淫妹日記 (十六) - Tony 的黑人司機兼保鑣
呢排 Tony 間中都會搵我出去陪佢四圍咁去, 又係呢個黑人司機揸住部車載住我同 Tony, 去到鯉魚門之後, Tony 同我一齊落車就行去啲海鮮酒家度食 lunch。
食飯期間, 我有啲好奇咁問住 Tony, 「喂, 點解你會請個黑人黎做司機嘅!」 Tony 笑住講, 「呀 Mark 係我司機兼保鑣黎架, 以前佢響美國係做過海軍陸戰隊嘅, 不過自從受過槍傷之後就退左役, 果陣時我響美國識左佢之後就叫佢過黎香港呢便幫我手咁啫!」
哦, 原來係海軍陸戰隊, 我再同 Tony 講, 「係呢, 一陣間食完飯之後, 我地係唔係會去…..」 Tony 好快就答番我, 「一陣下晝我要去觀塘個朋友間公司度傾野, 等呀 Mark 放低左我之後, 跟住我會叫佢車妳番公司度繼續做野架嘞!」
唓, 仲以為一陣食完飯會同 Tony 去……, 原來又要人番公司度做野, 等我仲以為今日下晝唔使響公司度悶添, 食完飯之後, 我地上番車跟住就直去左觀塘, Tony 落左車後, 跟住呀 Mark 就車住我咁向住公司方向進發。
車上, 我正百無了賴, 我望吓前面倒後鏡上嘅呀 Mark 個樣, 果然啲海軍陸戰隊又真係好 cool 同好惡咁, 呀 Mark 瞄到我裝佢, 但好快佢又繼續專注地咁揸車, 我開始有啲百厭地咁問佢, 「哈佬, are you (我開住個 Google 翻譯黎播住海軍陸戰隊呢個字嘅讀音) “Marines” ?」
呀 Mark 無理到我, 噓, 都唔理人嘅, 我再問佢, 「A, Tony is say you are very good, and he also say you are his (我再開住個 Google 翻譯黎播住保鑣呢個字嘅讀音) “Bodyguard”!」
呀 Mark 依然唔啋我, 唓, 巴屎閉, 唔出聲就算數, 我繼續望住窗外嘅景物等番公司去做野。
幾日之後, 我同班同事食完 lunch 行緊番公司期間, 我個電話響起, 係 Tony 打電話比我, 我行開咁接住 Tony 個電話, 「喂家烯, 啱啱見完個客, 一陣我想妳陪我出去食 lunch, 妳番黎果陣唔使上黎公司住, 妳直接行去樓下架車度等我就得!」
行到去公司樓下, 啲同事就自己入左大廈度去搭 lift, 而我就響樓下度搵緊架車到底泊左響邊度, 呀, 見到嘞, 成個黑人殺手坐住響車頭度啤住我, 妖, 啲眼神使唔使咁凶狠呀? 我有啲騰雞咁行埋去呀 Mark 度, 「哈….佬, How …are….you Mark 哥……, 你…好…嗎…..」 我見佢咁惡搞到我口都震哂。
呀 Mark 依然係咁啤住我, 噓, 睇佢都係唔識聽中文定嘞, 見佢擺姿勢擺到滿頭大汗咁, 我攞左張 tissue 出黎遞住比佢, 「For you 抺汗!」呀 Mark 仲係啤住我, 好嘞吓, 海軍陸戰隊大哂呀? 人地見你滿頭大汗先至好心比張 tissue 你, 你唔要就罷就。
我好無癮咁收番埋張紙巾, 跟住就自己篤住盒檸檬茶黎飲, 我瞄吓個呀 Mark, 見佢裝住我飲檸檬茶個樣裝到吞住口水咁, 天氣咁熱, 睇死佢梗係口渴定嘞, 我仲有另一盒檸檬茶諗住係比 Tony 嘅, 不過見佢咁嘅款, 我就即管再試吓遞比佢飲, 不過睇死佢都係無咩反應比我架嘞。
「Thirsty? Lemon tea? Like?」 我懶係卡娃姨呢咁遞住盒檸檬茶比佢, 哈哈, 果然真係無反應, 好, 算數, 我又學似佢咁挨住響佢隔離個車頭度, 跟住我就特登好大聲咁飲住檸檬茶, 「唔唔唔….Ar….haaaaaaa………!」 嘿, 吞口水呢? 想飲呢? 我再啜住盒檸檬茶咁遞住另一盒比佢, 「Tony 仲未黎呀, 飲啦!」
我抬頭望住呢個海軍陸戰隊, 我知佢已經頂得好辛苦咁, 「Plea…..se……」 見佢瞄一瞄我, 跟住…..yes, 好野, 都話左條友係口渴到死架啦, 見佢終於都點一點頭咁接左我盒檸檬茶, 「唔該哂!」 吓, 咩佢識講中文架？
我笑住繼續飲我嘅檸檬茶, 而我地兩個一高一矮, 一黑一白咁挨響車頭飲住野嘅樣, 正引黎好多行過嘅途人注視住我地, 我地飲完檸檬茶之後, 剛好 Tony 已經行到落黎, 跟住我同 Tony 上左車之後, 呀 Mark 就揸住部車駛去 Tony 指定嘅地點而去。
下章預告 - 比幾個人捉左上車係咁摷, 跟住唔知將會發生啲咩事
