第五十七章．告一段落
Danny嘅原意本來係等Newton聽日黎交贖款嘅時候捉埋佢，連同Carina一齊迫Coral交返個集團出黎，所以一直喺廢屋思考點樣可以捉到Newton，忽然間佢聽到有腳步聲，就順住啲腳步聲從窗口望過去，竟然見到Newton行緊過黎。
佢估唔到Newton咁夜會到，唯有將計就計，故意坐係廢屋扮瞓著，其實手握軍刀，諗住引Newton埋去睇佢，佢就可以用軍刀制服Newton，點知Newton只係喺窗外望左一望就唔理佢，反而先去搵Carina，佢先迫住要現身。
Newton枝木棍有三呎長，先擊中Danny個鼻樑，佢痛叫"呀"一聲，個鼻頓時流血，Newton再揮動枝木棍，打跌佢手上把軍刀，再順勢反手一棍打落佢膝頭度，成個人即刻單膝跪喺地上，Carina想衝埋去摑佢一把，Newton攔住Carina:「唔好理佢啦，我地走啦。」
呢個時候，兩道手電筒光射入黎，有人跟住行入廢屋問:「係咪Newton呀，我地係警察。」Newton即刻話:「我係。」發問嗰個人係一名督察，另外重有三個警察喺佢後面，個督察見Danny跪喺地上，吩咐手下拉佢起身，佢不停話:「我係集團主席，你地夠膽拉我...」
個督察又同Newton講:「麻煩你地都去警署落份口供。」Newton就抱住Carina行返架車，然後先車佢返屋企，返到Carina屋企，Newton見Carina身上啲傷痕:「辛苦你嘞。」Carina喊左出黎，Newton攬住佢安慰左一陣，再幫佢整理好儀容先去警處落口供。
喺警署Carina將點樣畀Danny截停，再畀佢捉去新界嘅過程講晒出黎，但係就隱瞞左畀佢強姦嘅事，而Newton就交代返自己去廢屋到同Danny先襲擊佢，然後佢還擊嘅事講畀警察知。
佢地落完口供之後，Newton問個督察:「我想知係咪Coral報警架?」個督察話:「係，跟住交左畀我地新界區警署接手，我地根據佢畀嘅地址搵到去，去到嘅時候，好遠就見到有一個人走向你地嗰間廢屋，我地就即刻跟住佢趕過走，另外，我地亦都搵返Carina架車。」
原來Newton準備要去廢屋搵Carina嘅時候，先通知左Coral一聲，Coral放心唔落，心諗:「Newton今次又放過佢，佢一定又會有下一次，雖然佢係我阿哥，都唔可以畀佢沒完沒了噉攪落去。」攞起手機打畀律師，陪佢去警署報案，重透露綁架嘅人曾經要殺佢。
Danny最後被裁定綁架罪成立，但係經精神科醫生斷定佢精神失常，法官鑑於佢有殺人傾向，判佢
無限期醫院令，送入小欖精神病治療中心接受監管，所有有關嘅人聽到呢個判決之後都覺得有啲唏噓。
「真係估唔到會攪成咁。」Newton去Audree屋企，講返Danny件事畀佢知，佢感嘆:「嗰個重要係佢大哥。」
「雖然佢好似好狠心，親自報警去拉佢大哥。」Newton解釋:「不過我知道佢嘅決定係為大家好，否則佢大哥一定會繼續糾纏落去。」
「嗰次喺晚宴Coral已經放過佢。」Audree無奈話:「估唔到佢始終都係咁執著。」
「係呢，個衰仔最近點呀?」Newton忽然問起Jason:「我都冇見佢一排。」
「佢最近上過公司搵我食飯。」Audree答:「重好似想溝Joan。」
Newton只係點點頭但係冇出聲，Audree見佢唔出聲:「你係咪有咩問題?」Newton話:「我對Jason溝女冇問題，但唔明佢點解要溝呢個女人。」Audree又問:「你怕Jason畀佢呃?」Newton就話:「佢機心太重。」
Audree微微一笑:「你放心啦，就算Joan幾有機心，Jason講到明話只係玩下，唔會認真，而且佢係你徒弟，你應該對佢有信心。」Newton仍然表示顧慮:「Jason對女人係已經好有心得，但係我始終有啲唔係咁好嘅預感。」
Audree安慰佢:「最多我睇住佢，佢點都攪唔到啲咩出黎。」Newton唯有笑笑口話:「噉等我搞啲嘢出黎畀你啦。」伸手要除Audree啲衫，好快已經將佢身上所有衣物除清晒，展露出佢優美嘅身體。
[
本帖最後由 netsee 於 2017-11-15 10:33 AM 編輯 ]
