淫妹日記 (十九) - 以身報恩
第二日, 因為我啲手腳仲係好痛, 所以我就打左電話番公司告左一日病假, 我自己去左屋企附近啲醫務所度睇醫生, 睇完醫生之後, 我就諗住再去買啲野番屋企食, 經過一間鬼佬餐廳嘅時候, 我無意中望吓餐廳嘅入便嘅時候, 咦, 果個咪就好似係呀 Mark 黎嘅?
我見呀 Mark 一個人坐住響度發吽逗, 而我亦靜靜企左響餐廳出便凝望住佢, 等左半個鐘頭之後, 我見呀 Mark 終於都好似起身埋單走人, 我縮埋一二角度, 以防一陣會比佢發現, 呀 Mark 行出餐廳之後跟住佢就向住另一邊大街方向行去, 而我就遠距離咁默默地跟蹤住佢。
我見佢行左入一幢舊樓之處, 跟住再遠距離見佢一個人入左 lift 之後, 我快步上前, 入到大廈之內我再望吓佢架 lift 到底上左去幾多樓, 哦, 架 lift 停左響 8 樓之處, 我按住 lift 掣, 跟住等升降機落到黎之後, 我再入 lift 跟住就按掣直上 8 樓。
上到樓再出左 lift後, 跟住我見有四個門口響我面前, ABCD 到底邊間至係呢? 我開始嘗試逐間聽吓屋內嘅情況, 但幾間屋內都聽唔倒有啲咩聲, 我再行去 D 室門前, 我正想哄埋度木門聽吓入便嘅情況時候, 木門突然打開住。
我見呀 Mark 無著上衫揸住一袋垃圾咁黎望住我, 而我亦比咁突然嘅情況嚇左一跳, 「呀…..Mark…., 咩原來你係住響呢度架!」 呀 Mark 亦呆左一陣之後, 跟住佢就開始同我講, 「入黎坐低先講啦!」
屋內, 我同呀 Mark 正坐響梳化之處, 呀 Mark 點左一支煙咁問住我, 「做咩妳會知我住響呢度架?」 我講左頭先響街無意中見倒佢嘅事出黎, 跟住我再見前面張矮枱上放住幾支止痛膏響度, 我知呀 Mark 佢尋晚真係受左傷, 「呀 Mark, 對唔住呀!」
呀 Mark 依然係好 cool 咁無出到聲, 我望吓屋內四周, 見到另一邊柜頂上放左啲相架響度, 我起身行去望吓啲相, 哦, 相入面見呀 Mark 同另一個黑人女人正好親密咁一齊合照, 我問住呀 Mark, 「呀 Mark, 呢個係唔係你太太黎架?」
呀 Mark 望住我, 跟住佢就同我講, 「佢係我老婆, 不過我地幾年前就已經離左婚架嘞!」 我有啲惋惜嘅感覺, 而我亦好似開始明白呀 Mark 嘅處境同心情, 一個失婚男人毅然離鄉別井咁去第二個地方度搵食同生活, 孤獨嘅心情亦令佢平時變得比較沉默寡言。
我望住呀 Mark 依然呆坐住嘅孤獨背影, 諗番起呢個人尋晚對我嘅捨身相救, 我再問住呀 Mark, 「係呢呀 Mark, 尋晚點解你會知我比人捉左上車嘅?」
呀 Mark 背住我咁講, 「之前我泊車果陣, 見果個女人同果幾個男人一齊傾緊偈, 但我睇得出果幾個男人唔似係好人, 原本我都無理到佢地, 但跟住我行番出黎大街嘅時候, 就見妳同果個女人一齊過緊馬路, 我有啲好奇, 跟住咪就睇吓到底妳地一齊係會去邊度咁囉!」