女主角有難喇

係咪咁鍾意女主角被人虐待 ? 都係嘅人有以正是非之心

網絡女作家的網戀 (二十一)  尷尬的公司週年聚餐



晚宴裡，晚餐是西式的，大會指定菜式，各人細味品嚐面前的美食同時有半知名歌星唱歌跳舞表演，還有各員工期待的大抽獎。整個晚宴我在擔憂過程中，跟嘉永並沒有任何眼神接觸，對 Derrick 的恩勤招待非常欣賞，還刻意跟他融融細語耳邊說話的親暱行為，避開嘉永夫婦的角度方向。


年度良好表現頒獎環節，行政級高層包括 Florence上台就座準備頒授獎項於棣屬他們的職員。席上嘉永坐著等待她，當她步出席問背向我們時，嘉永悄悄窺視著我的表情再正式雙方眼神接觸，我是滿腔淚水的，而他是歉意的。嘉永拿出紙巾正想遞給我，Derrick 問我為何有淚，立刻拿出紙巾為我式淚，式乾淚後，我告訴 Derrick 一個很牽強的謊言，我將會上台領獎，因此激動流淚。在台上接過 Florence 頒授的獎項，看到台下的嘉永給我一個鼓勵的眼神及笑容。


頒獎環節後，除了跟 Derrick 傾談，無所事事便不自控地拿起眼前的紅酒喝下，奇怪地侍應招待非常專業，我的酒杯永遠被增添似的，漸漸地我也喝下不少，酒後情緒有點失控，眼淚從眼角不停流下，Derrick 看到單手擁抱著我，再次為我式淚，把我的臉枕到他的肩膊。侍應為我添酒，嘉永正想制止，Derrick 已早先一步阻擋侍應為我添酒，因只有他倆留意我的一舉一動，嘉永也覺自己一時失控，立刻停止動作。當然我們忽略了 Florence 呢，她的舉止是如此大方，只微笑而不語。


幸運之神的眷顧嗎？最後大獎宣讀出我的名字，我已醉了狀態，Derrick 代我上台領奬現金支票港幣三萬元。你們認為是幸運之神嗎？現在還弄不清呢！

網絡女作家的網戀 (二十二)  公司週年聚餐結束後話



晚宴圓滿結束，Derrick 便高興地護送我這大醉女子回家，嘉永趁 Florence 暫離開一刻跟主席道別時，對著 Derrick 說：「你小心送 Ling 返屋企呀，唔好乘人之危呀，Florence 唔會放過你架。」


Derrick 扶著我傻笑回答：「我會架喇」


我就像眾多醉酒斷片的人用力推開 Derrick 說：「我無醉，自己可以坐的士返屋企，你自己返屋企啦。」實在並不清楚自己曾經做過或說過什麼話


嘉永立刻緊張地說：「唔得，你醉成咁好危險，Derrick 你睇住佢呀，總之唔好做啲過火嘢呀，Florence 會叫公司即炒你架。」


Derrick 再次緊扶著我說：「你唔講我都會啦」


Florence 回來後，他們亦停止對話，Florence 看到我的狀態，跟 Derrick 說相同說話，叮囑要安全送我回家，不可乘人之危。

網絡女作家的網戀 (二十二)  公司週年聚餐結束後話  Cont'......



Derrick 扶著我步出的士返回大廈門前，雖然我漸有些微意識，但目光仍非常呆滯，我手部混亂地在手袋裡不斷尋找大廈大門智能卡，結果成功地拿出智能卡及我家鎖匙交給 Derrick。他順利地送我回家，把我安躺在床上，看到 Derrick 的重影彷彿正向我行近，我猜想著，這一瞬間到底 Derrick 閃過了什麼念頭，並不是對我有什麼歪念罷？Derrick 越來越接近我，突然彎下身吻在我的唇上。


我只能用盡醉後僅有的氣力把他推開，但失敗，因為他像瘋狂地把我全身壓著，上身微起單手把我上身的套裝及恤衫解開，我酥胸半露，幸好內衣還保護著我。我情急用力地咬他的唇，他才醒覺自己的獸性險些一發不可收拾。


他歉意內疚地大叫著：「對唔住呀阿 Ling，我真係太愛你喇，我以為你今晚已經接受我做你男朋友，所以先至情不自禁做出啲對你唔住嘅行為」

我錯愕痛哭地回答：「點解你咁講呀？」

Derrick 哀求的眼神跟我說：「你今晚 Annual Dinner 對我嘅態度親密咗，我以為你已經接受我架。」

雖然處於驚慌中，我急速思考最可信的藉口說：「你係咪話我同你傾偈時貼近你講嘢呀？係因為果度太嘈喇，唔貼近你講嘢，咪要好大聲講嘢囉，咁會好粗魯架嘛，唔好意思呀，令到你誤會，但我唔可以接受你架。」

Derrick 顯得非得失望，但仍然不放棄捉著我雙手說：「我求之不得你同我多啲近距離講嘢囉，我會等你架。」

我立刻推開他說：「Derrick 比啲時間我，夜喇，你快啲返屋企啦，下星期公司見啦。」

Derrick在袋裡拿出一信封交給我：「Ling 你嘅頭獎呀，星期一見。」

我鬆一口氣說：「唔該晒，星期一見喇」

～～待續～～

網絡女作家的網戀 (二十三)  與嘉永的額外午餐時間




週六罕有地收到嘉永的高登 pm，平常只能工作日收到，pm內容是親密的：

[昨天晚上安全回家嗎？Derrick 有沒有對你做出不軌行為呢？

老婆 Ling 很掛念你，我們下週一下午各自請兩小時假到較為遠離工作地點午膳相聚談心好嗎？我們公司在港島，那相約到九龍站等候吧。]


我的回覆：

[放心，平安回家，Derrick 沒有對我不軌。

當然好啊，可與你比平常午膳時間長一點的短聚時刻，那下週一早上我跟 Alyssa 請兩小時假，老公期待與你相見。]


週一返回公司，Derrick 已在我辦公室門外等候著我，歉意連連地跟我說對不起。我也並沒有放在心內，跟他說，放心，我們仍是要好的朋友，他才安心返回自己的辦公室。但公司所有同事像早已認定我們是一對了。


Alyssa到達公司，我立刻遞交請假申請表，跟她說：「Alyssa 我想今日 lunch  time 後請兩個鐘假呀，唔好意思，有Ｄ突發嘢要搞先咁突然請假。」


Alyssa 帶有難為的語氣說：「唔係話唔得，我今日 lunch 之後會有個 Off Site Conference，唔知會開到幾時，所以你都要盡快返公司喎。」


我順她的意思說：「好吖，我兩個鐘內會返嚟架。」

[ 本帖最後由 大文細佬 於 2017-9-8 07:49 AM 編輯 ]

網絡女作家的網戀 (二十三)  與嘉永的額外午餐時間 Cont'......



整個早上熱切期待下午跟嘉永的數小時相聚，總覺每分每秒運行的時間比平日緩慢數以千倍，放慢了工作進度，腦海裡浮現嘉永甜蜜的笑容，風趣幽默地發表他的理論及知識，還有那偶爾無比溫柔窩心的關愛聲。幾經艱辛終於到午膳時間，趕快乘搭港鐵，到達九龍站時嘉永已在等候著我，我們難得在市區，但暫遠離雙方公司範圍，我急忙擁抱著他。

嘉永再次發揮他的幽默說：「雖然我地唔可以成日見，都唔駛咁喉擒架喎，哈哈哈.....」

我淘氣嬌嗲地責罵他：「好衰架，成日都玩人，蝦我你最叻。」

嘉永高興像撫摸小狗般輕掃我的背部說：「邊捨得蝦你，我哋依家不如食意大利餐囉，可以坐耐啲，好嗎？」

「照你意思啦，我一向聽晒你話架啦。」

到達餐廳，我們選擇雙人的 Booth 座位，可更親密坐在一起，點了意式食物後，倆人牽著手傾談。

嘉永首先問我：「Derrick 追咗你幾耐架？」

「我都唔知呀，我都係 Annual Dinner 嗰日先至知佢追我架，Alyssa 話全公司啲人一早就知喎。實際佢幾時開始追我，就真係唔知喇。」

嘉永面有不悅之色：「咁你鍾唔鍾意佢呀？」

「梗係唔鍾意啦，做咩呀，你呷醋呀？哈哈.....」

嘉永立刻轉換了不可一世的表情：「我字典裡面無呷醋呢兩個字架，我驚佢受唔住你拒絕佢咋。佢星期五晚真係無對你不軌咩？無可能架喎。」

「點解你會話無可能呢？」

「男人對住自己鍾意咗好耐嘅女仔，一定會有反應架喎。」

我跟嘉永說實話：「佢以為我响 Annual Dinner 當晚已經接受咗佢，因為我為咗避開你嘅視線，經常同佢貼耳講嘢......」

還沒說完，嘉永已緊接地說：「知道你用意啦，佢咁容易就以為人已經接受佢呀，佢唔係因為咁對你做咗啲咩呀？」面色轉嬲怒的微紅

我繼續說：「佢送我返到屋企，扶我瞓上床後，我濛濛濃濃見到佢接近我個身，佢夾硬錫落我個嘴，成個人砸住我.....」

同樣嘉永怒不可遏地叫囂：「仆街搞我老婆」

我內心很想告訴他，我身份只是正在破壞他家庭的第三者啊，抑壓著無奈的心情繼續說：「佢除咗我啲衫鈕，好采我响呢個時候急起上嚟好大力咁咬佢嘴唇度，佢即刻痛到冷靜番，無繼續搞我。」

嘉永怒氣稍為減輕說：「都唔可以放過佢，一定要比啲顏色佢睇。」

我驚訝地：「你想點呀？佢最後都無搞我呀，你唔好搵 Florence 炒佢呀。」

嘉永輕佻地說：「又唔會炒佢，比啲豬頭骨佢啃都好呀。」

「你點可以咁架，唔好咁衰呀。」

「做咩呀？你擔心佢呀？」

「Derrick 係好人嚟架，佢太鍾意我以為我接受咗佢，佢先至咁架嘛」

「啍，佢想搞我最愛嘅女人，勢係假」

「係咩？你最愛我？」

「梗係啦」

午膳後，我們到圓方手牽著手 Window Shopping，認定為安全範圍內，享受著難得的二人天地，旁若無人，還在某一角落熱情地擁吻，彷彿這世界只有我倆。額外申請的兩小時假已剩餘少量時間各自回程返回公司，我們到達港鐵站列車月台已分別站於遠距離等候列車。

[ 本帖最後由 大文細佬 於 2017-9-8 07:50 AM 編輯 ]

網絡女作家的網戀 (二十四)  Alyssa 與我的對話



我返回公司，相信 Alyssa 的 Off Site Conference 還在進行中 。


一小時後，她返回公司，臉色凝重地說：「我知你所講嘅感情上有個缺口係咩喇，我諗你最好停止你依家同嗰個人一齊，唔係你會仲傷架，我真係關心你先同你咁講架。」


她這一番話把我推至驚惶失措，天昏地暗般，差點啞口無言，還是需要證實她的意思：「你見到啲咩呀？」


她冷靜地跟我說：「傻妹，我知愛情好多時係盲目嘅，但佢係有婦之夫嚟架，仲要係你最高上司個老公呀，你覺得個男人會唔會因為你同佢老婆離婚唔理佢嘅仔女吖？我後生時都試過好似你咁傻鍾意咗個有老婆仔女嘅男人，最終當然唔會為咗我同佢老婆離婚啦。依家諗番我都覺得好采，起碼我唔駛變咗衰人破壞咗人哋嘅家庭嘛。」


Alyssa 能夠清楚道出我最高上司的丈夫，我還能否認嗎？只能勉強說出天下最無力的理據：「我知，我係知架，但真係控制唔到，我真係好愛佢。」


Alyssa 皺著眉頭說：「總之就對你毫無好處啦」

我敷衍地回答：「我識handle架喇」

Alyssa 誠懇地說 ：「你盡快抽身啦」


最後我當然忠於自己愚蠢的理據，繼續與嘉永一起，繼續期望那每星期也至少一天晚上跟我晚餐及到我的劏房溫馨的情境。而 Derrick 及展博仍不放棄對我的追求，但可悲的是我心早已被嘉永佔據了，被他無比溫柔雄厚的聲線，被他細心關愛的肢體安撫，被他外表瀟灑難以抗拒的男人味，徹底擊倒，內心無法逃離他半步範圍。


～～待續～～

[ 本帖最後由 大文細佬 於 2017-9-8 07:36 AM 編輯 ]

支持一下先

多謝你支持呢個唔夠色情成份嘅愛情故事:smile_40: