今次月事失調, 差唔多成兩個月先來…更新.:smile_22:
公事(打份牛工)私事(湊兩個...唔...三個女)呢排都繁忙,好一排冇上過來, 唔知大家走晒未?
望各位多多包容, 繼續支持繼續係度吹吹吹…
有時有幾分鐘空閒比我發下白日夢, 都會諗下黎緊係度寫咩好.
不如今次就寫下舊屎…舊時既一啲小事, 或者唔太鹹, 希望你地都OK啦.:smile_13:
我同老婆讀書時其實係同班同學. 入學之初我地已經係成日約埋一齊食玩溫書岩傾個group.
咁當然我地唔係一開始就撻著啦, 首先一開始其實佢有男友, 其次我對佢係冇野,第三佢唔係突出. 係, 一開始通常都係膚淺的…
過左大半年, 佢發現左男友有第三者, 而佢就開始成日搵我呢個好人傾心事,或者佢見我正正常常乖仔單身但又唔四圍撩女仔溝女…
若談樣子不會叫好
不算最討好
但我的內在美不夠味道
那足以自豪
談為人當然好
雙手也好抱
無奈獨有伴侶問前路……:smile_15:
慢慢地, 我地係個group裡面變成最friend個兩個,好傾得, 有時又會兩個人去食去溫書去行街. 不過個時佢同佢男友仲係藕斷絲連…用依家既詞彙去形容,比人既觀感我個時應該係一個兵...
無人爭奪我
無人關懷是誰大平賣親和
平凡像我路過十個似我
情敵實在太多
天都不理我
令我想清楚
感情是來自由弱者
所寫的悲歌
事實上為什麼不拍到拖
說穿了我不美
信我……:smile_39:
佢同佢男友既關係, 我同佢咁友好既關係,都維持左好一段時間.
呢段時間裡面, 我地真係咩都傾得, 佢同佢男友既問題,我戀上左我師姐既笑話, 我尋晚做咩來…
雖然到後期我對佢真係起碼有少少好感(到而家都仲死要面? 哈哈), 不過我都係冇行動,直到…
讀書呢啲咁青春自由開心既時光, 梗係好多活動架啦.
有一次就同另外一個本身識但係唔熟既女仔叫套套…呀…兔兔, 參加左啲咩咩領袖訓練營.
(回想起來個活動其實唔錯, 唔係時下個啲精神轟炸高壓領袖訓練營,而係真係活動當中玩teamwork個啲)
個活動主要就係唔記得一晚定兩晚既露營來既. 咁一去到成幾十人三唔識七, 自然就搵啲識既埋堆team up啦(我認我係怕醜仔…
), 我就同兔兔走埋左同一team.
PS: 咁耐冇見咁多位板友, 決定開心share一張相啦, 有緣相見, 無緣下次啦
https://drive.google.com/open?id=0B7jTgg4GhuEWckRFRzNJNXViRVU
