我相信你來港找男朋友是真 而在網上結識了那個男人找是真的 而那個男仔是有老婆的 但你很愛他 為他留香港 應該這些是真的
而你做會計 上司是你男朋友的妻子 這些應該是作的
Right?

我係做會計架，無錯——＞上司是你男朋友的妻子 這些應該是作的

你係從我嘅字句中感覺到？你估到Ｄ又估唔到Ｄ，不過已經好勁

網絡女作家的網戀 (二十六)  到了嗎？



翌日，返回公司如常地工作，下午 Florence致電我內線聲線平和地說：「Ling，無咩特別，有啲嘢想同你了解下嘅，你依家入嚟我房吖。」

認真地回答：「好呀，我依家入嚟吖。」

自忖工作上何處需要跨越對上倆位上司，被最高層直接召見呢？毫無頭緒，唯一感到的是彷彿暴風雨即將來臨，躊躇如何面前情敵，理虧如我，還有何對策呢？

站於 Florence 面前，虧心地視線閃避般不敢與她雙眼對望，只能看著接近她眼睛的鼻子處，膽怯地說：「唔知有咩事呢？」

Florence 在抽屜裡拿出一公文袋放於我面前跟我說：「你睇下公文袋裡面啲嘢吖。」

戰戰兢兢地把公文袋打開，看到是相片，我已再沒興趣拿出來看，正因是自己理虧，怎樣也不能否認自己是多麼的卑鄙無恥，心虛之聲音顫抖地說：「對唔住，但我真係好愛佢架。」

Florence 氣憤地說：「你都好理直氣壯咁喎，嗱，依家有兩條路你柬，一係你自動辭職即刻離開香港；一係我同外界公開你同我老公嘅關係，被所有人知道你有幾無恥，變咗過街老鼠。」

此刻閃過腦袋的只希望阻止她傷害嘉永，公開了我們的關係只會對他造成無可挽救的惡果，他的前途就此完了。有什麼比嘉永的前途及人生更重要？不需作出任何考慮的姿態倔強地說：「唔駛講，我辭職。」

Florence 像鬆了一口氣般地說：「你响呢封信度簽個名就得架喇。」

我著手立刻簽了這辭職信，並說：「無咩嘢，我依家走喇。」

Florence隋即半嘲諷的叮囑說：「都總算你唔係一個無人性嘅人，仲識得顧及我老公嘅前途，如果你唔辭職，我係有辨法令你知難而退嘅，依家唔駛我出手令你比死更難受就最好啦。仲有我先唔會咁蠢將自己屋企嘅醜事張揚出去，咁做我都會無面囉。」她那冷笑的臉容到今天我也無法忘記。

[ 本帖最後由 大文細佬 於 2017-9-15 04:10 AM 編輯 ]

網絡女作家的網戀 (二十六)  到了嗎？　Cont'........



返回辦公室告訴 Alyssa：「我辭咗職喇，唔好意思唔可以繼續幫你做嘢。」

Alyssa 驚訝地：「咁突然嘅，你同邊個辭職？唔比信我先？唔好話比我聽係佢呀？」

我無奈地說：「係呀，佢發現咗，要我即時辭職返美國。」

Alyssa 安慰我說：「傻妹，其實咁樣嘅結局對於你嚟講係最好架，個男人唔會比到幸福你架。」

我對自己跟他這個家庭的關係腦內一片空白，現下只可答謝這數月來上司對我在工作上的教導，跟上司說：「Alyssa，呢幾個月嚟你對我真係好好，你教識好多香港會計上嘅所有運作，我諗我暫時唔會再有機會跟你學習架喇，希望下一個新人可以幫到你手呀。」

Alyssa 眼泛輕微淚光地說：「好下屬可遇不可求，睇嚟都有排先搵到個咁smart 架喇。」

我也被感動了：「我先至好難搵到個咁好嘅上司就真。」

Alyssa 擁抱我一刻：「傻妹，保重，你返到美國屋企 whatsapp 我繼續同我聯絡吖。」

Alyssa 觸動了我情緒，無限感激地說：「一定會」


收拾所有私人物品後，離開房間，沿途同事們不明所以前來慰問何事，我告訴他們家有要事需要回家辦理一段時間，所以來不及通知大家。


～～待續～～

[ 本帖最後由 大文細佬 於 2017-9-13 08:15 AM 編輯 ]

是呀 感覺到
同埋感覺到你很投入去愛一個人

嘉永應該成日去偷食，所以老婆先會咁快知道

上司手段高明，心計非常

睇來結局都係sad架喇

愛通常盲目，btw 响美國嘅係大部份真事，香港大部份純屬虛構

呢層？？？