120分鐘的約會
呢個唔係一個教你約女嘅故事
而係一男一女去時鐘爆房嘅故事… …
唔知大家有冇爆過房,識唔識填爆房資料,我發現好多人都唔識填,
我…當然係其中一個啦,我係女,你幾時有見女行去填資料,哈哈~
仲會有人問我幾錢一個鐘,我都未俾過錢,知鬼咩…
(沉船)
意外收到I先生的PM,從來冇諗過會再一次收到你嘅PM,講真,係驚多過喜,
呢6年來你為我帶來嘅痛苦...
我諗你完全冇感受到,亦從來冇在意過,記得你點叫我走嗎...
你話以後都唔可以再同我做愛......唔肯講原因... ...後來我終於知道... ...
由始至終你都冇鍾意過我,係我一廂情願地對你好...
時間回到七年前,入討論區聊天係每日嘅習慣,現實世界太多煩惱,總想搵個地方
可以逃避吓,就係咁識咗好多唔同類型嘅人,I先生係其中一個剛失戀嘅朋友,傾咗
一段時間見佢咁慘,成日都一個人冇人陪,所以約咗出嚟睇戲食飯,慢慢發展到一
星期見幾次,會上佢屋企過夜,會出去爆房,唔知由幾時開始,我鍾意咗佢...
有一日佢同我講前女友要求復合,佢同意,然後好快佢哋就繼續同居,我唔開心但
唔捨得走,嗰年元旦我哋兩個喺大嶼山租咗間房,過咗一個好難忘嘅元旦...
之後見面由一星期幾次,變到一星期見一次,每次我都好珍惜見面嘅機會,盡量唔
喺佢面前表現得唔開心,直至一次,我知道佢哋要結婚...我喺廁所喊咗好耐...
咁難得遇見一個自己鐘意嘅,我真係唔想放手…
佢結婚當日我搵朋友陪我離開香港,我承受唔到…
佢婚後依然保持住一個星期見我一次,直至嗰年嘅10月10日,佢同我講唔想再同我做愛…
唔肯解釋原因…
我以為佢想同太太好好咁維繫段婚姻,想收心養性過婚姻生活, 我可以點,咪消失囉…
直至一日收到佢傳錯俾我嘅訊息,我上佢FB睇……
原來唔係我所諗,佢唔係要返太太身邊,而係佢識咗另一個女人,佢為咗咁而趕我走,
仲同太太離婚,佢個FB甚至WHATSAPP頭像已經變成佢同第3個女人嘅合照,
嚟到呢度,仲點可能唔醒呀…
呢6年我慢慢企返起身,我已經克服到,還望I先生你高抬貴手,唔好再搵我啦,你有你嘅生活,
我有我嘅忙碌,就當我…從來冇識過你啦…
[ 本帖最後由 suki_she 於 2017-6-26 01:40 PM 編輯 ]