題,
所以我用女社工為切入點

當中既對白,阿蓮既行為,都係為左豐富呢種"荒旦"而服務....其實我自己覺得最正既,
係阿蓮既心態,佢當D仔女係呃綜援既工具,為左D綜援既錢,佢唔理個女既將來,
我覺得如果係呢一點,震撼到讀者,咁絕對會係我最大既成功!!

其實小弟之前係個左派青年,反精英,支持社會底層....但係人大左同出左社會,
開始覺得社會底層除左"剝削論"之外,其實有其唔少自身原因,
尤其係睇左兩個電影簡介,同一個資訊性既名嘴節目後,我先建構左一個社會底層既畫面
亦係我寫呢篇既重要原因....如果有人有興趣,我都會分亨比大家

(註:這裡講既社會底層唔係只基層,而係靠福利為生,或者自我同社會主流孤立既果群人)

講到米兄既"共同回憶",其實早期我好抗拒呢種題材....可能果陣年紀仲細,
有少少思想潔癖,覺得如果寫班主任MISS,女同學等等,好似對一個人親近既人有邪念咁
好有罪惡FEEL
:smile_47: :smile_47: :smile_47: :smile_47: :smile_47:

E+人老左咩都化拉,我E+甚至唔排除,會出買我初次暗戀對像,以佢為原形出文...

呢篇文最令人震撼不安，係讀者知道，所寫既，係事實，只係很多人平時接觸不到。Photo journalist 就係做呢範嘢，用圖畫去寫實，而師兄今次用咗文字去寫幅圖畫咁囉，話過你文筆係有根底，( 若果你無心插柳 )，撞棍都撞得好入 ( 講笑咋 )，靈感呢樣嘢，往往連自己都估唔到

咪講笑啦，你「有少少思想潔癖」:smile_30::smile_30:「共用回憶」，容易勾出共嗚，就容易令人投入吖嘛。。期待你出買初次暗戀對像 :smile_47::smile_47:

哇,竟然把麥當雄社會系列既<癲佬正傳>來比喻小弟既作品,簡直係畢生榮幸!!


其實小弟係83年生,呢D經典作品我都係係五六年前,上網找回來先睇到,
除左秦沛,最經典應該要數發哥果段....個白頭佬講果段我仲好記得:
"你可以怪我救唔到佢地,但你唔可以話我無盡力!!我同個女仔(發哥老婆)老豆講,
唔好比個女跟發哥,佢就話唔緊要,我個女都傻既;佢地結左婚,我叫佢地唔好生仔,
結果佢地生左,仲要兩個....我同佢地講,叫佢地比對仔女保良局照顧,佢地又唔肯
....咁你話,我仲可以點做??"

佢果陣想幫弱勢,但顯得力不從心既無力感,真係好正....我唔想痴佢金糠咁講,
我係有心借鑑佢,而且我寫果陣無唸起呢段....不過我唸係女社工身上,
應該也有少少白頭佬既影子吧