淫妹日記 (十八) - 我的救命恩人 – 呀 Mark
貨 van 繼續向前高速駛住, 但突然架貨 Van一吓急剎, 揸車個男人即時就大嗌, 「x 你老母, 成架車就咁剷住埋黎都有嘅!」 另一個男人就講, 「而家唔好搞咁多事, 退後架車避左佢就算!」
貨 van 開始快速後退, 但突然, 車頭響起一聲巨響, 我瞄到成塊車頭玻璃經已被轟至粉碎, 幾個男人見到咁, 即時就攞住啲疊球棍同鐵筆就衝左落車。
反手被縛住嘅我, 正忍痛爬起個身望吓車窗出便, 我見到呀 Mark 呀, 真係呀 Mark 佢黎架, 呀 Mark 佢居然用架私家車打橫黎閘住響我地架貨 van 前便, 見佢已經行緊埋黎我地架車嘅方向, 但幾個男人已經衝到埋去呀 Mark 身前揮棍就打。
我睇到好驚, 但見呀 Mark 一閃一避再一拳兩拳就打埋去啲男人度, 我見已經有兩個男人瞓左響地度唔郁得, 嘩, 佢地塊面流緊血呀, 我正慶幸呀 Mark 咁強桿之時, 一支疊球棍突然好重地咁響呀 Mark 個背脊度打左落去, 嘩唔好呀, 「呀 Mark…」
我嚇到嗌住出黎, 但好快, 呀 Mark 已經火速轉身再一記重拳就打到偷襲佢果個男人撻左響地度, 呀 Mark 繼續再同餘下嘅兩個男人博鬥緊, 但見果兩個男人似乎亦非等閒之輩, 見呀 Mark 被佢地夾攻之下亦不時中拳受棍, 但呀 Mark 似乎愈戰愈勇, 跟住見佢奮勇地再幾吓重拳之後, 繼而就將呢兩個男人徹底制服。
五個男人已經倒地不起, 呀 Mark 開始行到黎呢便打開住嘅車門再幫我解緊身後正反縛住嘅手, 手繩已解, 我開始準備行番落車嘅時候, 「吖….」 我手臂、膊頭同小腿背後正劇痛住, 似係應該頭先比佢地捉上車嘅時候整親嘅。
我繼續皺住眉頭忍住痛楚咁行緊落車, 但痛楚實在太過犀利, 我唯有勉強就住咁一步一步地行, 呀 Mark 見我一面痛楚咁, 突然, 一個雄厚嘅身影正將我成個打橫地咁抱起住, 跟住呀 Mark就開始向住佢架車嘅方向行去。
我正緊貼住響呢一個強壯嘅懷抱之中, 一種好有安全嘅感覺正在尤然而生, 我望住呀 Mark, 一個剛捨生而奮勇地救左我嘅黑人勇士, 呢一刻我正徹徹底底感受到咩至叫做外冷內熱嘅感覺, 諗到呢度, 我已經不自控咁將個頭伏響佢個胸膛之上。
已經行到去佢架車度, 呀 Mark 好小心咁將我擺入去車上嘅坐椅度, 門關上後, 呀 Mark 跟住再行去司機位度上左車, 但見佢背脊一貼椅背嘅時候, 面上即時閃過一點痛楚嘅表情, 我知呀 Mark 頭先比人打左果一棍之後背脊應該係有受傷到, 但見佢正裝作若無其事咁開始起動住部車, 終於, 呢一晚我就有驚無險地咁就比呀 Mark 佢救離左險境。
房車終於都駛到去我嘅住處樓下, 但我就仲坐住響度, 我同呀 Mark 都無出到聲, 我有啲眼濕濕咁望住呀 Mark, 「呀 Mark…多謝你今晚救番我, 但點解你會知我比人捉左……」 呀 Mark 依然雙手握住軑盤咁望住前方, 我繼續呆望住佢, 跟住我伸手想摸吓佢受左傷嘅背後, 「呀 Mark, 你背脊而家仲痛唔痛呀?」
呀 Mark 終於都望住我, 「妳小心啲, 有人似乎係想對付妳!」 我驚覺呀 Mark 原來係識講啲唔太純正嘅廣東話, 我同佢講, 「但我都唔知係邊個做, 不過今晚好彩得你及時趕到, 呀 Mark, 多謝哂你!」
呀 Mark 又再望住前方, 我地又再靜左一陣, 跟住我就開住車門, 然後就忍住痛咁一拐一拐咁就行入大廈內嘅電梯大堂, 而身後嘅呀 Mark 亦終於都開車離去。
下章預告 - 以身報恩