想试下

so goooddddddddd

內容真係好寫實，樓主呢個係妳/你嘅真實故仔嗎？

多謝。唔話你聽 😉

五

芬芬嘅有錢仔客又試嚟。

就係嗰嗰食冰食到冇反應嗰個。

佢約芬芬去酒店開房，諗住環境好啲、氣氛好啲可以有幫助，芬芬除哂衫都幫佢唔到。

今日佢又上嚟，芬芬向我哋求救。我同翠兒上次試過幫芬芬，三個女人都幫佢唔到。其實佢咁樣搵我哋都唔係辦法，或者應該去睇睇醫生。

咁後生就攪成咁。

我哋做嘅人客之中，最歡迎其實係啲阿伯。

有個阿伯住附近，逢星期三嚟搵我。佢話佢後生四圍玩，開大又試過、同一時間叫幾個女仔服侍佢又試過，早就玩到冇哂反應。

但佢依然仲有舖心癮，個個星期三嚟幫襯，只係想過吓手癮同埋我掂吓佢下面，好容易應付。成間舖頭，佢只幫襯我，有冇幫襯第二間我唔知，佢話玩咁多年見過最靚係我，如果後生仲有心有力的話一定娶咗我等我唔使做呢行，我話心領。

另外有個老伯，又係唔得㗎喇，但因為佢唔鍾意佢個新抱，寧願出嚟滾哂啲積蓄都唔想留低俾佢個仔益咗個新抱，所以定期嚟搵我哋，每一次叫幾個一齊招呼佢，俾佢摸摸揸揸。佢打賞好闊綽，每個女仔做佢90分鐘，鐘錢外另有一千打償。

我哋鍾意做呢啲客唔係因為佢哋打賞疏爽，而係因為易招呼，爽快、快趣。佢哋嚟幫襯會同我哋吹水，但夠鐘就走。冇話做完嘢、夠鐘，仲賴死唔走想同我哋吹水，更加好少唔嚟幫襯嗰陣要打吓電話、發吓訊息嚟撩偈傾。

最近做咗個新客，係個後生仔，叫Eddie，幾靚仔嘅。廿歲，大學畢業，份工搵唔少錢。以佢條件，照計好易識女朋友，但佢唔去識，反為嚟我哋呢啲地方。

問佢有冇去其它地方，佢話都係呢類場，但嚟咗呢度之後就冇再去第度喇，淨係嚟呢度。

我話多謝喎。

其實十個有九個咁講嘅人客都吹水。

佢問我幾歲，我費事俾佢知我大佢咁多就唔嚟幫襯，就話三十零。

Eddie幫襯我算穩定，有時發訊息嚟問候，嘍我傾偈。我哋對人客撩傾偈唔一定反感，只係覺得麻煩。唔啋你的話，怕你覺得我哋唔重視你就唔嚟。諗住啋一、兩吓，但有啲見妳肯應吓佢就周時撩妳傾偈。

不過好多都係穩定幫襯先至會得閒撩妳偈傾，唔啋佢的話佢就唔想搵妳。

唔知我做得佢阿姨。

我同佢講識得一個女仔，幾靚嘅，人都唔錯，不如介紹俾佢做女朋友。

佢冇覆。

Eddie幫襯一輪，開始嘍我開大。佢話我好靚，好想同我做愛。我話呢度唔俾。

有一次，同佢手作嘅時候，佢又問，話好想喺我裏面出嘢。我話冇套，而家唔好講呢啲嘢住，出咗先。點知佢話，咁下次吖，我帶套嚟吖。我話，下次先講啦。

隔過禮拜，佢想約我出外面。我話唔得，叫佢上嚟。佢上到嚟，喺廳嘅時候，好似好開心咁嘅樣。入咗房，做正常程序，part 2，幫佢起機，開始想用油嘅時候，佢話唔用油，我話驚整痛你，佢話唔使。跟住我就咁幫佢chok。點知，佢比平時鹹濕。Eddie平日算斯文，最多揸吓波波，隔住底底摸吓下面，今日佢伸入去底底裏面起勢攪。我當做嘢，根本冇feel，但佢起勢攪，攪到我有少少反應，佢見濕咗就放手指入去裏面。我叫佢出返去。佢話妳有feel？我話有，但唔可以攪下面，女仔下面好脆弱。點知佢攞咗個套出嚟，嚇咗我一跳。

假如佢係新客，我哋通常話熟啲先。但佢幫襯咗一排，叫做熟咗少少，就唔可以咁答。

我哋另一招通常係，開個好貴嘅價，個客俾到至算，俾唔到就由佢。好多人以為我哋呢行嘅女仔個個都會同人客做，係有啲女仔只要唔討厭你，而你又願意照顧，或者幫襯好多就可以做。不過唔係個個都咁，好似阿佳呢啲，係幫襯好多，但我討厭佢，就算俾多多我都唔想。其他好似麥包、阿華呢啲得把口，日日訊息、電話用我時間攞着數，就更加唔使講。

阿偉問過如果有人客肯俾好多錢，會唔會考慮。我老實話，真係好多的話，會考慮。我話我做呢行，你又唔係養起我，如果有人客真係俾到，而佢唔討厭的話，可以考慮。偉冇話講。

其實我哋有我哋底線。假如幾舊水就要扑嘢，咁大早去做一樓一啦，使乜幫人打飛機咁辛苦？我識得呢行一啲女仔，只要你肯俾多啲錢，佢對你又有啲啲好感，就可以扑嘢。不過人人唔同。就當幾千蚊，我唔信咁多客肯俾幾千蚊同你玩一次，幾千蚊你出去搵個援交玩兩晚都得。況且幾千蚊有幾吸引？有時啲豪爽客打賞一、兩千都有，對妳冇乜要求。試過有客俾五千蚊我去打牌，話贏嘅兩份，輸就由佢。另外一個客就話佢周時打電話睇吓我做緊乜，半年內我唔去打牌的話，就送條幾千蚊嘅鏈俾我。呢啲客只求同我哋有啲接觸、得閒撩吓妳傾吓偈、聊吓天，冇乜過份要求。唔值得為嗰幾千蚊同人客扑嘢。

行內好多女仔嘅做法係，男朋友至可以做，即係之前講嗰種形式，每個月俾一定照顧，或最少幫襯好多，仲要個女仔至少唔討厭個客至可以，咁先為之男朋友，至可以做。好似阿佳咁使咁多錢喺我度，要求我做女朋友，但我唔鍾意佢，一樣唔可以。我叫佢如果目的係諗住咁的話，就唔好嚟幫襯，或者唔好幫襯咁多。

呢行唔係個個女仔只要人客肯俾多啲就可以做嗰啲嘢。假如俾多少少就可以扑次嘢，人客就會覺得冇需要使咁多錢喺妳身上。

識阿偉之前，試過有人客話租個平平哋嘅單位俾我住，每個月俾兩皮生活費我，叫我唔好做呢行。條件係要我全天候報告行踪，去到邊、同邊個去，都要俾佢知、影張相俾佢，佢搵我的話要俾佢即刻搵到。

我唔啋佢。

首先我對條友根本毫無好感，做佢條女的話要俾佢屌，我唔想，只可以當佢係人客咁吹吓水。再者呢啲人包條女玩一、兩年就厭，兩皮嘢一個月我哋辛苦啲幫人客打飛機的話都可以搵到。幾年前，生意好起嚟一個月可以有三、四皮，冇需要俾佢綁兩年，趕走哂啲熟客，仲要儲唔到錢，一、兩年後，俾你玩厭咗我又要重頭嚟過。

但Eddie嚟到呢個關頭突然攞個套出嚟令我霎時間唔知點去應付。試過有人客溝咗我成年都唔肯，結果個客唔再幫襯。講外表，Eddie幾靚仔嘅，而我反正唔係大家閨秀，閂埋門同佢做乜邊個知？不過我真係唔係咁想，唯有話，我唔同客人做呢啲嘢。佢問，咁點先可以？做男朋友？要點樣？

我唔知點開聲。假如佢真係開到一個好價錢又可以應承唔管我、唔理我同第啲客，唔通我唔應承？不過就算佢肯我唔係真係咁想。應付阿偉一個已經夠，多一個肯定仲煩。阿偉其實唔係使錢最多嘅客，有段時間佢對我係好好，唔止錢，佢對我付出好多感情，我知道嘅。後期佢唔多花錢喺我度，我懷疑佢可能識咗第二個。有次，俾我發現佢返咗深圳，佢絕少返大陸，叫佢陪我去姊妹度玩幾日都唔肯。問佢上去做乜就話同人一齊帶水貨。我問咩人嚟，男定女？佢話女。做邊行？佢話做sales。我問點識，佢話同一間大厦返工，茶餐廳食晏時遇到識嘅。食飯都可以識到？佢係咪溝你定你溝佢？佢話唔係，食吓飯吹吓水啫。

我同Eddie講，識返個正經女仔，唔好使咁多錢喺我哋呢啲女仔身上，有時間幫襯吓就好喇。

我繼續同佢打，佢繼續用手指攪我下面，話，但係真係好想同妳做。我話，咁你當而家同我做緊啦。

一啲尚可接受嘅人客，我哋有時瞓喺佢哋旁邊幫佢哋打，一來唔使企喺度咁攰，二來可以錫佢哋lin lin刺激佢哋，等佢哋快啲射，就可以快啲收工。點知我瞓喺佢身邊佢就起勢錫我，我俾佢掂咀，唔俾佢伸脷入嚟，話我唔濕吻嘅。於是佢一手揸我波波，一手攪我下面，咀就係咁錫我。我唯有努力chok，盡快chok到佢射嘢。

Eddie好多精，射到四圍都係，我成手都係。我想起身，攞紙幫佢抹順便去洗手。點知佢攬實我唔俾我起身。我唔想掃佢興，唯有俾佢攬一陣，佢隻手仲唔捨得嚟開我下面，然後話要洗手就起身。出去之前要着好衫，隻手係哂油同埋佢啲精。但佢好斯文咁幫我戴好個罩、着返件衫。佢仲起勢話，以佢咁嘅條件，同我做愛對我冇蝕底，佢會好好哋對我。我話我唔同人客做愛，叫佢識返個女仔正正經經拍拖，有需要嚟打吓飛機算啦，佢有啲冇癮，冇辦法。

俾人客攪嘅時候，有時會諗起阿偉。佢有時會問我同人客做嘢嘅情況，我話唔想講得太詳細，費事你唔開心。我自問冇做對唔住佢嘅嘢，假如真係同人做過，一定會話佢知，但我真係冇。

近大半年我覺得佢對我冇以前咁着緊，唔知佢係咪識咗第二個，唔知佢係咪同做sales嗰個有嘢，我又唔敢問。

之前，我掛住佢嘅話，會叫佢嚟，但而家唔敢咁做，驚佢覺得我冇生意就叫佢嚟幫襯。有時候星期日唔想返工就睇吓可唔可以夾到時間去吓街或者去扑嘢，我俾佢唔戴套扑，仲俾佢射入去，等佢知道我唔係當佢係客。

未完

[ 本帖最後由 dcat20 於 2017-8-26 01:35 PM 編輯 ]

唓....

六

講咗咁多期，係時候要交待阿佳單嘢，同埋我同阿偉嘅嘢。

同阿偉認識三年，我儘量對佢好啲，想佢唔好疑神疑鬼，但我知道佢一直唔信我，覺得其他人客除咗嚟幫襯之外同我有其它嘢。我話呢一行，係會同人客有好多接觸，就算有啲客唔係嚟幫襯都鍾意成日打吓電話、發吓信息嚟嘍傾偈，或者借頭借路除咗幫襯之外同我哋有其它接觸，唔過份嘅話我哋都會應酬吓佢哋。我唔想呃佢話冇呢啲嘢但亦唔想佢知得太詳細，費事佢唔開心。我問，乜你覺得我會好鍾意同佢哋有接觸咩？你估我好想做呢行要應酬啲男人。

阿偉好醒唔醒，好幾個同我來往得比較密啲、成日發訊息嚟撩我嘅客人，佢唔知點樣起到佢哋啲底。好似阿華、麥包、老馮...，唔使講仲有阿佳。

我講過我哋呢行，有時同啲客稍為熟啲，佢哋鍾意得閒無事撩妳，借啲意想喺幫襯之外同妳有多啲接觸。如果我哋唔啋佢哋，佢哋就唔嚟幫襯。有啲人客比較識趣，過節問候一聲，我係咁意回應一、兩句就夠，唔會死纏。但有一類特別鍾意撩女仔，你啋吓佢之後就會覺得攞正牌得閒無事撩妳，妳要長期應酬佢哋。

我儘量避免同阿偉講到呢啲人客，費事佢唔開心。

做嘢嗰陣，我哋要同人客有親密接觸，有時佢哋同我哋講埋啲情情塔塔嘅說話，唔太反感的話話，一般女仔會儘量迎合吓，有啲客人會受呢一套，當正同我哋真係好好。我本身唔鍾意氹男人，亦唔識，有啲客話我夠真、有個性，其實如果唔係太乞人憎嘅客，佢哋同我哋講埋啲咩掛住我呀、鍾意我呀，我都會儘量迎合吓。好似阿華有次半夜Whatsapp嚟話掛住我，我就話咁你係咪買燒夜嚟？明知佢咁夜唔會嚟，又唔想講埋啲我都啩住你之類，就會咁樣答佢哋，等佢哋自己理解。有啲唔太討厭嘅人客，講啲話題啱傾嘅話，傾多幾句亦好平常，佢哋就會當正同我哋係朋友，得閒無事撩我傾偈，但我唔當佢哋真係朋友。

好似阿華咁，佢有段好長嘅時期，日日發幾個訊息嚟，朝早、食晏、黃昏、夜晚，仲攞埋我張相做頭像，一睇就認到。有時阿偉嚟，見到呢條友早午晚都喺我Whatsapp嘅頭頂，就問我呢條友咩料，同我係咪好好。我話呢條友離咗婚無聊鍾意搵女仔吹水啫。

試過我同阿偉一齊嗰陣，呢個阿華打嚟，我話而家唔得閒，佢仲係咁起勢問長問短。

有啲搵妳稍為密少少嘅人客，當正同妳好好，就想向其他客人示威。有時專登打電話嚟，明知妳做緊嘢就特登問長問短，等妳個客知道妳有個好好嘅客人。做呢行幾年，遇過唔少呢種客人。

麥包亦係呢種客。試過做緊嘢嘅時候佢起勢發啲公仔嚟撩我。我同麥包都鍾意打牌，就介紹佢俾一個好姊妹識，打牌會搵埋佢。打牌啲姊妹見係我帶佢嚟，就當以為佢係我條仔，佢就以為同我真係好好，攞正牌咁得閒冇事撩我傾偈。

唔知阿偉點知道麥包呢個人嘅存在，仲知道佢年頭生咗個女、同埋知道佢喺我哋呢條街一間場有個女朋友，不過佢唔知邊間，更加唔知邊個。

佢話，唔知麥包個女朋友係咪我。我話呢條友只係另一個面皮厚，好鍾意撩女吹水嘅人客，同阿華嗰啲一樣。佢話，咁佢都好鍾意撩妳，撩咗三年啦，如果佢仲得閒四圍撩第啲女仔的話，咁佢都好多時間喎。跟住佢話，佢微信擺個妳張相出嚟，張相我都冇，仲幾靚添。

我問，你搵私家偵探起我客人啲底？佢話梗係唔係啦，好多錢呀？只係呢個世界有時候真係好細。

我話，你成日話我有第條仔，真係冇吖嘛，嗰啲係人客，我做呢行，人客覺得我哋靚，鍾意撩我哋，唔通我唔啋哋，同佢哋絕交好冇？你估如果唔係做呢行我仲會啋佢哋咩？

佢話，冇，見妳同呢幾個人特別好傾，妳唔特別啋佢哋的話人哋唔會成日撩妳，我同妳都冇咁多偈傾嘅。

我話，你成日話我有好幾個，你仲噏得出邊個吖？佢話，仲有Philip呢。我話都唔知邊個叫Philip，佢話姓馮個四眼仔，做工程師嗰個。我唔知佢點樣知道咁多嘢，但佢堅持冇搵人查我同我啲客，只係有時候啲嘢就係咁啱。

更加奇嘅係佢唔知點樣知道阿佳咁多嘢。

好耐之前，嗰陣佢啱啱同我講佢鍾意咗我。我見佢係一個好人、斯文、個樣幾順眼、對我亦好，我對佢亦有好感。就話做佢女朋友，好快已經攪過嘢。阿嬌同我讚過佢，話呢個客幾好吖，有靚仔、對妳又唔錯，妳對人好啲啦。佢開頭話自己唔係有錢人，唔可以日日幫襯我。我話唔一定要使錢，鍾意幾時打吓電話、發個訊息嚟，搵我去食餐飯，我冇事做的話都可以出嚟見吓面。

初期，有次我幫阿偉手作，嗰陣阿佳已經追緊我，突然打電話嚟嘍我去食飯。我話唔食，阿偉聽到，佢問，有客搵妳食飯？我話我哋一般唔同人客出街。佢話其實妳哋有時應酬吓啲客，食餐飯都好平常啫，我話我哋一般絕少。

點知冇幾耐之後俾佢撞到我同阿佳喺街。我搵佢解釋，佢轉咗微信頭像同名，我起勢搵至搵到佢。嗰次之後，佢知道咗阿佳呢個人。有試過阿佳攞啲嘢上舖頭俾我，咁啱我約咗阿偉去街。阿偉一上到嚟，咁啱阿佳喺度糾纏緊，話想上鐘，我話有人客，叫佢走先。我叫阿偉入房，佢一入房就問我，乜唔係出街咩，我叫佢唔好講，費事條友聽到，等佢走咗先，然後我走出廳叫佢走。

但阿偉原來一路知道阿佳賣喼、我同佢上過東莞喼廠、佢有個女喺養和做護士...，佢點樣知道咁多嘢就係一個謎。我講笑咁問佢係咪使錢搵私家偵探查我啲客啲嘢，我叫佢唔使喎，有咩問我，我講佢知，啲錢益我仲好啦。佢問我知唔知私家偵探有幾貴？佢一定唔會咁做。我問你又知佢哋貴？你搵過？佢話有諗過，後尾費事。心太攰，佢話。

點解，男人總係想監控我？以前姓劉嗰個想溝我，又送花又講到想娶我只可惜唔可以，佢想知我同其他客私底下咩關係，就偷睇我手機，俾我發現咗鬧走咗佢。仲有話俾兩皮嘢一個月叫我唔好做呢行同佢一齊住嗰條友，要我全天候報告行踪，去邊都要影張相向佢報告，我啋佢都傻。同埋懷疑打電話騷擾我個客嗰條友，講到自己有幾鍾意我，佢生日想我陪佢全日，我又係費事理佢。

男人使多少錢幫襯我哋，就想當我哋係佢嘅，操控、監視我哋。佢哋唔係妳邊個，唔係真係妳男朋友，只係使錢幫襯，又唔係真係照顧起妳等妳唔使做，就想霸實妳，唔俾第啲客人接觸妳。

我過咗好耐先至知道原來阿偉知道我啲客咁多嘢，初期識佢的話，都仲會反感，但係經過三年我知佢同我維持都好辛苦。

阿佳亦都監控我，仲攪到成條街嘅骨場都知道。呢件就係我一開始就想講嘅事。

有大半年，阿偉每逢星期四全晚自由。我唔想佢成晚一個人喺條街，怕佢去第度識女仔。我就逢星期四唔接生意陪佢。佢話咁樣唔好，令我少咗收入，話俾返錢。我話行吓街無謂俾錢啦，於是，佢話咁我嚟妳舖頭幫襯妳啦。佢嚟到，好多時淨係傾吓偈，乜都冇攪。我話幫你手作啦，不如。佢話唔使啦，妳當我係妳啲客咩？我覺得好怪，既然佢咁鍾意我，我哋又話係男女朋友，而佢又唔係唔得，冇理由乜嘢都唔攪。於是，我主動話做愛。

未完

[ 本帖最後由 dcat20 於 2017-9-9 11:49 AM 編輯 ]

七

上次講到，阿偉每逢星期四全晚自由。我唔想佢成晚一個人喺條街，怕佢去第度識女我就逢星期四唔接生意陪佢。佢嚟到，好多時淨係傾吓偈，乜都冇攪。我覺得好怪，既然佢咁鍾意我，我哋又話係男女朋友，而佢又唔係唔得，冇理由乜嘢都唔攪。於是，我主動話做愛。

我過隔嚟房問芬芬借套。

舖頭唔俾開大，我哋唔敢做得好放，佢亦唔敢好粗魯，好慢好斯文咁喺我度出入。佢支嘢本身大，就咁插入去嗰一吓已經好舒服。我本身亦係一個好靜嘅人，未做呢行之前，前夫話過我做愛好似死魚。其實我有反應，不過我唔表現出嚟，就好似完全冇反應。

喺啲咁嘅環境做愛，唔可以有聲，外面又有翠兒嘅人客大大聲吹水，佢個個女仔佢都撩，佢係翠兒嘅客，見到芬芬靚女又撩，仲問起藍藍呢？加上我表面上冇乜反應，阿偉以為我唔鍾意，就覺得冇mood，於是我哋話不如去街。

於是，有大半年，逢星期四，我唔做生意陪佢。佢話點都要幫補吓，於是我哋喺舖頭90分鐘，然後去街。佢初初話去街照俾返鐘錢，我話唔使啦，我哋之間係咩關係。於是之後我只收佢嚟舖頭嘅錢，之後去街就唔收佢。

有個客星期四晚至得閒，佢唔打個電話嚟先，直接嚟。佢跌傷腳，打住石膏嚟到我舖頭話要搵我，我嗰陣喺房陪緊阿偉，就推佢，話今日唔做生意，叫佢搵芬芬做。芬芬係全舖頭最靚嘅女仔，靚過我，波又大。但個客係都要我。佢嚟過三次，阿偉話，妳次次推佢人，人哋就唔嚟。

於是我就做佢一part，叫阿偉喺房等我。

個客一見我出嚟，就叫我，藍藍，好掛住妳。我哋通常叫人客沖涼先，衛生啲嘛。但佢隻腳打住石膏，沖鬼咩。就咁入芬芬間房。入到房，佢趴又唔方便，瞓又唔方便，就話只打飛機。我幫佢起機，佢伸手入去解我圍，然後揸我、錫我波波。佢仲想攪我下面，我話唔好。一般人客五分鐘以內就攪掂，佢好似用咗十分鐘，我心掛掛阿偉喺隔嚟房，覺得時間好耐。佢終於嚟喇，呢個客人嚟嘅時候會叫，我哋舖頭啲隔音好差，我諗阿偉喺隔嚟聽到。佢射嘢嗰陣大叫，應該出面都聽到，平時，其他女仔配合吓人客，會跟住叫，增加喜氛，呢樣嘢又係我唔會做嘅。

佢射到周圍都係，有啲仲整到落芬芬張床，好彩我哋舖一次性嘅紙床單，包住有佢啲精嘅紙巾就可以一次過攪掂。跟住着返衫，洗手，收錢，舖返條新紙床單就走得，前後唔使二十分鐘。臨走，個客仲有啲依依不捨咁問下個禮拜四再嚟搵我我得唔得閒。我話，嚟之前打個電話上嚟先。佢行動不便，我同阿偉落到樓下，佢仲未行完條樓梯，見到我同阿偉一齊落到嚟。

原來呢段時期，我個個星期四話唔得閒，已經引起阿佳懷疑。

之前講過，阿佳係大客，每個月使好多錢喺我度。佢幾乎日日嚟，每日都打好幾次電話嚟睇我做乜嘢。

最初我見佢幫襯咁多，就儘量應酬吓佢。漸漸，我開始覺得佢日日打幾次電話俾我，當我係佢條女咁監控，開始有啲反感，就叫佢唔好嚟幫襯咁多。佢成六十幾歲，日日嚟打飛機，我知道佢有時幫襯完我，會過隔嚟舖頭幫襯，我怕佢咁樣打飛機法，會有一日死咗喺我哋舖頭或隔嚟舖頭。

阿偉原來一早已經留意阿佳呢個人。有段時期佢成日同阿佳撞埋同一時間話要嚟。我問佢淨係嚟一part好冇，佢又唔想，話9個字一陣間就過，想同我一齊耐啲。於是試過好幾次我見唔到佢。我就屌鳩阿佳，話佢阻鳩住我做唔到其他人客。

有一次，阿偉話覺得自己唔識得點樣好似阿華、麥包、阿佳呢啲人咁撩我講嘢。我話我同呢啲人根本冇乜嘢，我當佢哋客咁應酬。

再過咗大概半年，有次我返大陸幾日，個阿佳搵我唔到。我返到嚟佢話我做乜上去唔事先通知佢。我話我要去邊使乜向你報告。佢問我哋係咩關係，我話一直只當佢係客。佢話想我做佢條女，話可以幫襯我多啲，想我好似女朋友咁對佢，例如去邊度都報告，甚至搵埋佢一齊去。我唔肯，叫佢如果幫襯我嘅目的係咁嘅話，就唔好嚟幫襯，或者幫襯少啲。佢問我係咪有咗男朋友，我唔認。始終我哋嗰圈子咁複雜，我唔想拉阿偉入嚟。

呢啲事我一路冇同阿偉講，費事佢知道咗多嘢諗，但係到咗呢個時候，我覺得應該俾佢知道。

我一講，佢已經知道係邊個。

佢話係咪哨牙、賣喼、同妳上過東莞睇貨嗰個？我好驚訝，佢點知呢啲嘢嘅？我問我同你講過呢啲嘢咩？佢話冇，只不過世界好細，要知道有幾難。阿偉係一個有頭腦嘅人，但佢啲頭腦用哂落我度。

我逢星期四推客，阿佳開始覺得唔妥，就使錢收買隔嚟舖頭一個女仔監視我，呢個女仔我都識嘅，當時我未知道佢已經俾阿佳收買咗。

冇幾耐之後，阿佳開始玩嘢。

阿偉嚟到，入咗房冇耐，阿佳就打嚟。特登問長問短：唔記得咗我嗱？我話，唔係，不過而家做緊嘢。做到幾點呀？我話今晚都有booking。佢又繼續問，頭先6點搵妳已經做緊，而家搵妳又話要成晚，妳個客做咁耐嘅？我話唔係，頭先個走咗，人哋啱啱先嚟，一陣有其他客。我話做緊嘢唔講喇，就收佢線。我同阿偉講，有啲人客就係咁樣，明知妳做緊嘢，專登打嚟問長問短，諗住向妳個客示威，等個客以為妳有更重要嘅客人。阿偉已經知道，係阿佳？我話係。點知，嗰頭阿佳又發訊息嚟，話，妳個咩人客咁重要呀？今晚全晚唔好做喇，幾多錢我俾！我最撚憎阿佳呢種態度，以為有錢大哂。忍唔住即刻喺Whatsapp發口訊屌鳩佢，講嘢使唔使咁難聽呀？有錢唔係大哂！跟住佢覆返，話講吓笑啫，我冇理佢。

打石膏個客搵咗我幾次，上星期佢終於幫襯到我，話今個星期再嚟。我問阿偉我好冇做佢，阿偉話唔想阻我搵食，假如我又推嘅話，會失去一個客人，佢話可以喺街等我做完嘢先。於是我叫佢行吓街先，我做完嘢即刻出嚟搵佢。點知，個客就快到嗰陣，阿佳突然殺上嚟。我話有客，佢唔出聲，大模斯樣入房，係都要做。我冇計。唯有通知個客突然有嘢做，叫佢遲少少嚟。

俾你係個客，明明約好，突然話有第個客做叫我等，你會有咩感受呢？加上之前推過佢幾次，結果呢個客以後冇再嚟。

但我估計，佢以為我叫咗阿偉嚟，專登諗住攪破壞。

類似事情發生過好幾次。我怕有一次佢哋遇上會打交，我有個同事遇過咁嘅事情。佢老公懷疑佢做呢行，就跟蹤佢，知道咗佢喺呢度返工，有一日喺舖頭對面監視，見到佢落樓下接個客上，佢哋喺下面攬咗一嘢至上樓。佢老公喺對面等個客，一見到個客落樓就走埋去打個客，打到佢入廠，結果個客幫襯邪骨嘅事俾佢老婆仔女知道，我同事亦因此同佢老公家變。

但阿偉好忍讓，佢怕激嬲阿佳會對我不利。我哋於是改喺出面約會，行街、食飯。一直好想同佢喺出面開次房，舖頭始終唔係幾方便，氣氛又差。

有一晚去完街，偉送我返舖頭。我叫佢唔好走住，坐一陣、傾多陣偈先啦。佢坐咗陣，點知阿佳失驚無神殺上嚟，大模斯樣咁自己去斟水飲，然後自己入房。我好細聲同阿偉講，佢突然間上嚟，之前完全冇講過。

當時我仲未知道佢收買咗隔嚟個女仔做線人，每次個女仔見到阿偉出現就會通知阿佳。阿佳好多時嚟呢頭泊車，然後喺左近食飯，一收到通知就嚟，所以每一次我同阿偉係舖頭見面，佢好快就玩嘢，一係打電話嚟，一係殺上嚟。

之後，佢玩咗啲更過份嘅嘢，當時其他女仔同佢哋啲客都喺度，我前所未有發咁大脾氣屌鳩阿佳。

下次繼續。

未完

支持藍藍，請繼續出文。

樓主尐料好足。係咪帶內行人俾料架？哈哈