從車輪碼頭的長吻後,我估計無錯,佢開始對我要求多咗,直接來講,佢想在我身上得到更多性愛樂趣。包括想我影返工的黑絲相俾佢、沖涼相,問我的生活日程,想見多D面,佢又提議去唱K,呢點我亦曾經有過相同諗法,但最後我都一一拒絶。
有一段時間我係固意唔覆佢WTS,有日佢在WTS問我
M : 記得邊個叫ANDY
I : YES
M : 佢失踪咗
…………………………………………………………………………….
呢個ANDY係我同M有次晚飯時撞見的,係M同事。佢地傾左幾句後就走咗。
I : 同佢好熟架
M : 同事黎 幾啱傾架
I : 同事就簡單LA 大家做份內事LA 小心D佢
M用疑惑咁望住我
I : 你可以唔信 但我答你唔到點解 第一眼望佢就唔舒服 小心D佢LA
無耐
M : ANDY問我借錢
I : 幾多
M : 三千
I : 真係朋友 借出就唔好諗住還 呢個一定唔會還 但事後自己唔好DUM心口
……………………………………………………..
ANDY失踪前原來同M公司好多同事借錢,都係三千左右,之後玩失踪,佢公司報警了事,係M小數同事無借俾佢。
M : 你點知佢係呢種人
I : 答你唔到,第一眼見到佢已經唔舒服
其實小女子見人太多了,黑白兩道有,好壞忠奸又有,岳不群有,關德興又有,敎訓太多,焦頭爛額,漸漸自己就有某種感應,望住佢對眼就即時同佢分類。但唔會話百發百中,起碼敎訓漸少。
I : 咁你依家明白我點解要你守規矩啦 如你唔守規矩又撞見呢種人 你估會發生咩事呢
M : 明啦
I : 咁你又明唔明白我地踢緊波定打緊籃球呢
呢句對佢黎講好似深咗,M好耐先覆 : 唔明
I : 踢波有踢波的遊戲守則 打籃球有打籃球的遊戲守則 每個遊戲有每個遊戲的守則 明嗎
M 好快答 : 明
I : 真係明
M : 真係明 sorry
傾其言,觀其行。佢真係返到去大家以前的溝通方式,孺子可教也。